ჩვენთვის ძალიან რთულია სიტყვებით გადმოვცეთ ამ ტრაგედიის სიმძიმე, რომელსაც ჩვენი გუნდის წევრი, ჯაბა საყვარაშვილი ემსხვერპლა - ვუსამძიმრებთ დაღუპულთა ოჯახის წევრებს, ახლობლებსა და სრულიად საქართველოს | საქართველოს ფოსტა ფონიჭალაში მომხდარი ტრაგედიის გამო ღრმა მწუხარებას გამოთქვამს
საქართველოს ფოსტა ღრმა მწუხარებას გამოთქვამს 19 ნოემბერს ფონიჭალაში მომხდარი ტრაგედიის გამო.
„ჩვენთვის ძალიან რთულია სიტყვებით გადმოვცეთ ამ ტრაგედიის სიმძიმე, რომელსაც ჩვენი გუნდის წევრი, ჯაბა საყევარაშვილი ემსხვერპლა. ჯაბა საქართველოს ფოსტაში კურიერის პოზიციაზე მუშაობდა. ის იყო ჩვენი გუნდის გამორჩეული წევრი, პასუხისმგებლიანი, შრომისმოყვარე და საქმისადმი ერთგული. ჯაბას გარდაცვალება ჩვენთვის უდიდესი დანაკარგია. ის სამუდამოდ დარჩება ჩვენს გულებში. ვუსამძიმრებთ დაღუპულთა ოჯახის წევრებს, ახლობლებსა და სრულიად საქართველოს“, - აღნიშნულია საქართველოს ფოსტის სამძიმრის წერილში.
ფონიჭალაში, კორპუსში მომხდარ აფეთქებას 6 ადამიანის სიცოცხლე ემსხვერპლა.
მაშველებმა ნანგრევებიან უვნებლად ამოიყვანეს 3 წლის გოგონა.
ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში გლოვის დღედ გამოცხადდა.
მთავრობის განკარგულებით, გლოვის დღესთან დაკავშირებით, საქართველოს მთელ ტერიტორიაზე სახელმწიფო დროშები დაეშვება.
სხვა სიახლეები
ანაკლიის ღრმაწყლოვან ნავსადგურთან მისასვლელი გზის მშენებლობის ზედამხედველობის ტენდერი გამოცხადდა
20.11.2026.14:03
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარატმენტმა, ანაკლიის ღრმაწყლოვან ნავსადგურთან მისასვლელი 17.1 კმ-იანი საავტომობილო გზის სამშენებლო სამუშაოების საზედამხედველო მომსახურების შესყიდვის მიზნით გამოაქვეყნა მოთხოვნა ინტერესის გამოსახატავად.
აღნიშნული მონაკვეთი სამტრედია-ზუგდიდის შემოვლითი გზის შემადგენელი ნაწილია. პროექტი 17.1 კმ-იანი 2 ზოლიანი გზის, 4 სატრანსპორტო კვანძისა და 5 ხიდის მშენებლობას ითვალისწინებს. ანაკლიის ღრმაწყლოვან ნავსადგურთან მისასვლელი გზა იწყება სოფელ ხამისკურში და სრულდება სოფელ ანაკლიაში.
პროექტის ტექნიკურ-ეკონომიკური დასაბუთება საქართველოს საავტომობილო გზების დეპარტამენტისთვის მსოფლიო ბანკის დაფინანსებით საერთაშორისო საკონსულტაციო კომპანიებმა მოამზადეს. ამასთან, დეტალური საპროექტო დოკუმენტაცია შემუშავდა საქართველოს მთავრობის დაფინანსებით საერთაშორისო საკონსულტაციო კომპანიების მიერ.
საზედამხედველო მომსახურება აზიის განვითარების ბანკის (ADB) ფინანსური მხარდაჭერით განხორციელდება.
ანაკლიის პორტთან მისასვლელი საავტომობილო გზისა და რკინიგზის მშენებლობის მთავარი მიზანი ანაკლიის ღრმაწყლოვანი ნავსადგურის ძირითად სატრანსპორტო ქსელთან დაკავშირება და ტვირთების შეუფერხებელი გადაზიდვების უზრუნველყოფაა. რაც საქართველოს სატრანსპორტო ქსელს გააძლიერებს და “შუა დერეფნში” მის კონკურენტუნარიანობას მნიშვნელოვნად გაზრდის.
ანაკლიის ღრმაწყლოვან ნავსადგურთან მისასვლელი გზის საზედემხედველო მომსახურების ვადა მშენებლობის დაწყების თარიღიდან 24 თვეა.
დაინტერესებულ პირებს წინადადებების წარმოდგენა არაუგვიანეს 2027 წლის 5 იანვრისა შეუძლიათ.
ტენდერის ბმული: https://georoad.gov.ge/ka/purchases/2642