თბილისის საკრებულოს დელეგაცია სამუშაო ვიზიტით სომხეთის დედაქალაქ ერევანში იმყოფებოდა
თბილისის საკრებულოს დელეგაცია სამუშაო ვიზიტით სომხეთის დედაქალაქ ერევანში იმყოფებოდა. ინფორმაციას თბილისის საკრებულო ავრცელებს.
ვიზიტის ფარგლებში თბილისის საკრებულოს თავმჯდომარის მოადგილე ლევან ჯაფარიძე, ჯანმრთელობის დაცვის და სოციალურ საკითხთა კომისიის თავმჯდომარე ბექა მიქაუტაძე და სპორტისა და ახალგაზრდულ საქმეთა კომისიის თავმჯდომარე შალვა სუთიაშვილი ერევნის მერს ტიგრან ავინიანს, ვიცე-მერს არმენ პამბუხჩიანს და მერის მოადგილეს ლევონ ოჰანესიანს შეხვდნენ.
საკრებულოს დელეგაციასთან ერთად, ერევანში საქართველოს პარლამენტის წევრი ნოდარ ტურძელაძეც იმყოფებოდა.
შეხვედრაზე მხარეებმა ორ ქვეყანას შორის სხვადასხვა სფეროში წარმატებული თანამშრომლობის შესახებ ისაუბრეს და სამომავლო გეგმები დასახეს. ასევე, შეხვედრის მონაწილეებმა ერთმანეთს გამოცდილება იმ რეფორმების შესახებ გაუზიარეს, რომელიც თბილისსა და ერევანში მუნიციპალიტეტის მიერ ხორციელდება.
თბილისის საკრებულოს დელეგაციისა და ერევნის მერის შეხვედრაზე ქალაქებს შორის ურთიერთობების კიდევ უფრო გაღრმავებას და სხვადასხვა მიმართულებით აქტიური თანამშრომლობის მნიშვნელობა გაესვა ხაზი.
დღის ტოპ 10 სიახლე
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
სხვა სიახლეები
შეხვედრა ახალგაზრდებთან რუსთავის ახალგაზრდულ ცენტრში
24.04.2026.12:31
ცენტრალური საარჩევნო კომისია (ცესკო) ახალგაზრდობის სააგენტოსთან თანამშრომლობით ახალგაზრდებთან საინფორმაციო შეხვედრებს აგრძელებს.
მორიგი შეხვედრა რუსთავის ახალგაზრდულ ცენტრში გაიმართა და ის ცენტრალური საარჩევნო კომისიის თავმჯდომარე გიორგი კალანდარიშვილმა და ახალგაზრდობის სააგენტოს ხელმძღვანელის მოვალეობის შემსრულებელმა ანა ბუხრაშვილმა გახსნეს.
ცესკოს თავმჯდომარემ შეხვედრის მონაწილეებთან არჩევნების მნიშვნელობაზე, საარჩევნო პროცესებში ახალგაზრდების აქტიური ჩართულობისა და ინფორმირების აუცილებლობაზე ისაუბრა. გიორგი კალანდარიშვილმა ასევე დეტალურად ისაუბრა არჩევნების ისტორიაზე, ამომრჩევლის როლზე და საარჩევნო უფლებაზე, საარჩევნო ელექტრონული ტექნოლოგიების უპირატესობებზე, ასევე დეზინფორმაციის გავლენებზე და შედეგებზე საარჩევნო პროცესში.
უფრო ვრცლად, თუ როგორ მოქმედებს დეზინფორმაცია საარჩევნო პროცესზე და რა გზებით აწვდის საარჩევნო ადმინისტრაცია ამომრჩევლებს სანდო ინფორმაციას - ამ თემებზე ახალგაზრდებს ცენტრალური საარჩევნო კომისიის პრეს-სპიკერი ნათია იოსელიანი ესაუბრა.
რუსთავის საოლქო საარჩევნო კომისიის თავმჯდომარე გაგა აფციაურმა კი შეხვედრის მონაწილეებს დეტალურად გააცნო ინფორმაცია საარჩევნო ადმინისტრაციის ინსტიტუციური მოწყობის, არჩევნების ორგანიზებისა და საარჩევნო ტექნოლოგიების დანერგვის შესახებ.
რუსთავის ახალგაზრდულ ცენტრში 23 აპრილს გამართულ შეხვედრას 100-მდე ახალგაზრდა დაესწრო.
შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.
