საქართველოს მთავრობის ადმინისტრაციის უფროსმა ლევან ჟორჟოლიანმა ცენტრალური ევროპისა და ბალტიის ქვეყნების რეგიონული კონფერენცია გახსნა
საქართველოს მთავრობის ადმინისტრაციის უფროსმა ლევან ჟორჟოლიანმა ცენტრალური ევროპისა და ბალტიის ქვეყნების (CEBS) რეგიონული კონფერენცია გახსნა.
ლევან ჟორჟოლიანმა სიტყვით გამოსვლისას ყურადღება გაამახვილა ინტელექტუალური საკუთრების დაცვის სისტემის განვითარებისა და საერთაშორისო სტანდარტებთან ჰარმონიზების მნიშვნელობაზე და ამ მიმართულებით საქართველოს მთავრობის მიერ გადადგმულ ნაბიჯებზე ისაუბრა.
„ჩვენი მიზანია, შევქმნათ გარემო, სადაც ინოვაცია, კრეატიულობა და მეწარმეობა მიიღებს ძლიერ მხარდაჭერას და გახდება ეკონომიკური ზრდის ერთ-ერთი მთავარი მამოძრავებელი ძალა. დღეს დიზაინი არის სტრატეგიული ბიზნესაქტივი, რომელიც ზრდის პროდუქტის საბაზრო ღირებულებას და აძლიერებს კონკურენტუნარიანობას", - განაცხადა ლევან ჟორჟოლიანმა.
მთავრობის ადმინისტრაციის უფროსის შეფასებით, საქართველო აქტიურად განაგრძობს ინტელექტუალური საკუთრების ეროვნული სისტემის გაძლიერებას და საერთაშორისო ასპარეზზე ინტეგრაციას.
„ჩვენთვის მნიშვნელოვანია, ქართველ დიზაინერებსა და მეწარმეებს ჰქონდეთ წვდომა თანამედროვე, ეფექტიან და საერთაშორისოდ აღიარებულ დაცვის მექანიზმებზე. დარწმუნებული ვარ, აღნიშნული კონფერენცია გახდება ახალი თანამშრომლობისა და ინიციატივების დასაწყისი, რომელიც კიდევ უფრო გააძლიერებს ჩვენს საერთო ძალისხმევას ინტელექტუალური საკუთრების დაცვისა და კრეატიული ეკონომიკის განვითარების მიმართულებით", - აღნიშნა ლევან ჟორჟოლიანმა.
საერთაშორისო კონფერენციაში, რომელიც ინტელექტუალური საკუთრების მსოფლიო ორგანიზაციისა და საქართველოს ინტელექტუალური საკუთრების ეროვნული ცენტრის - „საქპატენტის" ორგანიზებით იმართება, აღმასრულებელი და საკანონმდებლო ხელისუფლების წარმომადგენლები და ინტელექტუალური საკუთრების მსოფლიო ორგანიზაციის წევრები მონაწილეობენ.
დღის ტოპ 10 სიახლე
სხვა სიახლეები
საქართველოს სახელმწიფო ინსტიტუტების ეფექტიან მუშაობას ადასტურებს ის გარემოებაც, რომ დღემდე საქართველოს ტერიტორიაზე ევროკავშირის სანქციების გვერდის ავლის არცერთი ფაქტი არ დაფიქსირებულა - საგარეო საქმეთა სამინისტრო
24.07.2026.16:24
საქართველოს სახელმწიფო ინსტიტუტების ეფექტიან მუშაობას ადასტურებს ის გარემოებაც, რომ დღემდე საქართველოს ტერიტორიაზე ევროკავშირის სანქციების გვერდის ავლის არცერთი ფაქტი არ დაფიქსირებულა, - ნათქვამია საგარეო უწყების მიერ გავრცელებულ განცხადებაში.
როგორც უწყების განცხადებაშია აღნიშნული, საქართველო სრულად ითვალისწინებს ევროკავშირის მიერ დაწესებულ სასანქციო რეჟიმს, ამ რეჟიმის კონტექსტს და იღებს ყველა ზომას, რათა საქართველოს ტერიტორია არ იქნეს გამოყენებული სანქციების გვერდის ავლისთვის.
„საქართველოს საგარეო საქმეთა სამინისტრო გამოხატავს წუხილს ევროკავშირის სანქციების 21-ე პაკეტში ყულევის ნავთობგადამამუშავებელი ქარხნის შეტანის შესახებ მიღებულ გადაწყვეტილებასთან დაკავშირებით.
საქართველო სრულად ითვალისწინებს ევროკავშირის მიერ დაწესებულ სასანქციო რეჟიმს, ამ რეჟიმის კონტექსტს და იღებს ყველა ზომას, რათა საქართველოს ტერიტორია არ იქნეს გამოყენებული სანქციების გვერდის ავლისთვის. ევროკავშირთან ამ მიმართულებით თანამშრომლობა ეფუძნება გამჭვირვალობისა და ღიაობის პრინციპებს. ამ თანამშრომლობის ფარგლებში, საქართველოს შესაბამისი უწყებები მუდმივად უზრუნველყოფენ ევროკავშირის ინსტიტუტებისთვის ყველა საჭირო ინფორმაციისა და განმარტების დროულად მიწოდებას.
საქართველოს სახელმწიფო ინსტიტუტების ეფექტიან მუშაობას ადასტურებს ის გარემოებაც, რომ დღემდე საქართველოს ტერიტორიაზე ევროკავშირის სანქციების გვერდის ავლის არცერთი ფაქტი არ დაფიქსირებულა.
ევროკავშირის სანქციების 21-ე პაკეტის მომზადების პროცესში, ქართულმა მხარემ ევროკომისიას წარუდგინა ამომწურავი ინფორმაცია და შესაბამისი დოკუმენტაცია, რომელიც ერთმნიშვნელოვნად ადასტურებს, რომ ყულევის ნავთობგადამამუშავებელი ქარხნის სანქციების ჩამონათვალში შეტანას არავითარი ფაქტობრივი და სამართლებრივი საფუძველი არა აქვს.
საქართველოს საგარეო საქმეთა სამინისტრო იმედოვნებს, რომ ევროკომისიის შესაბამისი სამსახურები და ევროკავშირის წევრი სახელმწიფოები გადაწყვეტილებით განსაზღვრული ექვსთვიანი პერიოდის განმავლობაში იხელმძღვანელებენ სამართლიანობის პრინციპით და გადახედავენ გადაწყვეტილებას.
საქართველო კვლავაც მზად არის ევროკავშირის ინსტიტუტებთან თანამშრომლობისა და მათთვის ყველა საჭირო ინფორმაციის გაზიარებისათვის“, - აცხადებს საქართველოს საგარეო საქმეთა სამინისტრო.
