შალვა პაპუაშვილი: ჩვენ პრეზიდენტობის ერთი კანდიდატი გვეყოლებოდა, აბა ორი ხომ არა - ოპოზიციას ჯამურად 130 მანდატი ჰქონდა, მათ შეეძლოთ 4 კანდიდატი დაესახელებინათ
300-წევრიანი კოლეგიიდან მიხეილ ყაველაშვილი 224 ხმით არის არჩეული. ჩვენ ერთი კანდიდატი გვეყოლებოდა, აბა ორი ხომ არა. ოპოზიციას ჯამურად 130 მანდატი ჰქონდათ - ადგილი საარჩევნო კოლეგიაში, მათ შეეძლოთ 4 კანდიდატი დაესახელებინათ, - განაცხადა საქართველოს პარლამენტის თავმჯდომარემ შალვა პაპუაშვილმა ჟურნალისტის კითხვის პასუხად.
„[ინაუგურაციის] ცერემონიაში მონაწილეობას იღებენ თავად საარჩევნო კოლეგიის წევრები ელჩები, იქნება ასევე მთავრობა, კონსტიტუციური ორგანოები, საპატრიარქოს წარმომადგენლები. ინაუგურაციის ორგანიზებას უძღვება პარლამენტის თავმჯდომარე, მე არც მქონდა განსაზღვრული რომ უცხო ქვეყნის წარმოიდგინებიან მომეწვია ამ ინაუგურაციაზე, ამავე დროს თავად დარბაზსაც აქვს გარკვეული შეზღუდვები, თუმცა ეს არ არის მთავარი განმაპირობებელი, არამედ მთავარია ის, რომ ეს არის ოფიციალური ცერემონია, რომელსაც მნიშვნელოვანია, რომ თავად დაესწრონ საარჩევნო კოლეგიის წევრები, ვინც პრეზიდენტი აირჩია და ასევე სრულად იყოს კონსტიტუციური ორგანოები წარმოდგენილი“, - განაცხადა პაპუაშვილმა.
სხვა სიახლეები
შოთა ბერეკაშვილი კომპანია Aqualia-ს გენერალურ დირექტორს, ამ კომპანიის აფრიკისა და აზიის რეგიონულ დირექტორს და „ჯორჯიან უოთერ ენდ ფაუერის“ აღმასრულებელ დირექტორს შეხვდა
20.11.2026.18:32
საქართველოს პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი კომპანია „Aqualia“-ს გენერალურ დირექტორს, სანტიაგო ლაფუენტე პერეს-ლუკასს, ამ კომპანიის აფრიკისა და აზიის რეგიონულ დირექტორს, ხოსე ენრიკე ბოფილ მაესტრეს და „ჯორჯიან უოთერ ენდ ფაუერის“ აღმასრულებელ დირექტორს, ხოსე მიგელ სანტოს გონზალესს შეხვდა.
შეხვედრის მონაწილეებმა საქართველოში კომპანია „Aqualia“-ს საქმიანობის მიმართულებები მიმოიხილეს და სამომავლო პროექტებზე ისაუბრეს. აღინიშნა, რომ ესპანური კომპანია, რომელიც „ჯორჯიან უოთერ ენდ ფაუერის“ (GWP) 100%-იანი წილის მფლობელია, საქართველოში წყალმომარაგების, წყალარინებისა და განახლებადი ენერგიის სფეროში წარმატებულად ოპერირებს.