ძალიან მნიშვნელოვანია ეკონომიკური თანამშრომლობის გაღრმავება სინგაპურთან, სინგაპური რეგიონში წარმოადგენს ფინანსურ და ლოგისტიკურ ჰაბს, ანალოგიურად, საქართველო თავის რეგიონში წარმოადგენს ასეთ ჰაბს, ჩვენ ბევრ ინვესტიციას ვდებთ დაკავშირებადობის ფუნქციის განვითარებაში - ლევან ჟორჟოლიანი
პრემიერ-მინისტრს სინგაპურში ექნება სამუშაო შეხვედრები სინგაპურის პრემიერ-მინისტრთან, პრეზიდენტთან, ასევე პარლამენტის თავმჯდომარესთან. ძალიან მნიშვნელოვანია ეკონომიკური თანამშრომლობის გაღრმავება სინგაპურთან და გამოცდილების გაზიარება სხვადასხვა მიმართულებით, - ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა ჟურნალისტებს განუცხადა.
როგორც ლევან ჟორჟოლიანმა აღნიშნა, პრემიერ-მინისტრი მრგვალი მაგიდის ფორმატში შეხვდება ფინტექ კომპანიების წარმომადგენლებს, ასევე სინგაპურის საერთაშორისო აეროპორტის აღმასრულებელ დირექტორს.
„სინგაპური რეგიონში წარმოადგენს ფინანსურ და ლოგისტიკურ ჰაბს. ანალოგიურად, საქართველო თავის რეგიონში წარმოადგენს ასეთ ჰაბს. ჩვენ ძალიან ბევრი ინვესტიცია ვდებთ დაკავშირებადობის ფუნქციის განვითარებაში, ასევე იმაში, რომ საქართველო კიდევ უფრო ძლიერად წარმოადგენდეს ფინანსურ და ლოგისტიკურ ჰაბს თავისივე რეგიონში, შესაბამისად, ძალიან მნიშვნელოვანი არის ეკონომიკური თანამშრომლობის გაღრმავება სინგაპურთან და გამოცდილების გაზიარება სხვადასხვა მიმართულებით", - განაცხადა ლევან ჟორჟოლიანმა.
დღის ტოპ 10 სიახლე
სხვა სიახლეები
ეკონომიკისა და მდგრადი განვითარების მინისტრი მარიამ ქვრივიშვილი სინგაპურის ციფრული განვითარებისა და ინფორმაციის, ასევე ჯანდაცვის სამინისტროების უფროს სახელმწიფო მინისტრს, ტან კიატ ჰოუს შეხვდა
22.07.2026.11:04
სინგაპურში საქართველოს პრემიერ-მინისტრის ვიზიტის ფარგლებში, ეკონომიკისა და მდგრადი განვითარების მინისტრი მარიამ ქვრივიშვილი სინგაპურის ციფრული განვითარებისა და ინფორმაციის, ასევე ჯანდაცვის სამინისტროების უფროს სახელმწიფო მინისტრს, ტან კიატ ჰოუს შეხვდა.
შეხვედრის ფარგლებში მხარეებმა განსაკუთრებული ყურადღება გაამახვილეს ქვეყნების ეკონომიკაში ხელოვნური ინტელექტის ინტეგრაციისა და ეფექტიანი გამოყენების მნიშვნელობაზე.
მინისტრებმა განსაზღვრეს თანამშრომლობის ახალი პრიორიტეტული მიმართულებები და გამოხატეს მზადყოფნა გააღრმაონ პარტნიორობა, მათ შორის, საქართველოს ინოვაციების და ტექნოლოგიების სააგენტოს (GITA) მიმართულებით.
შეხვედრას ეკონომიკისა და მდგრადი განვითარების მინისტრის მოადგილეები: გენადი არველაძე და ირაკლი ნადარეიშვილი ესწრებოდნენ.
