ჩვენი მიზანია, რომ დაინტერესებულ პირებს ჰქონდეთ შესაძლებლობა, ძაღლების აყვანის პროცესში აქტიურად იყვნენ ჩართულები - ლაშა ავალიანი
შესაბამისი პლატფორმის საშუალებით დაინტერესებულ პირებს წინასწარ მიეწოდებათ ინფორმაცია იმ ლოკაციების შესახებ, საიდანაც მოხდება ჯგუფების მიერ ძაღლების აყვანა, ასევე ექნებათ ინფორმაცია გრაფიკთან დაკავშირებითაც, - ამის შესახებ გარემოს დაცვისა და სოფლის მეურნეობის მინისტრის მოადგილე ლაშა ავალიანმა განაცხადა.
მინისტრის მოადგილემ თანამშრომლობის მნიშვნელობას გაუსვა ხაზი და აღნიშნა, რომ სწორი კომუნიკაცია ინტერპრეტაციის ნაკლებ საფუძველს შექმნის პროცესების მიმდინარეობასთან დაკავშირებით.
„მნიშვნელოვანია მხარეებს შორის აქტიური თანამშრომლობა, რაც გულისხმობს იმას, რომ წინასწარ ტერიტორიისა და გრაფიკის გამოცხადების შემდეგ, მიმკედლებლის მიერ არ უნდა მოხდეს ცხოველების თვითნებურად გაყვანა აღნიშნული ლოკაციიდან. პირიქით, ჩვენი მიზანია, რომ დაინტერესებულ პირებს ჰქონდეთ შესაძლებლობა პროცესში აქტიურად იყვნენ ჩართულები. თუ არსებობს ცხოველის მიმკედლებელი, ამ შემთხვევაში შესაძლებელია, რომ მიღება-ჩაბარების დოკუმენტი მიეწოდოს მას. ეს უზრუნველყოფს პროცესების გამჭვირვალობას და მიკვლევადობას.
ამასთან ერთად, კიდევ ერთხელ მინდა აღვნიშნო, რომ აუცილებელია ცხოველები დაუბრუნდნენ პირვანდელ ლოკაციას გარდა რამდენიმე შემთხვევისა, მაგალითად, როდესაც საქმე ეხება საბავშვო ბაღებს, ძალიან ბევრი მშობელი გამოხატავს უკმაყოფილებას ცხოველების უშუალოდ საბავშვო ბაღების კართან დაბრუნებასთან დაკავშირებით. ასეთ დროს შესაძლებელია ცხოველების დაბრუნება მოხდეს მიმდებარე ტერიტორიაზე და არა უშუალოდ კართან“, - განაცხადა ლაშა ავალიანმა.
დღის ტოპ 10 სიახლე
სხვა სიახლეები
ქუთაისის ტექნოლოგიური ჰაბი იქნება ახალი შესაძლებლობლების ადგილი სრულიად საქართველოსთვის და რეგიონისთვის - ავთანდილ კასრაძე
11.06.2026.19:32
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარის ავთანდილ კასრაძის ინფორმაციით, ქუთაისის ტექნოლოგიური ჰაბის სარემონტო სამუშაოები დასასრულს უახლოვდება, უახლოეს მომავალში საზეიმოდ გაიხსნება და ქალაქ ქუთაისს უნიკალური დანიშნულების და მასშტაბის ფუნქცია შეემატება.
„ქუთაისის ჰაბი გახდება ჩვენი ტექნოლოგიური მომავლის მნიშვნელოვანი ცენტრი. ეს იქნება ახალი შესაძლებლობლების ადგილი არამხოლოდ იმერეთის მოსახლეობისთვის, არამედ სრულიად საქართველოსთვის და რეგიონისთვის“ - აღნიშნა ავთანდილ კასრაძემ.
ავთანდილ კასრაძემ ასევე ისაუბრა ინოვაციების და ტექნოლოგიების სააგენტოს პროექტზე და აღნიშნა, რომ ინოვაციური სტარტაპის სტატუსი ამ ეტაპზე 13 სტარტაპს აქვს მიღებული, დამატებით ორზე კი დადებითი რეკომენდაცია პროცედურის შესაბამისად, გადაგზავნილია საქართველოს მთავრობაში საბოლოო გადაწყვეტილებისთვის.
ავთანდილ კასრაძემ საერთაშორისო პარტნიორობების მნიშვნელობაზეც გაამახვილა ყურადღება და აღნიშნა, რომ ინოვაციების და ტექნოლოგიების სააგენტო ტექნოლოგიური მიმართულებით მჭიდროდ თანამშრომლობს ორ ყველაზე დიდ ტექნოლოგიურ სახელმწიფოსთან - ამერიკის შეერთებულ შტატებთან და ჩინეთთან. მისივე თქმით, გარდა ამისა, GITA - ს მთავარი ფოკუსი მიმართულია და აქტიური მუშაობაც მიმდინარეობს რეგიონის ქვეყნებთან, რათა მთელი რეგიონი გახდეს მიმზიდველი საერთაშორისო ინვესტორებისა და საინვესტიციო ფონდებისთვის.
Aqualia-მ და ჯივიპიმ მასშტაბური საგანმანათლებლო კამპანია „ყოველი წვეთი ძვირფასია“ შეაჯამა და გამარჯვებულები დააჯილდოვა
11.06.2026.16:42
მცხეთა-სტეფანწმინდა-ლარსის საავტომობილო გზაზე დაზიანებული მონაკვეთების შეკეთება დაიწყო
11.06.2026.11:07
