მიზანი არის, რომ პარლამენტში პროცესი იყოს ძალიან ინკლუზიური, გამჭვირვალე და მივეხმაროთ სექტორს, რომ გახდეს უფრო კონკურენტუნარიანი, რაც საბოლოო ჯამში აისახება სამომხმარებლო ფასების შემცირებაზე - შოთა ბერეკაშვილი
თითოეულ შემთხვევაში არსებობს კონკრეტული მექანიზმები, რომლის საშუალებითაც შესაძლებელია პროცესების ოპტიმიზაცია, - განაცხადა ეკონომიკური პოლიტიკის საპარლამენტო კომიტეტის თავმჯდომარემ შოთა ბერეკაშვილმა სასურსათო პროდუქტის, მედიკამენტებისა და საწვავის ფასების რეგულირების საკითხზე საუბრისას.
მისი თქმით, მნიშვნელოვანია, რომ კონკურენცია ყველა მოთამაშისთვის თანაბარი იყოს.
„მიზანი არის, რომ პროცესი იყოს პარლამენტში ძალიან ინკლუზიური, გამჭვირვალე და მივეხმაროთ სექტორს, რომ ის გახდეს უფრო კონკურენტუნარიანი, რაც საბოლოო ჯამში აისახება სამომხმარებლო ფასების შემცირებაზე“, - აღნიშნა ბერეკაშვილმა.
პარლამენტში, სასურსათო პროდუქტის, მედიკამენტებისა და საწვავის ფასების რეგულირებასთან დაკავშირებით, სპეციალური კომისია იქმნება. დადგენილების პროექტი ბიუროს უკვე წარედგინა.
სხვა სიახლეები
შოთა ბერეკაშვილი კომპანია Aqualia-ს გენერალურ დირექტორს, ამ კომპანიის აფრიკისა და აზიის რეგიონულ დირექტორს და „ჯორჯიან უოთერ ენდ ფაუერის“ აღმასრულებელ დირექტორს შეხვდა
20.11.2026.18:32
საქართველოს პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი კომპანია „Aqualia“-ს გენერალურ დირექტორს, სანტიაგო ლაფუენტე პერეს-ლუკასს, ამ კომპანიის აფრიკისა და აზიის რეგიონულ დირექტორს, ხოსე ენრიკე ბოფილ მაესტრეს და „ჯორჯიან უოთერ ენდ ფაუერის“ აღმასრულებელ დირექტორს, ხოსე მიგელ სანტოს გონზალესს შეხვდა.
შეხვედრის მონაწილეებმა საქართველოში კომპანია „Aqualia“-ს საქმიანობის მიმართულებები მიმოიხილეს და სამომავლო პროექტებზე ისაუბრეს. აღინიშნა, რომ ესპანური კომპანია, რომელიც „ჯორჯიან უოთერ ენდ ფაუერის“ (GWP) 100%-იანი წილის მფლობელია, საქართველოში წყალმომარაგების, წყალარინებისა და განახლებადი ენერგიის სფეროში წარმატებულად ოპერირებს.