ყველაზე მნიშვნელოვანი ნაბიჯია ის, რომ სახელმწიფო უნივერსიტეტებში სწავლა სრულად დაფინანსდება სახელმწიფოს მიერ - მარიამ გრიგოლიშვილი
„განათლების რეფორმა არ არის მორიგი პოლიტიკური თემა. ეს არის საკითხი, რომელიც პირდაპირ ეხება ახალგაზრდობას — ჩემს თაობას. შესაბამისად, ჩემთვის განსაკუთრებული პასუხისმგებლობაა ამ თემაზე საუბარი“ - განაცხადა თბილისის საკრებულოს უმრავლესობის წევრმა მარიამ გრიგოლიშვილმა დღეს გამართულ საკრებულოს სხდომაზე.
მისი თქმით, განათლების სფეროში წლების განმავლობაში უამრავი გამოწვევაა დაგროვილი და ზუსტად იციან როგორია სწორი მიმართულება.
„ყველაზე მნიშვნელოვანი ნაბიჯია ის, რომ სახელმწიფო უნივერსიტეტებში სწავლა სრულად დაფინანსდება სახელმწიფოს მიერ.
ეს არის სოციალური სამართლიანობის ძლიერი გზავნილი, რადგანაც განათლებაზე ხელმისაწვდომობა უნდა იყოს არა ოჯახების ფინანსურ მდგომარეობაზე დამოკიდებული, არამედ ახალგაზრდების შესაძლებლობებისა და შრომის შედეგი.
მთელი ამ პერიოდის მანძილზე ოპოზიციური პარტიებისგან, მათ შორის საპარლამენტო ტრიბუნიდან, გვესმოდა არაერთი დაუსაბუთებელი, მცდარი მოსაზრება იმასთან დაკავშირებით, თითქოს რეფორმა არ ეფუძნება კვლევას, ანალიზს და არ შეესაბამება საერთაშორისო სტანდარტებს“,- განაცხადა მარიამ გრიგოლიშვილმა.
საკრებულოს უმრავლესობის წევრმა მარიამ გრიგოლიშვილმა თავის გამოსვლაში აღნიშნა, რომ განათლების რეფორმა სწორედ იმ კონცეფციას ეფუძნება, რომლის განხილვაშიც მონაწილეობას თავად უნივერსიტეტების წარმომადგენლები იღებენ.
„არაერთი საერთაშორისო სტანდარტი განამტკიცებს რეფორმის კონცეფციას, ამ სტანდარტების მიხედვით კი ხელისუფლებამ უნდა მიიღოს გადაწყვეტილება განათლების სისტემის ორგანიზებასთან დაკავშირებით თუ როგორი იქნება სახელმწიფო დაფინანსების მოდელი. განათლება არის ის საძირკველი, რომელზედაც დგას ჩვენი სახელმწიფო. თუ ამ მიმართულებით სწორ ნაბიჯებს გადავდგამთ — მივიღებთ ძლიერ ეკონომიკას, ძლიერ ახალგაზრდობას და, შესაბამისად, ძლიერ სახელმწიფოს. ეს რეფორმა ის აუცილებელი და გაბედული ნაბიჯია, რომელსაც ჩვენი ქვეყნის განათლების სისტემა წლები ელოდა“ ,- განაცხადა მარიამ გრიგოლიშვილი.
დღის ტოპ 10 სიახლე
სხვა სიახლეები
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას l ირაკლი კობახიძე
24.07.2026.22:02
ქუთაისი ყოველთვის იყო განათლების, მეცნიერებისა და კულტურის ერთ-ერთი უმნიშვნელოვანესი კერა ჩვენს ქვეყანაში. დღეიდან კი, ტექნოლოგიური ჰაბის გახსნით, ქუთაისი ასევე ხდება საქართველოს ტექნოლოგიური განვითარების ერთ-ერთი მთავარი ცენტრი, - ამის შესახებ საქართველოს პრემიერ-მინისტრმა ირაკლი კობახიძემ ქუთაისის ტექნოლიგური ჰაბის გახსნის ღონისძიებაზე სიტყვით გამოსვლისას განაცხადა.
როგორც მთავრობის მეთაურმა აღნიშნა, თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა.
„აქ იფუნქციონირებს საქართველოს ყველაზე დიდი ტექნოპარკი, ინტერაქციული სამეცნიერო და ტექნოლოგიური მუზეუმი, TUMO-ს საერთაშორისო ტექნოლოგიური სკოლა, ხელოვნური ინტელექტის გამოთვლითი ცენტრი, სტარტაპებისთვის განკუთვნილი სივრცეები და თანამედროვე ლაბორატორიები - რობოტიკის, ელექტრონიკის, დრონების, ხელოვნური ინტელექტის, ვირტუალური რეალობისა და სხვა მიმართულებებით.
ამ ეკოსისტემის განუყოფელი ნაწილი გახდება ქუთაისის საერთაშორისო უნივერსიტეტი, ვინაიდან ძლიერი ტექნოლოგიური ჰაბი ძლიერი უნივერსიტეტის, კვლევითი გარემოსა და კვალიფიციური ადამიანური რესურსის გარეშე ბუნებრივია, ვერ განვითარდება. ქუთაისის საერთაშორისო უნივერსიტეტი კი ქმნის სწორედ იმ აკადემიურ და სამეცნიერო საფუძველს, რომელიც ჰაბს მისცემს შესაძლებლობას, გახდეს არა მხოლოდ სასწავლო და სამუშაო სივრცე, არამედ კვლევის, ახალი ცოდნისა და მაღალტექნოლოგიური პროდუქტების შექმნის ცენტრი.
თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა. ქუთაისის საერთაშორისო აეროპორტი ქუთაისის ტექნოლოგიურ ჰაბს ხელს შეუწყობს, არა მხოლოდ ეროვნულ, არამედ რეგიონული მნიშვნელობის ტექნოლოგიურ ცენტრად ჩამოყალიბდეს.
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას.
მინდა, მადლობა გადავუხადო ყველას, ვინც ჩართული იყო ამ პროექტის წარმატებით განხორციელებაში. პირველ რიგში, მადლობა ეკუთვნის ეკონომიკის სამინისტროს, საქართველოს ეკონომიკის მინისტრ მარიამ ქვრივიშვილს. მადლობა მინისტრის მოადგილეებს, მადლობა ჯიტას, ინოვაციების და ტექნოლოგიების სააგენტოს. კიდევ ერთხელ დიდი მადლობა თითოეულ იმ ადამიანს, რომელიც ჩართული იყო ამ ძალიან მნიშვნელოვანი პროექტის წარმატებით განხორციელებაში. მინდა, მოგილოცოთ დღევანდელი დღე და ყველას მინდა წარმატებები გისურვოთ", - განაცხადა ირაკლი კობახიძემ.
