დღეს მთავრობის სხდომა გაიმართება - რას განიხილავენ
დღეს 11:00 საათზე მთავრობის სხდომა გაიმართება, რომელსაც პრემიერ-მინისტრი ირაკლი კობახიძე უხელმძღვანელებს. სხდომაზე დღის წესრიგით გათვალისწინებულ 16 საკითხზე იმსჯელებენ:
1. საქართველოს კანონების პროექტები „ადმინისტრაციული სახდელისგან გათავისუფლების შესახებ“ საქართველოს კანონში ცვლილების შეტანის თაობაზე‘‘ და „ამნისტიის შესახებ“ საქართველოს კანონში
ცვლილების შეტანის თაობაზე“
მომხსენებელი: მ. სარჯველაძე
2. საქართველოს მთავრობის განკარგულების პროექტი ,,სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზების შესახებ”
მომხსენებელი: ლ. დავითაშვილი
3. საქართველოს მთავრობის განკარგულების პროექტი ,,სახელმწიფო საკუთრებაში არსებული უძრავი ქონების შპს „ვიზა ეს-ლაინისათვის“ პირდაპირი მიყიდვის ფორმით პრივატიზების შესახებ”
მომხსენებელი: ლ. დავითაშვილი
4. საქართველოს მთავრობის განკარგულების პროექტი ,,სახელმწიფო საკუთრებაში არსებული უძრავი ქონების შპს „გრანდ ტრანსპარკისათვის“ აღნაგობის უფლებით გადაცემაზე თანხმობის მიცემის შესახებ”
მომხსენებელი: ლ. დავითაშვილი
5. საქართველოს მთავრობის განკარგულების პროექტი ,,საქართველოს მთავრობასა და შპს ,,პარვუს ჯგუფს“ (უფლებამონაცვლე შპს „პარვუს ბასრა“) შორის „ბასრა 1 ჰესისა“ და „ბასრა 2 ჰესის“ ელექტროსადგურების შესახებ 2021 წლის 19 ივლისს დადებულ ხელშეკრულებაში განსახორციელებელი ცვლილებების შესახებ“
მომხსენებელი: ლ. დავითაშვილი
6. საქართველოს მთავრობის განკარგულების პროექტი ,,საქართველოს მთავრობასა და შპს „პარვუს ჯგუფს“ შორის ,,ბასრა 4 ჰესის“ ელექტროსადგურის შესახებ 2023 წლის 4 სექტემბერს დადებული ხელშეკრულების ფარგლებში განსახორციელებელი ღონისძიებების თაობაზე”
მომხსენებელი: ლ. დავითაშვილი
7. საქართველოს მთავრობის განკარგულების პროექტი ,,საქართველოს მთავრობას და შპს „ცხენისწყალი 3“-ს შორის „ცხენისწყალი 3 ჰესის“ შესახებ განსახორციელებელი ღონისძიებების შესახებ“
მომხსენებელი: ლ. დავითაშვილი
8. საქართველოს მთავრობის განკარგულების პროექტი ,,საქართველოს მთავრობასა და შპს ,,ლესულუხეჰესს“ შორის ,,ლესულუხე ჰესის“ შესახებ 2021 წლის 19 ივლისს დადებულ ხელშეკრულებაში რიგი ღონისძიებების განხორციელების თაობაზე”
მომხსენებელი: ლ. დავითაშვილი
9. საქართველოს მთავრობის განკარგულების პროექტი ,,2011 წლის 10 ნოემბერს სახელმწიფოსა და „ვექტრა ინვესთმენთ ფრაივეთ ლიმითედს“ (უფლებამონაცვლე „ნაუტიკ ა.ვე.ტე ენერჯი პი.ტი.ეი ლიმითედი“) შორის VIIB სახელშეკრულებო ფართობთან დაკავშირებით გაფორმებული პროდუქციის
წილობრივი განაწილების ხელშეკრულებაში ცვლილების შეტანის თაობაზე“
მომხსენებელი: ლ. დავითაშვილი
