შალვა პაპუაშვილი ალბანეთის პარლამენტის თავმჯდომარეს შეხვდა
საქართველოს პარლამენტის თავმჯდომარე შალვა პაპუაშვილი ალბანეთის პარლამენტის თავმჯდომარე ელისა სპიროპალის შეხვდა.
შალვა პაპუაშვილმა ელისა სპიროპალის მისი პარტიის არჩევნებში გამარჯვება მიულოცა.
მხარეებმა ისაუბრეს საქართველოსა და ალნაბეთს შორის ურთიერთობებზე.
აღინიშნა ორი ქვეყნის ევროკავშირის წევრობის საერთო მიზანი, რაც მყარ საფუძველს ქმნის ნაყოფიერი ორმხრივი თანამშრომლობისთვის, ასევე, აქტიური გაცვლებისთვის ბალკანეთის რეგიონის ფარგლებში. ამ მხრივ, ხაზი გაესვა საპარლამენტო დიპლომატიის მნიშვნელობას.
მხარეებმა გამოხატეს საპარლამენტო თანამშრომლობის გაძლიერების მზაობა. შეთანხმდნენ საპარლამენტო მეგობრობის ჯგუფების შექმნაზე.
პარლამენტის თავმჯდომარეებმა მიმოიხილეს ორი ქვეყნის გეგმები ევროკავშირში გაწევრიანების გზაზე და ამ მხრივ, ხაზი გაუსვეს გამოცდილების გაზიარების მნიშვნელობას.
ელისა სპიროპალიმ განაცხადა, რომ ალბანეთი მხარს უჭერს საქართველოს ევროპულ და ევროატლანტიკურ ინტეგრაციას.
მან შალვა პაპუაშვილი ოფიციალური ვიზიტით ალბანეთში მიიწვია.
შეხვედრა შედგა ქ. ჟენევაში მიმდინარე პარლამენტის თავმჯდომარეთა მეექვსე მსოფლიო კონფერენციის ფარგლებში.
პარლამენტის თავმჯდომარესთან ერთად, ღონისძიებაში მონაწილეობას იღებს საგარეო საქმეთა კომიტეტის თავმჯდომარე ნიკოლოზ სამხარაძე.
დღის ტოპ 10 სიახლე
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა
22.05.2026.14:23
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა.
მთავრობის ადმინისტრაციის უფროსმა ელჩს დიპლომატიური მისიის დაწყება მიულოცა და წარმატებები უსურვა.
შეხვედრაზე ყურადღება გამახვილდა საქართველოსა და თურქეთის სტრატეგიულ პარტნიორობაზე და მაღალი დონის პოლიტიკურ და ეკონომიკურ ურთიერთობებზე. აღინიშნა ორი ქვეყნის ნაყოფიერი თანამშრომლობა როგორც ორმხრივ, ისე მრავალმხრივ ფორმატებში.
საუბარი ასევე შეეხო შუა დერეფნის სტრატეგიულ მნიშვნელობას და საქართველოსა და თურქეთის პარტნიორობას მისი შემდგომი განვითარების მიმართულებით.
განსაკუთრებით აღინიშნა სამხრეთ კავკასიაში მშვიდობისა და სტაბილურობის მნიშვნელობა რეგიონის ქვეყნების მდგრადი განვითარებისა და კეთილდღეობისთვის.
სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება - სხვა სცენარი ვერ იქნება l ნიკოლ ფაშინიანი
22.05.2026.13:20
