ზურაბ აბაშიძემ და საკრებულოს წევრებმა იუნკერთა ხსოვნას პატივი მიაგეს
თბილისის საკრებულოს თავმჯდომარემ, ზურაბ აბაშიძემ, მოადგილეებთან და საკრებულოს წევრებთან ერთად, 1921 წელს რუსეთის წითელი არმიის წინააღმდეგ კოჯორ-ტაბახმელასთან ბრძოლაში დაღუპული იუნკრების ხსოვნას პატივი მიაგო. საკრებულოს წევრებმა გმირთა მემორიალი გვირგვინით შეამკეს.
როგორც თბილისის საკრებულოს თავმჯდომარემ განაცხადა, საბჭოთა ოკუპაციის დღე ჩვენი ისტორიის ერთ-ერთი ყველაზე მძიმე და ტრაგიკული თარიღია. მისივე თქმით, დამოუკიდებლობას, რომელსაც წინაპრები სიცოცხლის ფასად იცავდნენ ყოველდღიურად განმტკიცება სჭირდება.
“ეს დღე კიდევ ერთხელ გვაჩვენებს, რომ ჩვენი წინაპრები საკუთარი სიცოცხლის ფასად იცავდნენ ჩვენი სამშობლოს თავისუფლებასა და დამოუკიდებლობას, რაც უდიდესი მონაპოვარია და მას განმტკიცება ყოველდღიურად სჭირდება. ჩვენი პასუხისმგებლობაა, გვახსოვდეს ისტორიული მემკვიდრეობა, გავაძლიეროთ სახელმწიფოებრიობა და შევინარჩუნოთ თავისუფალი და ძლიერი საქართველო. დიდება გმირებს“- განაცხადა ზურაბ აბაშიძემ.
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა
24.04.2026.17:57
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა.
შეხვედრაზე საქართველოსა და პოლონეთს შორის ურთიერთობის საკითხები განიხილეს. მთავრობის ადმინისტრაციის უფროსმა აღნიშნა, რომ ქართული მხარე კმაყოფილი არ არის ორმხრივი ურთიერთობების დღეს არსებული დონით და ადასტურებს მზადყოფნას თანამშრომლობის განახლებისა და გადატვირთვისთვის.
საუბარი შეეხო საქართველოს ევროკავშირში ინტეგრაციის პროცესს. ლევან ჟორჟოლიანის განცხადებით, საქართველოს მთავრობა განაგრძობს ევროკავშირთან ასოცირების შეთანხმებით გათვალისწინებული რეფორმების განხორციელების პროცესს და 2028 წლისთვის ყველაზე მომზადებული ქვეყანა იქნება ევროკავშირში ინტეგრაციისთვის.
შეხვედრას ესწრებოდნენ მთავრობის ადმინისტრაციის უფროსის მოადგილე ზვიად ბარქაია და პოლონეთის მისიის ხელმძღვანელის მოადგილე რობერტ ბაკი.