10. საქართველოს მთავრობის განკარგულების პროექტი ,,შპს „საქართველოს აეროპორტების გაერთიანებასა” და აზიის განვითარების ბანკს შორის გასაფორმებელი ურთიერთშეთანხმების მემორანდუმის მოწონების თაობაზე”
მომხსენებელი: ლ. დავითაშვილი
11. საქართველოს მთავრობის განკარგულების პროექტი ,,შპს „New Road“-ის სასარგებლო წიაღისეულის მოპოვების ლიცენზიისაგან გათავისუფლების თაობაზე“
მომხსენებელი: ლ. დავითაშვილი
12. საქართველოს მთავრობის განკარგულების პროექტი ,,სს „საქართველოს მილსადენის კომპანიას საქართველოს ფილიალის“ სასარგებლო წიაღისეულის მოპოვების ლიცენზიისაგან გათავისუფლების თაობაზე”
მომხსენებელი: ლ. დავითაშვილი
13. საქართველოს მთავრობის განკარგულების პროექტი ,,შპს „დეენკა პრომაინინგზე“ გაცემულ სასარგებლო წიაღისეულის მოპოვების ლიცენზიაში ცვლილების შეტანასა და დამატებითი სალიცენზიო პირობის განსაზღვრაზე თანხმობის გაცემის შესახებ”
მომხსენებელი: ლ. დავითაშვილი
14. საქართველოს მთავრობის დადგენილების პროექტი „ელექტროენერგიის ბაზრის მოდელის კონცეფციის დამტკიცების შესახებ“ საქართველოს მთავრობის 2020 წლის 16 აპრილის №246 დადგენილებასა და „ელექტროენერგიის ბაზრის მოდელის კონცეფციის დამტკიცების შესახებ“ საქართველოს მთავრობის 2020 წლის 16 აპრილის №246 დადგენილებაში ცვლილების შეტანის თაობაზე“ საქართველოს მთავრობის 2022 წლის 30 დეკემბრის №622 დადგენილებაში ცვლილების შეტანის შესახებ”
მომხსენებელი: ლ. დავითაშვილი
15. საქართველოს მთავრობის განკარგულების პროექტი ,,ჩქაროსნული ავტომაგისტრალის სამტრედია-გრიგოლეთის საავტომობილო გზის კმ00+000-კმ11+500 მონაკვეთის მშენებლობის პროექტის ფარგლებში საარბიტრაჟო დავის წარმოებასთან დაკავშირებული ღონისძიებების შესახებ”
მომხსენებელი: რ. ბრეგაძე
16. საქართველოს მთავრობის განკარგულების პროექტი ,,ექსპორტის მიზნით სოჭის გირჩისა და „გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ“ კონვენციის (CITES) დანართებში შეტანილი თეთრყვავილას ბოლქვებით ან/და ყოჩივარდას გორგლებით სარგებლობის ლიცენზიის გაცემის მიზნით აუქციონის საწყისი ფასის განსაზღვრის შესახებ”
მომხსენებელი: ო. შამუგია
დღის ტოპ 10 სიახლე
სხვა სიახლეები
ყოველთვის მზად ვართ, ბიზნესს მოვუსმინოთ და ჩვენი გეგმები გავაცნოთ - რევაზ სოხაძე
27.07.2026.17:07
„ჩვენ ვართ პარტნიორები და თქვენთან ერთად უნდა მივაღწიოთ იმას, რომ სამშენებლო სფეროში მდგომარეობა გავაუმჯობესოთ. სახელმწიფო ამ პროცესში მხარს დაგიჭერთ, მათ შორის, საკანონმდებლო ცვლილებებითაც, რადგან პარტნიორობა, პირველ რიგში, პასუხისმგებლობას ნიშნავს,” – განაცხადა ინფრასტრუქტურის მინისტრმა რევაზ სოხაძემ „ინფრასტრუქტურის მშენებელთა ასოციაციის” (ICCA) მიერ ორგანიზებულ ფორუმზე.
