„ტრამპის მარშრუტი“ სომხეთის ბლოკადას დაასრულებს - პროექტის განხორციელება ასევე გახსნის სარკინიგზო მიმოსვლას სპარსეთის ყურესა და შავ ზღვას შორის, ირანის, ნახიჩევანის, სომხეთისა და საქართველოს გავლით, რაც მნიშვნელოვან ცვლილებებს მოუტანს ირანს, აზერბაიჯანს, სომხეთსა და საქართველოს l ნიკოლ ფაშინიანი
სომხეთის პრემიერ-მინისტრმა განაცხადა, რომ „ტრამპის მარშრუტი“ არა მხოლოდ სომხეთსა და აზერბაიჯანს შორის სარკინიგზო მიმოსვლას გახსნის, არამედ სომხეთის ეკონომიკურ ბლოკადას დაასრულებს. ამასთან ნიკოლ ფაშინიანმა აღნიშნა, რომ სომხეთის ბლოკადა ნაწილობრივ უკვე დაძლეულია, რადგან საქართველო-აზერბაიჯანისა და ახალქალაქი - ყარსის სარკინიგზო მიმოსვლა სომხური საქონლის ტრანსპორტირებისთვის გახსნილია.
„პროექტი, რომელიც განხორციელდება სომხეთის რესპუბლიკის ტერიტორიაზე სომხეთის ტერიტორიული მთლიანობის, სუვერენიტეტისა და იურისდიქციის პრინციპებზე დაყრდნობით, სომხეთის ბლოკადას დაასრულებს. სომხეთის ბლოკადა ნაწილობრივ უკვე მოხსნილია, რადგან საქართველოს გავლით აზერბაიჯანის რკინიგზა 2025 წლის ნოემბრიდან სომხეთში იმპორტისა და ექსპორტისთვის გაიხსნა, ახალქალაქი-ყარსის რკინიგზა კი, როგორც იცით, მაისში გაიხსნა იმპორტ-ექსპორტისთვის. საქართველოს გავლით თურქეთის გზები იხსნება სომხური ავტომობილებისთვის. ტრამპის მარშრუტი სომხეთის საერთაშორისო სარკინიგზო ქსელში ინტეგრირებას უზრუნველყოფს. პროექტის განხორციელება ასევე გახსნის სარკინიგზო მიმოსვლას სპარსეთის ყურესა და შავ ზღვას შორის, ირანის, ნახიჩევანის, სომხეთისა და საქართველოს გავლით, რაც მნიშვნელოვან ცვლილებებს მოუტანს ირანს, აზერბაიჯანს, სომხეთსა და საქართველოს“, - განაცხადა პრემიერ-მინისტრმა.
დღის ტოპ 10 სიახლე
სხვა სიახლეები
საქართველოს მთავრობის ადმინისტრაციის უფროსი საქართველოში ინდოეთის რესპუბლიკის ელჩს შეხვდა
24.08.2026.15:37
საქართველოს მთავრობის ადმინისტრაციის უფროსი ლევან ჟორჟოლიანი საქართველოში ინდოეთის რესპუბლიკის ელჩს ამით კუმარ მიშრას შეხვდა, - ინფორმაციას საქართველოს მთავრობის ადმინისტრაცია ავრცელებს.
უწყების ცნობით, შეხვედრაზე საუბარი ინდოეთსა და საქართველოს შორის ურთიერთობებს და თანამშრომლობის სამომავლო მიმართულებებს შეეხო. ხაზი გაესვა ამით კუმარ მიშრას, როგორც პირველი რეზიდენტი ელჩის დანიშვნის მნიშვნელობას ორი ქვეყნის შემდგომი პარტნიორობის გაძლიერებაში.
„განიხილეს ქვეყნებს შორის ეკონომიკური თანამშრომლობისა და ვაჭრობის საკითხები. ყურადღება გამახვილდა აღნიშნულ სფეროში არსებული პოტენციალის ათვისების მნიშვნელობაზე. ყურადღება დაეთმო ტურიზმის, კულტურულ, საგანმანათლებლო და სამეცნიერო მიმართულებებით საქართველოსა და ინდოეთს შორის ურთიერთობებს.
შეხვედრას მთავრობის ადმინისტრაციის უფროსის მოადგილე ზვიად ბარქაია დაესწრო“, - აღნიშნულია გავრცელებულ ინფორმაციაში.
საზაფხულო ბანაკების ფარგლებში ცესკოს თავმჯდომარის მოადგილე ყვარელში ახალგაზრდებს შეხვდა
24.08.2026.14:32
სახელმწიფო უსაფრთხოების სამსახურის უფროსმა გეკა გელაძემ სომხეთის რესპუბლიკის საგარეო დაზვერვის სამსახურის უფროს ქრისტინე გრიგორიანს უმასპინძლა
21.08.2026.14:11
