საბედნიეროდ, ქართველებს დღეს გვაქვს სახელმწიფო, რომელიც თავის სიმაღლეზე დგას - კონსტანტინე ზარნაძე
„ახალი წლის დღეებში ჩვენ თვალწინ კიდევ ერთხელ შეიცვალა მსოფლიო წესრიგი - დარწმუნებული ვარ, მოვლენებიდან, რომლებიც მთელმა მსოფლიომ ნახა, საქართველოს მოსახლეობა სწორ დასკვნებს გამოიტანს“, - განცხადება ამის შესახებ დედაქალაქის საკრებულოს სხდომაზე წარმომადგენლობითი ორგანოს გარემოს დაცვის კომისიის თავმჯდომარემ კონსტანტინე ზარნაძემ გააკეთა.
„ჩვენ ვნახეთ პარადოქსული სიტუაცია, როდესაც ნატოს წევრი ქვეყნები ერთმანეთს ტერიტორიების წართმევით ემუქრებიან. მინიმუმ ათი ქვეყანა შეიძლება ჩამოვთვალო, სადაც საომარი მოქმედებებია, არეულობებია, ქაოსია, დაპირისპირებებია და ათასობით ადამიანის სიცოცხლე იკარგება“, - განაცხადა კონსტანტინე ზარნაძემ.
მისივე თქმით, მსოფლიომ ნახა კადრები, როდესაც აშშ-ში პოლიციის აგენტებმა მხოლოდ იმის გამო მოკლეს ქალი, მხოლოდ იმის გამო ესროლეს თავში, რომ მან პოლიციის ნებართვის გარეშე დაძრა მანქანა. ამ კადრებზე რატომღაც ყველა ჩუმად არის და ხმას არ იღებს.
„ეს იმიტომ, რომ მონური ფსიქოლოგია აქვთ აქ მყოფი ოპოზიციის წარმომადგენლებს, იმდენად მონური, რომ უცხო ქვეყანას ეხვეწებიან, ჯარი შემოიყვანონ ჩვენს ქვეყანაში და აქ გადატრიალება მოაწყონ“, - განაცხადა კონსტანტინე ზარნაძემ სხდომაზე და აღნიშნა, რომ მსოფლიოში მიმდინარე მოვლენები დასტურია იმისა, რომ ხელისუფლებას რადიკალური ოპოზიციის მოთხოვნათა ნახევარიც რომ შეესრულებინა, დღეს ჩვენ ქვეყანა დაკარგული გვექნებოდა და ადამიანები დაღუპული იქნებოდნენ.
„საბედნიეროდ, ქართველებს დღეს გვაქვს სახელმწიფო, რომელიც თავის სიმაღლეზე დგას. პროცესები კი კიდევ ერთხელ გვარწმუნებს, რომ პარტია „ქართული ოცნების“ ნაბიჯები იყო აბსოლუტურად სწორი და მართებული იმისათვის, რომ უსაფრთხოდ და სტაბილურად იყოს ჩვენი ქვეყანა. მინდა კიდევ ერთხელ მადლობა გადავუხადო ხელისუფლებას და აღვნიშნო, რომ ყოველივე ამის ფონზე ჩვენი ქვეყანა იღებს უპრეცედენტო მასშტაბის ინვესტიციებს, ეკონომიკურ ზრდას. კიდევ ბევრი ინვესტიცია შემოვა ამ ქვეყანაში და მის განვითარებას ხელს ვერავინ შეუშლის. მიმდინარე წელი კი იქნება საუკეთესო ამ ქალაქის ისტორიაში იმ მასშტაბური პროექტებიდან გამომდინარე, რომლებიც დედაქალაქში არის დაგეგმილი“, - განაცხადა კონსტანტინე ზარნაძემ.
