პრემიერ-მინისტრი ევროპელ ლიდერებთან ერთად მონაწილეობას მიიღებს დისკუსიაში, რომელიც შეეხება ეკონომიკას, ევროპის დამოკიდებულებებს ეკონომიკის მიმართულებით, ასევე უერთდება საფრანგეთის ინიციატივას ნარკოტიკების წინააღმდეგ კოალიციის შექმნასთან დაკავშირებით - ლევან ჟორჟოლიანი
საქართველოს პრემიერ-მინისტრს ექნება საშუალება, EPC-ის სამიტის ფარგლებში, ევროპელ ლიდერებთან ერთად, მრგვალი მაგიდის ფორმატში, მონაწილეობა მიიღოს დისკუსიაში, რომელიც შეეხება ეკონომიკას, ევროპის დამოკიდებულებებს ეკონომიკის მიმართულებით, - ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა დანიაში ქართველ ჟურნალისტებს განუცხადა.
საქართველოს დელეგაცია პრემიერ-მინისტრის ხელმძღვანელობით დანიის დედაქალაქ კოპენჰაგენში იმყოფება, სადაც ევროპული პოლიტიკური გაერთიანების (EPC) მეშვიდე სამიტი იმართება.
„ჩვენთვის ეკონომიკა არის ერთ-ერთი უმნიშვნელოვანესი პრიორიტეტი, შესაბამისად, ეკონომიკური ზრდის მიხედვითაც ვართ ერთ-ერთი მოწინავე ევროპაში. უკვე რამდენიმე წელია, ამ ტრენდს ვინარჩუნებთ, რაც ძალიან მნიშვნელოვანია. ამ თემებზე გვექნება საუბარი. ასევე პრემიერ-მინისტრი უერთდება საფრანგეთის ინიციატივას, ნარკოტიკების წინააღმდეგ კოალიციის შექმნასთან დაკავშირებით. ამასთან დაკავშირებით საქართველოს ხელისუფლება ძალიან აქტიურად მუშაობს, განსაკუთრებით შინაგან საქმეთა სამინისტრო, რომელმაც ბოლო თვეების განმავლობაში უპრეცედენტო რაოდენობის ნარკოტიკი ამოიღო, მსხვილი ნარკორეალიზატორები დააკავა და მისცა პასუხისგებაში", - განაცხადა ლევან ჟორჟოლიანმა.
დღის ტოპ 10 სიახლე
სხვა სიახლეები
საქართველოს პრემიერ-მინისტრი ირაკლი კობახიძე ამერიკის შეერთებული შტატების ელჩის მოვალეობის შემსრულებელ ემი დიაზს შეხვდა
26.08.2026.13:04
საქართველოს პრემიერ-მინისტრი ირაკლი კობახიძე ამერიკის შეერთებული შტატების ელჩის მოვალეობის შემსრულებელ ემი დიაზს შეხვდა.
გაცნობითი ხასიათის შეხვედრაზე საუბარი შეეხო საქართველოსა და აშშ-ის ურთიერთობებს.
პრემიერმა შეხვედრაზე კიდევ ერთხელ დაადასტურა საქართველოს მთავრობის მზადყოფნა აშშ-თან სტრატეგიული პარტნიორობის სუფთა ფურცლიდან აღდგენისთვის, რომელიც ორმხრივ ეროვნულ ინტერესებზე ორიენტირებულ კონკრეტულ გზამკვლევს დაეფუძნება.
საქართველოს მთავრობის ადმინისტრაციის უფროსი საქართველოში ინდოეთის რესპუბლიკის ელჩს შეხვდა
24.08.2026.15:37
საზაფხულო ბანაკების ფარგლებში ცესკოს თავმჯდომარის მოადგილე ყვარელში ახალგაზრდებს შეხვდა
24.08.2026.14:32
სახელმწიფო უსაფრთხოების სამსახურის უფროსმა გეკა გელაძემ სომხეთის რესპუბლიკის საგარეო დაზვერვის სამსახურის უფროს ქრისტინე გრიგორიანს უმასპინძლა
21.08.2026.14:11
![[ენერგეტიკის სექტორში] ვხედავთ ინვესტორების აქტიურობას, ვხედავთ ბევრ გაფორმებულ მემორანდუმს, დაწყებულ პროექტს და ეს რომ გადაითარგმნა დაკრედიტების ზრდაში უკვე ნიშნავს, რომ პროექტები იწყება და აღარ არის მხოლოდ კვლევის ეტაპი - მარიამ ჩახვაშვილი](uploads_script/news/2026/08/thumb_7pazzjvv17d5z4x.png)
