ცენტრალურ საარჩევნო კომისიას სტატისტიკის ეროვნული სამსახურისგან მადლობის სიგელი გადაეცა
ცენტრალურ საარჩევნო კომისიას (ცესკო) 2024 წლის აღწერის წარმატებით განხორციელებაში შეტანილი მნიშვნელოვანი წვლილისთვის მადლობის სიგელი გადაეცა. ჯილდო ცესკოს თავმჯდომარე გიორგი კალანდარიშვილს პირადად სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ გადასცა. სიგელი ადასტურებს ორ უწყებას შორის წარმატებულ პარტნიორობასა და კოორდინირებულ მუშაობას, რაც მნიშვნელოვანი იყო აღწერის პროცესის ეფექტურად განხორციელებისთვის.
ცესკოს და სხვა პარტნიორ ორგანიზაციებს მადლობის სიგელები საზეიმო ღონისძიებაზე გადაეცათ, რომელიც საქსტატის 106 წლის იუბილესთან დაკავშირებით გაიმართა და მას სახელმწიფო უწყებების, აკადემიური წრის და პარტნიორი ორგანიზაციების წარმომადგენლები ესწრებოდნენ.
დღის ტოპ 10 სიახლე
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა
22.05.2026.14:23
საქართველოს მთავრობის ადმინისტრაციის უფროსი ლევან ჟორჟოლიანი საქართველოში თურქეთის ელჩს მუსტაფა თურქერ არის შეხვდა.
მთავრობის ადმინისტრაციის უფროსმა ელჩს დიპლომატიური მისიის დაწყება მიულოცა და წარმატებები უსურვა.
შეხვედრაზე ყურადღება გამახვილდა საქართველოსა და თურქეთის სტრატეგიულ პარტნიორობაზე და მაღალი დონის პოლიტიკურ და ეკონომიკურ ურთიერთობებზე. აღინიშნა ორი ქვეყნის ნაყოფიერი თანამშრომლობა როგორც ორმხრივ, ისე მრავალმხრივ ფორმატებში.
საუბარი ასევე შეეხო შუა დერეფნის სტრატეგიულ მნიშვნელობას და საქართველოსა და თურქეთის პარტნიორობას მისი შემდგომი განვითარების მიმართულებით.
განსაკუთრებით აღინიშნა სამხრეთ კავკასიაში მშვიდობისა და სტაბილურობის მნიშვნელობა რეგიონის ქვეყნების მდგრადი განვითარებისა და კეთილდღეობისთვის.
სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება - სხვა სცენარი ვერ იქნება l ნიკოლ ფაშინიანი
22.05.2026.13:20
