დღეს არ მოიძებნება ისეთი ბიზნესმენი, რომელიც იტყვის, რომ წნეხის ქვეშაა - ნოშრევან ნამორაძე
ღმერთის ნება იყო, რომ 2012 წელს რადიკალურად შეიცვალა ყველაფერი - ყველამ შვება ვიპოვეთ, ჩვენ ყველამ სწორი გზა ვიპოვეთ ჩვენი ქვეყნის განვითარების. ბიზნესი დაწყნარდა, დამშვიდდა. მადლობა ღმერთს, რომ სამშვიდობოს გამოვედით, - განაცხადა სააკაშვილის რეჟიმის რეპრესირებულმა ბიზნესმენმა, ნოშრევან ნამორაძემ ტელეკომპანია „იმედის“ გადაცემაში „არჩევანის პირისპირ“.
„მგონია, რომ დღეს არ მოიძებნება ბიზნესმენი, რომელიც იტყვის, რომ კიდევ წნეხის ქვეშაა. ერთ რამეს გავუსწოროთ თვალი - ადამიანებს ქუჩაში არ ცხრილავენ და ადამიანებს ოჯახებში არ უვარდებიან“, - აღნიშნა ნოშრევან ნამორაძემ.
მისი თქმით, 2003 წელს, როდესაც ხელისუფლება შეიცვალა, მათ არ იცოდნენ სად მოვიდნენ, რა თანამდებობები დაიკავეს და რა უნდა ემართათ.
„მიშა სააკაშვილმა შეძლო და მის გარშემო გაიერთიანა რაღაცნაირი მენტალიტეტის საზოგადოება, რომლებიც კონცენტრირებული იყვნენ, რომ ვინმესთვის რაიმე ცუდი გაეკეთებინათ., ოღონდ ვიღაც აეწიოკებინათ, დაესაჯათ“, - აღნიშნა ნამორაძემ.
დღის ტოპ 10 სიახლე
სხვა სიახლეები
საქართველოს მთავრობის ადმინისტრაციის უფროსი საქართველოში ინდოეთის რესპუბლიკის ელჩს შეხვდა
24.08.2026.15:37
საქართველოს მთავრობის ადმინისტრაციის უფროსი ლევან ჟორჟოლიანი საქართველოში ინდოეთის რესპუბლიკის ელჩს ამით კუმარ მიშრას შეხვდა, - ინფორმაციას საქართველოს მთავრობის ადმინისტრაცია ავრცელებს.
უწყების ცნობით, შეხვედრაზე საუბარი ინდოეთსა და საქართველოს შორის ურთიერთობებს და თანამშრომლობის სამომავლო მიმართულებებს შეეხო. ხაზი გაესვა ამით კუმარ მიშრას, როგორც პირველი რეზიდენტი ელჩის დანიშვნის მნიშვნელობას ორი ქვეყნის შემდგომი პარტნიორობის გაძლიერებაში.
„განიხილეს ქვეყნებს შორის ეკონომიკური თანამშრომლობისა და ვაჭრობის საკითხები. ყურადღება გამახვილდა აღნიშნულ სფეროში არსებული პოტენციალის ათვისების მნიშვნელობაზე. ყურადღება დაეთმო ტურიზმის, კულტურულ, საგანმანათლებლო და სამეცნიერო მიმართულებებით საქართველოსა და ინდოეთს შორის ურთიერთობებს.
შეხვედრას მთავრობის ადმინისტრაციის უფროსის მოადგილე ზვიად ბარქაია დაესწრო“, - აღნიშნულია გავრცელებულ ინფორმაციაში.
საზაფხულო ბანაკების ფარგლებში ცესკოს თავმჯდომარის მოადგილე ყვარელში ახალგაზრდებს შეხვდა
24.08.2026.14:32
სახელმწიფო უსაფრთხოების სამსახურის უფროსმა გეკა გელაძემ სომხეთის რესპუბლიკის საგარეო დაზვერვის სამსახურის უფროს ქრისტინე გრიგორიანს უმასპინძლა
21.08.2026.14:11
