ჩვენ აქტიურად ვმუშაობთ, რომ საჯარო სერვისების მიღება ხელმისაწვდომი
გახდეს მობილური ტელეფონით, - ამის შესახებ გადაცემა „იმედის დილაში“, რუბრიკა Business Insider Georgia-ში სტუმრობისას, საქართველოს იუსტიციის მინისტრის პირველმა მოადგილემ ბექა ძამაშვილმა განაცხადა.

„შეიძლება ითქვას რომ რაზეც ამ სამი დღის განმავლობაში გაერო ზრუნავდა რომ ყველა ქვეყანაში ეს გახდეს მთავარი მამოძრავებელი, საქართველომ ეს წლების წინ უკვე დანერგა, დღეს უკვე აქტიურად ხორციელდება. რა არის მთავარი? მთავარი არის ის რომ საჯარო სერვისების ხელმისაწვდომობა უზრუნველყოფილი იყოს აბსოლუტურად ყველა ადამიანისთვის მიუხედავად იმისა თუ როგორ მოიხმარს ეს ადამიანი სერვისს, სად ცხოვრობს, რა შესაძლებლობა აქვს, ეს არის უნივერსალური ხელმისაწვდომობა, რაც გამოიხატება პირველ რიგში იუსტიციის სახლების მოდელით, რომელიც ფარავს მთლიანად საქართველოს და ერთ სივრცეში აძლევს შესაძლებლობას მოქალაქეებს და არა მარტო მოქალაქეებს მიიღონ როგორც საჯარო სერვისები, ასევე კერძო სერვისებიც და მუდმივად ვცდილობთ ჩვენ როგორც რაოდენობის გაზრდას ამ სერვისების, ასევე ხარისხის გაზრდას. მეორე მხრივ არიან ადამიანები, რომლებსაც ფიზიკურად შეიძლება არ შეეძლოთ სხვადასხვა მიზეზის გამო დედაქალაქში, დიდ ქალაქებში, ცენტრებში მისვლა ამისთვის იცით რომ ფუნქციონერებს მობილური იუსტიციის სახლები, რომლითაც ფაქტობრივად მაღალ მთიან რეგიონებში, სოფლებში, რაიონებში ჩვენ ვუზრუნველყოთ აბსოლუტურად იგივე სერვისების მიწოდებას. შემდეგი მიმართულება არის დისტანციური და ონლაინ სერვისების განვითარება. დღეს უკვე ძალიან ბევრი სერვისი არის ხელმისაწვდომი დისტანციურად და ჩვენ აქტიურად ვმუშაობთ რომ უკვე მობილური ტელეფონით გახდეს შესაძლებელი ფაქტობრივად ყველა სერვისის მიღება, თუმცა ეს ყველაფერი იმუშავებს პარალელურად. იმ ადამიანებისთვის ვისთვისაც უფრო მიზანშეწონილი არის ფიზიკურად მისვლა რა თქმა უნდა უფრო მეტი კომფორტი დახვდებათ მათ, ვისაც ურჩევნია დისტანციურად სერვისების მიღება ეს განვითარდება და თვითონ რადგან ეს მოდელი უნიკალურია რომ ესე მუშაობს საქართველოში ამის აღიარება იყო ერთი მხრივ, თბილისში გამართვა ამ ღონისძიების და მეორე მხრივ, ღონისძიების გახსნაზე საზოგადოებისთვის უკვე ცნობილი არის რომ გაეროს გენერალური მდივნის მოადგილემ სპეციალური ჯილდო გადასცა იუსტიციის მინისტრ ბატონ პაატა სალიას ამ მოდელის აქტიურად და წარმატებით გამოყენებისთვის, რადგან მართლაც უნიკალურია. მარტო საქართველო კი არ სარგებლობს ამით, არამედ როგორც უკვე აღვნიშნე ბევრი ქვეყნისთვის გახდა მაგალითი და დაინერგა ბევრ სხვა სახელმწიფოშიც”, - აცხადებს ბექა ძამაშვილი.