დღეს თბილისში უპრეცედენტო რაოდენობის ავტობუსები გვყავს, რომლებიც ევროკავშირის ნებისმიერ კრიტიკულ სტანდარტს უძლებს - ვიქტორ წილოსანი
იცით, რომ ჩვენ საზოგადოებრივ ტრანსპორტს ვაძლიერებთ. დღეს თბილისში უპრეცედენტო რაოდენობის ავტობუსები გვყავს და კიდევ ემატება 18-მეტრიანი ავტობუსები, - განაცხადა თბილისის მერიის ტრანსპორტისა და ურბანული სამსახურის ხელმძღვანელმა ვიქტორ წილოსანმა.
მან იმედი გამოთქვა, რომ სულ უფრო მეტი ადამიანი დაიწყებს საზოგადოებრივი ტრანსპორტით სარგებლობას.
„ჩვენ ახლა გვყავს „ევრო 5“ და „ევრო 6“-ის საზოგადოებრივი ტრანსპორტი, რომელიც უძლებს ევროკავშირის ნებისმიერ კრიტიკულ სტანდარტს და შესაბამისად, ჩვენ ამითაც გავუფრთხილდებით გარემოს. ბუნებრივია, ჩვენ თუ გვექნება საზოგადოებრივი ტრანსპორტისთვის გამოყოფილი ზოლები, ასევე ავტობუსები იქნება კომფორტული და არ იქნება გადავსებული, დარწმუნებული ვარ, რომ მოსახლეობაც ნელ-ნელა დაიწყებს საზოგადოებრივი ტრანსპორტით გადაადგილებას“, - აღნიშნა წილოსანმა.
დღის ტოპ 10 სიახლე
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა
22.05.2026.14:23
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა.
მთავრობის ადმინისტრაციის უფროსმა ელჩს დიპლომატიური მისიის დაწყება მიულოცა და წარმატებები უსურვა.
შეხვედრაზე ყურადღება გამახვილდა საქართველოსა და თურქეთის სტრატეგიულ პარტნიორობაზე და მაღალი დონის პოლიტიკურ და ეკონომიკურ ურთიერთობებზე. აღინიშნა ორი ქვეყნის ნაყოფიერი თანამშრომლობა როგორც ორმხრივ, ისე მრავალმხრივ ფორმატებში.
საუბარი ასევე შეეხო შუა დერეფნის სტრატეგიულ მნიშვნელობას და საქართველოსა და თურქეთის პარტნიორობას მისი შემდგომი განვითარების მიმართულებით.
განსაკუთრებით აღინიშნა სამხრეთ კავკასიაში მშვიდობისა და სტაბილურობის მნიშვნელობა რეგიონის ქვეყნების მდგრადი განვითარებისა და კეთილდღეობისთვის.
სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება - სხვა სცენარი ვერ იქნება l ნიკოლ ფაშინიანი
22.05.2026.13:20
