„ტრამპის მარშრუტის“ შესახებ ძირითადი მოლაპარაკებები აშშ-სა და სომხეთს შორის მიმდინარეობს, თუმცა მისი განხორციელება აზერბაიჯანის მონაწილეობის გარეშე შეუძლებელია - აზერბაიჯანის საგარეო საქმეთა მინისტრი
TRIPP პროექტის („ტრამპის მარშრუტის“) შესახებ ძირითადი მოლაპარაკებები აშშ-სა და სომხეთს შორის მიმდინარეობს, თუმცა მისი განხორციელება აზერბაიჯანის მონაწილეობის გარეშე შეუძლებელია. ამის შესახებ აზერბაიჯანის საგარეო საქმეთა მინისტრმა, ჯეიჰუნ ბაირამოვმა განაცხადა.
საგარეო უწყების ხელმძღვანელის თქმით, ამერიკელი პარტნიორები აზერბაიჯანულ მხარეს მოლაპარაკებების მიმდინარეობის შესახებ ინფორმაციას რეგულარულად აწვდიან.
„TRIPP-ის შესახებ ძირითადი მოლაპარაკებები აშშ-სა და სომხეთს შორის მიმდინარეობს, რაც ბუნებრივია. ამავდროულად, ამერიკელი პარტნიორები აზერბაიჯანს რეგულარულად აყენებენ საქმის კურსში, ვინაიდან პროექტის განხორციელება ჩვენი ქვეყნის მონაწილეობის გარეშე შეუძლებელია. მოწოდებული ინფორმაციის თანახმად, პროცესი წარმატებით გრძელდება“, - განაცხადა ბაირამოვმა.
მინისტრმა აღნიშნა, რომ ადრე პროცესის დაწყება მიმდინარე წლის ბოლომდე იგეგმებოდა, თუმცა ბოლო მონაცემებით, ის 2027 წლისთვის არის გათვალისწინებული.
„მიგვაჩნია, რომ ეს პროექტი ძალიან მნიშვნელოვანია აზერბაიჯანისთვის, სომხეთისთვის, მთელი რეგიონისა და საერთაშორისო პარტნიორობისთვის“, - გაუსვა ხაზი მან.
ბაირამოვმა ასევე განაცხადა, რომ აზერბაიჯანმა ნახიჩევანის ავტონომიური რესპუბლიკის ტერიტორიაზე რკინიგზის აღდგენა უკვე დაიწყო.
მისი თქმით, არსებობენ საერთაშორისო პარტნიორები, რომლებიც ამ პროექტში მონაწილეობით არიან დაინტერესებულნი. ამასთან, აზერბაიჯანი დამოუკიდებლად დგამს მისი განხორციელებისთვის საჭირო ნაბიჯებს.
დღის ტოპ 10 სიახლე
სხვა სიახლეები
მაკა ბოჭორიშვილმა გაცნობითი შეხვედრა გამართა საქართველოში საბერძნეთის რესპუბლიკის ახლადდანიშნულ ელჩთან სოტირია თეოჰარიდისთან
05.10.2026.19:04
საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა გაცნობითი შეხვედრა გამართა საქართველოში საბერძნეთის რესპუბლიკის ახლადდანიშნულ ელჩთან, სოტირია თეოჰარიდისთან.
შეხვედრის ფარგლებში, მხარეებმა განიხილეს საქართველოსა და საბერძნეთს შორის თანამშრომლობის აქტუალური საკითხები და პერსპექტივები.
ხაზი გაესვა ორ ქვეყანას შორის ისტორიულ და ხალხთა შორის არსებულ კავშირებს, რაც მნიშვნელოვნად განსაზღვრავს ქვეყნებს შორის ურთიერთობების დღის წესრიგს.
საუბარი ასევე შეეხო საერთაშორისო ორგანიზაციების ფარგლებში თანამშრომლობას, ასევე ყურადღება გამახვილდა საქართველო-ევროკავშირის ურთიერთობებზე.
მაკა ბოჭორიშვილმა წარმატებები უსურვა ელჩს მომავალ საქმიანობაში.