საქართველოს მთავრობისა და „ინფრასტრუქტურის მშენებელთა ასოციაციის“ თანაორგანიზებით გამართულ გაფართოებულ სამუშაო შეხვედრაზე საუბარი შეეხო 2026 წელს განხორციელებულ საკანონმდებლო ცვლილებებს, ფასთან ინდექსაციის ახალ წესს, სამშენებლო რესურსების სარეკომენდაციო საბაზრო ღირებულებებს, ასევე შრომისა და ტექნიკისა ღირებულებების განსაზღვრის ახალ მიდგომებს. მონაწილეებმა ასევე იმსჯელეს იმ ცვლილებებზე, რომლებიც სამშენებლო სექტორის უფრო ეფექტიან და გამჭვირვალე ფუნქციონირებას ისახავს მიზნად.
რევაზ სოხაძემ დარგის წარმომადგენლებს თანამშრომლობისთვის მადლობა გადაუხადა და აღნიშნა, რომ მსგავსი შეხვედრები მნიშვნელოვანია გამოწვევების, მოსაზრებებისა და ხედვების გასაზიარებლად. მისი თქმით, სამინისტროსთვის პრიორიტეტია არა მხოლოდ საკანონმდებლო ბაზის სრულყოფა, არამედ მიღებული ცვლილებების ეფექტიანი განხორციელებაც.
„როდესაც ამ ცვლილებებზე მუშაობა დავიწყეთ, თავიდანვე ნათელი იყო, რომ სამშენებლო სექტორს სისტემური გაჯანსაღება სჭირდებოდა. მნიშვნელოვანი ნაბიჯები უკვე გადავდგით საკანონმდებლო მიმართულებით და ამ პროცესს კვლავაც გავაგრძელებთ, თუმცა ცვლილებები მხოლოდ კანონებით არ სრულდება — აუცილებელია, შეიცვალოს მიდგომებიც და პრაქტიკაც. როდესაც საქმე სახელმწიფო ბიუჯეტსა და მოქალაქეების ფულით შექმნილ ინფრასტრუქტურას ეხება, ხარისხის მიმართ კომპრომისი დაუშვებელია. სახელმწიფოს მოთხოვნა ერთია — ყველა პროექტი უმაღლესი სტანდარტით შესრულდეს,” – განაცხადა რევაზ სოხაძემ.
მინისტრმა ყურადღება გაამახვილა კომპანიების პასუხისმგებლობაზეც და აღნიშნა, რომ სახელმწიფო მაქსიმალურად უწყობს ხელს ქართული სამშენებლო კომპანიების განვითარებას, თუმცა მათ ტენდერში მონაწილეობამდე საკუთარი შესაძლებლობები რეალისტურად უნდა შეაფასონ. მისი განცხადებით, მიუხედავად ხარისხის კონტროლის გამკაცრებისა, კვლავ ფიქსირდება უხარისხოდ შესრულებული სამუშაოების შემთხვევები.
„ჩვენი მიზანი არ არის რომელიმე კომპანია დაზარალდეს, მაგრამ ხარისხთან დაკავშირებით კომპრომისი არ იქნება. ამავდროულად, ჩვენ ვგულშემატკივრობთ ქართულ სამშენებლო კომპანიებს და ყველაფერს ვაკეთებთ იმისთვის, რომ ისინი გაძლიერდნენ და განვითარდნენ,” – განაცხადა რევაზ სოხაძემ.
შეხვედრაში მონაწილეობდნენ საქართველოს მთავრობის ადმინისტრაციის უფროსი ლევან ჟორჟოლიანი, მთავრობის ეფექტიანობის დეპარტამენტის უფროსი გურამ დუმბაძე, ლევან სამხარაულის სახელობის სასამართლო ექსპერტიზის ეროვნული ბიუროს, ინფრასტრუქტურის სამინისტროს, საავტომობილო გზების დეპარტამენტისა და კერძო სამშენებლო სექტორის წარმომადგენლები.
