მადლობა პრემიერ-მინისტრსა და მთავრობას ნდობის, მხარდაჭერისა და სტარტაპ-ეკოსისტემის განვითარების ხელშეწყობისთვის | Kursi.ge-ის დამფუძნებელი გიორგი აგლაძე
დღეს მქონდა შესაძლებლობა, შევხვედროდი საქართველოს პრემიერ-მინისტრს, ირაკლი კობახიძეს და გამეცნო Kursi.ge-ს განვითარების შედეგები და მისი ეკონომიკური ეფექტი:
2025 წლის იანვრიდან მოსახლეობამ და ბიზნესმა დაახლოებით 350 მილიონი ლარი დაზოგა;
GITA-ს გრანტის ფარგლებში მიღებულ ყოველ 1 ლარზე ეკონომიკური ეფექტი დაახლოებით 2,300 ლარს შეადგენს;
ხელს ვუწყობთ ფინანსურ სექტორში ჯანსაღი კონკურენციის განვითარებას;
ციფრული ტრანზაქციები ეტაპობრივად ანაცვლებს ნაღდი ფულით ანგარიშსწორებას.
Kursi.ge - გეგმით ჯამში, 2025–2029 წლებში 1.5 მილიარდი ლარის დაზოგვას შეძლებს მოსახლეობისა და ბიზნესისთვის
Kursi.ge-მ განვითარების სხვადასხვა ეტაპზე სახელმწიფო მხარდაჭერის რამდენიმე მექანიზმით ისარგებლა - ვართ GITA-ს გრანტის ბენეფიციარი, გვაქვს „ინოვაციური სტარტაპის“ სტატუსი, საწყის ეტაპზე კი ვისარგებლეთ საქართველოს ეროვნული ბანკის რეგულაციური სენდბოქსით.
პრემიერ-მინისტრმა კომპანიის სამომავლო განვითარების მიმართ მხარდაჭერა გამოხატა.
მადლობა საქართველოს პრემიერ-მინისტრ ირაკლი კობახიძესა და საქართველოს მთავრობას ნდობისთვის, მხარდაჭერისთვის და სტარტაპ-ეკოსისტემისა და ფინტექ სექტორის განვითარების ხელშეწყობისთვის.
წინ კიდევ ბევრი საქმე გველის.
სხვა სიახლეები
საფინანსო-საბიუჯეტო კომიტეტმა საქართველოსა და აზიის ინფრასტრუქტურის საინვესტიციო ბანკს შორის სასესხო შეთანხმების რატიფიცირებას მხარი დაუჭირა
17.11.2026.14:51
საქართველოს პარლამენტის საფინანსო-საბიუჯეტო კომიტეტმა მთავრობის მიერ რატიფიცირებისათვის წარდგენილი „საქართველოსა და აზიის ინფრასტრუქტურის საინვესტიციო ბანკს შორის სასესხო შეთანხმება (ტრანსკასპიური სატრანსპორტო დერეფანი - საქართველოს ხელმისაწვდომობისა და ტრანსპორტის გაუმჯობესების პროექტი)" განიხილა და მხარი დაუჭირა.
მომხსენებლის, ფინანსთა მინისტრის პირველი მოადგილის, გიორგი კაკაურიძის განცხადებით, შეთანხმება ითვალისწინებს კახეთის მიმართულებით საგზაო ინფრასტრუქტურის გაუმჯობესებისთვის სესხის გამოყოფას, რომლის მოცულობა 158, 424310 ევროა, ხოლო სესხის ხანგრძლივობა 25 წელი, მათ შორის შეღავათიანი პერიოდი 10 წელი.
პროექტის მიზანია საავტომობილო გზის მონაკვეთების მშენებლობა – ბადიაურიდან ჩალაუბნამდე, ჩალაუბნიდან ბაკურციხემდე და გურჯაანიდან თელავამდე.
პროექტს საქართველოს საავტომობილო გზების დეპარტამენტი განახორციელებს.