დღის ტოპ 10 სიახლე
სხვა სიახლეები
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას l ირაკლი კობახიძე
24.07.2026.22:02
ქუთაისი ყოველთვის იყო განათლების, მეცნიერებისა და კულტურის ერთ-ერთი უმნიშვნელოვანესი კერა ჩვენს ქვეყანაში. დღეიდან კი, ტექნოლოგიური ჰაბის გახსნით, ქუთაისი ასევე ხდება საქართველოს ტექნოლოგიური განვითარების ერთ-ერთი მთავარი ცენტრი, - ამის შესახებ საქართველოს პრემიერ-მინისტრმა ირაკლი კობახიძემ ქუთაისის ტექნოლიგური ჰაბის გახსნის ღონისძიებაზე სიტყვით გამოსვლისას განაცხადა.
როგორც მთავრობის მეთაურმა აღნიშნა, თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა.
„აქ იფუნქციონირებს საქართველოს ყველაზე დიდი ტექნოპარკი, ინტერაქციული სამეცნიერო და ტექნოლოგიური მუზეუმი, TUMO-ს საერთაშორისო ტექნოლოგიური სკოლა, ხელოვნური ინტელექტის გამოთვლითი ცენტრი, სტარტაპებისთვის განკუთვნილი სივრცეები და თანამედროვე ლაბორატორიები - რობოტიკის, ელექტრონიკის, დრონების, ხელოვნური ინტელექტის, ვირტუალური რეალობისა და სხვა მიმართულებებით.
ამ ეკოსისტემის განუყოფელი ნაწილი გახდება ქუთაისის საერთაშორისო უნივერსიტეტი, ვინაიდან ძლიერი ტექნოლოგიური ჰაბი ძლიერი უნივერსიტეტის, კვლევითი გარემოსა და კვალიფიციური ადამიანური რესურსის გარეშე ბუნებრივია, ვერ განვითარდება. ქუთაისის საერთაშორისო უნივერსიტეტი კი ქმნის სწორედ იმ აკადემიურ და სამეცნიერო საფუძველს, რომელიც ჰაბს მისცემს შესაძლებლობას, გახდეს არა მხოლოდ სასწავლო და სამუშაო სივრცე, არამედ კვლევის, ახალი ცოდნისა და მაღალტექნოლოგიური პროდუქტების შექმნის ცენტრი.
თანამედროვე ტექნოლოგიური ეკოსისტემისთვის არანაკლებ მნიშვნელოვანია არა მხოლოდ ციფრული, არამედ ფიზიკური დაკავშირებადობა. ქუთაისის საერთაშორისო აეროპორტი ქუთაისის ტექნოლოგიურ ჰაბს ხელს შეუწყობს, არა მხოლოდ ეროვნულ, არამედ რეგიონული მნიშვნელობის ტექნოლოგიურ ცენტრად ჩამოყალიბდეს.
თანამედროვე ტექნოლოგიური ინფრასტრუქტურა, ძლიერი უნივერსიტეტი და საერთაშორისო დაკავშირებადობა ქმნის უნიკალურ შესაძლებლობას, ქუთაისი გახდეს ქალაქი, სადაც ცოდნა გარდაიქმნება ინოვაციად, ინოვაცია - ბიზნესად, ბიზნესი კი - შექმნის ახალ სამუშაო ადგილებს და ხელს შეუწყობს ეკონომიკურ ზრდას.
მინდა, მადლობა გადავუხადო ყველას, ვინც ჩართული იყო ამ პროექტის წარმატებით განხორციელებაში. პირველ რიგში, მადლობა ეკუთვნის ეკონომიკის სამინისტროს, საქართველოს ეკონომიკის მინისტრ მარიამ ქვრივიშვილს. მადლობა მინისტრის მოადგილეებს, მადლობა ჯიტას, ინოვაციების და ტექნოლოგიების სააგენტოს. კიდევ ერთხელ დიდი მადლობა თითოეულ იმ ადამიანს, რომელიც ჩართული იყო ამ ძალიან მნიშვნელოვანი პროექტის წარმატებით განხორციელებაში. მინდა, მოგილოცოთ დღევანდელი დღე და ყველას მინდა წარმატებები გისურვოთ", - განაცხადა ირაკლი კობახიძემ.
