ოპოზიციური პარტიების ლიდერებმა იმდენი რამე თქვეს და იმდენი რამე არ ასრულდა, რომ რეკორდსმენები არიან არასრულებულ საქმეებში - ბექა დავითულიანი ოპოზიციის წარმომადგენლებს
თბილისის საკრებულოს თავმჯდომარის პირველმა მოადგილემ, ბექა დავითულიანმა, საკრებულოში მიმდინარე სხდომაზე ოპოზიციის წარმომადგენლების ბრალდებებს უპასუხა და განაცხადა, რომ ოპოზიციური პარტიების ლიდერებმა იმდენი რამე თქვეს და იმდენი რამე არ ასრულდა, რომ რეკორდსმენები არიან არასრულებულ საქმეებში. ბექა დავითულიანმა თავის გამოსვლაში რამდენიმე საკითხი გამოყო. მათ შორის მან საქართველოში „Eagle Hills“-ის შემოსვლის შესახებაც ისაუბრა.
„ეს არ არის, როგორც თქვენ მოიხსენიებთ, ვითომდა ინვესტიცია. ეს გახლავთ 6-მილიარდიანი ინვესტიცია, რომელიც ჩვენს ქვეყანაში საერთაშორისოდ ცნობილ ბრენდს შემოაქვს. როდესაც ქვეყანაში ასეთი ბრენდი შემოდის, მას, როგორც წესი, სხვა ინვესტორებიც მოჰყვებიან“, - განაცხადა ბექა დავითულიანმა.
თბილისის საკრებულოს თავმჯდომარის პირველმა მოადგილემ ოპოზიციის ბრალდებებს იმაზეც უპასუხა, თითქოსდა ახალი წლის ღამეს ქუჩებში მხოლოდ უცხოელი ტურისტები იმყოფებოდნენ. ბექა დავითულიანის თქმით, ტურისტულ ქვეყანაში ჩამოსვლა ნებისმიერ ტურისტს შეუძლია და ეს არანაირ პრობლემას არ წარმოადგენს. ბექა დავითულიანის აზრით, არც ის არის პრობლემა, რომ უცხოელების 7-8 პროცენტს დროებითი მცხოვრების სტატუსი აქვს.
„7-8 პროცენტისთვის დროებითი მცხოვრებლის სტატუსი ქვეყნისთვის ჯერჯერობით პრობლემა არ არის და ეს კონტროლირებადია. ჩვენ ყველას კარგად გვახსოვს ის ისტერია, როდესაც ოპოზიციის წარმომადგენლები აცხადებდნენ, რუსებმა წაგვლეკესო. სად არიან ახლა ეს რუსები, წაგვლეკეს?!“ - განაცხადა ბექა დავითულიანმა.
ბექა დავითულიანმა დემოგრაფიული პრობლემის შესახებაც ისაუბრა და განაცხადა, რომ ეს პრობლემა ყველა განვითარებული ქვეყნის წინაშე დგას.
დღის ტოპ 10 სიახლე
სხვა სიახლეები
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას l ირაკლი კობახიძე
24.07.2026.22:02
ქუთაისი ყოველთვის იყო განათლების, მეცნიერებისა და კულტურის ერთ-ერთი უმნიშვნელოვანესი კერა ჩვენს ქვეყანაში. დღეიდან კი, ტექნოლოგიური ჰაბის გახსნით, ქუთაისი ასევე ხდება საქართველოს ტექნოლოგიური განვითარების ერთ-ერთი მთავარი ცენტრი, - ამის შესახებ საქართველოს პრემიერ-მინისტრმა ირაკლი კობახიძემ ქუთაისის ტექნოლიგური ჰაბის გახსნის ღონისძიებაზე სიტყვით გამოსვლისას განაცხადა.
როგორც მთავრობის მეთაურმა აღნიშნა, თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა.
„აქ იფუნქციონირებს საქართველოს ყველაზე დიდი ტექნოპარკი, ინტერაქციული სამეცნიერო და ტექნოლოგიური მუზეუმი, TUMO-ს საერთაშორისო ტექნოლოგიური სკოლა, ხელოვნური ინტელექტის გამოთვლითი ცენტრი, სტარტაპებისთვის განკუთვნილი სივრცეები და თანამედროვე ლაბორატორიები - რობოტიკის, ელექტრონიკის, დრონების, ხელოვნური ინტელექტის, ვირტუალური რეალობისა და სხვა მიმართულებებით.
ამ ეკოსისტემის განუყოფელი ნაწილი გახდება ქუთაისის საერთაშორისო უნივერსიტეტი, ვინაიდან ძლიერი ტექნოლოგიური ჰაბი ძლიერი უნივერსიტეტის, კვლევითი გარემოსა და კვალიფიციური ადამიანური რესურსის გარეშე ბუნებრივია, ვერ განვითარდება. ქუთაისის საერთაშორისო უნივერსიტეტი კი ქმნის სწორედ იმ აკადემიურ და სამეცნიერო საფუძველს, რომელიც ჰაბს მისცემს შესაძლებლობას, გახდეს არა მხოლოდ სასწავლო და სამუშაო სივრცე, არამედ კვლევის, ახალი ცოდნისა და მაღალტექნოლოგიური პროდუქტების შექმნის ცენტრი.
თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა. ქუთაისის საერთაშორისო აეროპორტი ქუთაისის ტექნოლოგიურ ჰაბს ხელს შეუწყობს, არა მხოლოდ ეროვნულ, არამედ რეგიონული მნიშვნელობის ტექნოლოგიურ ცენტრად ჩამოყალიბდეს.
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას.
მინდა, მადლობა გადავუხადო ყველას, ვინც ჩართული იყო ამ პროექტის წარმატებით განხორციელებაში. პირველ რიგში, მადლობა ეკუთვნის ეკონომიკის სამინისტროს, საქართველოს ეკონომიკის მინისტრ მარიამ ქვრივიშვილს. მადლობა მინისტრის მოადგილეებს, მადლობა ჯიტას, ინოვაციების და ტექნოლოგიების სააგენტოს. კიდევ ერთხელ დიდი მადლობა თითოეულ იმ ადამიანს, რომელიც ჩართული იყო ამ ძალიან მნიშვნელოვანი პროექტის წარმატებით განხორციელებაში. მინდა, მოგილოცოთ დღევანდელი დღე და ყველას მინდა წარმატებები გისურვოთ", - განაცხადა ირაკლი კობახიძემ.
