მოლოდინი არის იმის, რომ უნგრეთი კიდევ ერთხელ დააფიქსირებს მკაფიო მხარდაჭერას საქართველოს მიმართ ევროატლანტიკურ გზაზე - თამარ ლილუაშვილი მაკა ბოჭორიშვილი უნგრეთში ვიზიტზე
მოლოდინი არის იმის, რომ უნგრეთი კიდევ ერთხელ დააფიქსირებს მკაფიო მხარდაჭერას საქართველოს მიმართ. ჩვენი მხრიდან კიდევ ერთხელ გაჟღერდება ის გზავნილები, რომელიც ყოველთვის იყო ჩვენი პრიორიტეტი - ევროატლანტიკური ინტეგრაცია და ის უცვლელი კურსი, რომელსაც საქართველო ადგას, - განუცხადა უნგრეთში საქართველოს ელჩმა თამარ ლილუაშვილმა ჟურნალისტებს.
თამარ ლილუაშვილმა საქართველოს საგარეო საქმეთა მინისტრის მაკა ბოჭორიშვილის უნგრეთში ვიზიტი შეაფასა.
„უნგრული მხარის მოწვევით, ევროკავშირის პრეზიდენტობის ფარგლებში, ოფიციალური ვიზიტი იმართება ბუდაპეშტში. ვიზიტის ფარგლებში, მინისტრს ექნება შეხვედრები საგარეო საქმეთა მინისტრთან, ასევე ევროპულ საქმეთა მინისტრთან, სადაც კიდევ ერთხელ დაფიქსირდება საქართველოს უცვლელი, ევროატლანტიკური კურსი. მოგეხსენებათ, უნგრული მხარე არის ყოველთვის მომხრეა საქართველოსი ევროატლანტიკურ გზაზე. მოლოდინი არის იმის, რომ უნგრეთი კიდევ ერთხელ დააფიქსირებს მკაფიო მხარდაჭერას საქართველოს მიმართ. ჩვენი მხრიდან კიდევ ერთხელ გაჟღერდება ის გზავნილები, რომელიც ყოველთვის იყო ჩვენი პრიორიტეტი - ევროატლანტიკური ინტეგრაცია და ის უცვლელი კურსი, რომელსაც საქართველო ადგას“, - აღნიშნა ლილუაშვილმა.
სხვა სიახლეები
შოთა ბერეკაშვილი კომპანია Aqualia-ს გენერალურ დირექტორს, ამ კომპანიის აფრიკისა და აზიის რეგიონულ დირექტორს და „ჯორჯიან უოთერ ენდ ფაუერის“ აღმასრულებელ დირექტორს შეხვდა
20.11.2026.18:32
საქართველოს პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი კომპანია „Aqualia“-ს გენერალურ დირექტორს, სანტიაგო ლაფუენტე პერეს-ლუკასს, ამ კომპანიის აფრიკისა და აზიის რეგიონულ დირექტორს, ხოსე ენრიკე ბოფილ მაესტრეს და „ჯორჯიან უოთერ ენდ ფაუერის“ აღმასრულებელ დირექტორს, ხოსე მიგელ სანტოს გონზალესს შეხვდა.
შეხვედრის მონაწილეებმა საქართველოში კომპანია „Aqualia“-ს საქმიანობის მიმართულებები მიმოიხილეს და სამომავლო პროექტებზე ისაუბრეს. აღინიშნა, რომ ესპანური კომპანია, რომელიც „ჯორჯიან უოთერ ენდ ფაუერის“ (GWP) 100%-იანი წილის მფლობელია, საქართველოში წყალმომარაგების, წყალარინებისა და განახლებადი ენერგიის სფეროში წარმატებულად ოპერირებს.