მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ComCom-ის თავმჯდომარემ გოგა გულორდავამ პარლამენტში 2025 წელს სატელეკომუნიკაციო სექტორში არსებული ტენდენციები წარადგინა

news image
mbc image

კომუნიკაციების კომისიის თავმჯდომარემ გოგა გულორდავამ საქართველოს პარლამენტის ეკონომიკური პოლიტიკისა და ადამიანის უფლებათა დაცვისა და სამოქალაქო ინტეგრაციის კომიტეტების ერთობლივ სხდომაზე ComCom-ის 2025 წლის საქმიანობის ანგარიში წარადგინა. ანგარიშის წარდგენისას მან ელექტრონული კომუნიკაციებისა და მაუწყებლობის სექტორებში 2025 წელს განვითარებული ტენდენციები მიმოიხილა.

კომისიის თავმჯდომარის თქმით, 2025 წელს ელექტრონულ კომუნიკაციებში ავტორიზებული პირების მიერ მიღებულმა შემოსავალმა 1,855 მლნ ლარი შეადგინა, რაც 2024 წელთან შედარებით 120 მლნ ლარით მეტია. მობილური მომსახურების აბონენტების რაოდენობა 6.43 მლნ იყო, მათ შორის 1.68 მლნ იურიდიული პირი აბონენტი, ხოლო 4.75 მლნ - ფიზიკური პირი აბონენტი. მობილური მომსახურების ბაზარზე პენეტრაციამ 169% შეადგინა.

აბონენტების რაოდენობის მიხედვით, 2025 წელს მობილური ოპერატორების საბაზრო წილები შემდეგნაირად განაწილდა: „მაგთიკომი“ - 41%, „სილქნეტი“ - 36%, „სელფი მობაილი“ - 23%, ხოლო მობილური ვირტუალური ქსელის ოპერატორ „ეკლეკტიკის“ წილმა 0.4% შეადგინა. ერთი აბონენტისგან მიღებული საშუალო შემოსავალი (ARPU) 14.8 ლარი იყო.

გულორდავას განცხადებით, მობილური ინტერნეტით 2025 წელს 5.1 მლნ აბონენტი სარგებლობდა, რაც წინა წელთან შედარებით დაახლოებით ნახევარი მილიონით მეტია. ბოლო ხუთ წელიწადში მობილური ინტერნეტის მომხმარებელთა რაოდენობის საშუალო წლიურმა ზრდამ 8.2% შეადგინა.

ფიქსირებული ფართოზოლოვანი ინტერნეტ მომსახურების აბონენტების რაოდენობამ 1,212,000 შეადგინა - 54,000-ით მეტი, ვიდრე 2024 წელს. ფიქსირებული ფართოზოლოვანი ინტერნეტის პენეტრაცია შინამეურნეობებში 95.8% იყო. ქვეყნის 3,385 სოფლიდან ფიქსირებული ინტერნეტი 2,583 სოფელში იყო ხელმისაწვდომი.
მაუწყებლობის ტრანზიტის მიმღები აბონენტების რაოდენობამ 803 ათასი შეადგინა. ბოლო ხუთი წლის მონაცემებით, ამ აბონენტების რაოდენობის საშუალო წლიური ზრდა 2.75%-ია. მაუწყებლობის ტრანზიტის ყველაზე გავრცელებულ ტექნოლოგიად კვლავ IPTV რჩებოდა, რომლის წილი 87% იყო.

რაც შეეხება მაუწყებლობის სექტორს, 2025 წელს 108 ავტორიზებული სატელევიზიო სამაუწყებლო არხი, 46 ლიცენზირებული და 12 ავტორიზებული რადიომაუწყებელი იყო. ასევე, ქვეყანაში 21 ეროვნული ღია საეთერო სატელევიზიო მაუწყებელი საქმიანობდა. მაუწყებლების ჯამურმა სარეკლამო შემოსავლებმა 109 მლნ ლარი შეადგინა, მათ შორის სატელევიზიო კომერციული რეკლამის შემოსავალი 100 მლნ ლარი, ხოლო რადიომაუწყებლების სარეკლამო შემოსავალი - 7.7 მლნ ლარი იყო.

ანგარიშის მიხედვით, 2025 წელს სატელეკომუნიკაციო დარგიდან სახელმწიფო ბიუჯეტში სულ 643,842,117 ლარი შევიდა, რაც წინა წელთან შედარებით 150 მლნ ლარით მეტია. მაუწყებლების მიერ გადასახადების სახით გადახდილმა თანხამ 47,200,867 ლარი შეადგინა, ელექტრონულ კომუნიკაციებში ავტორიზებული პირების მიერ შეტანილმა თანხამ - 470,768,047 ლარი, ლიცენზირებიდან მიღებულმა შემოსავალმა - 125,816,349 ლარი, ხოლო ადმინისტრაციული სამართალდარღვევებისთვის ჯარიმის სახით ბიუჯეტში 56,854 ლარი ჩაირიცხა.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image 24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება - საქართველოს გაზის ტრანსპორტირების კომპანია

22.11.2026.12:50

საქართველოს გაზის ტრანსპორტირების კომპანია განცხადებას ავრცლეებს, რომელსაც Business Insider Georgia უცვლელად გთავაზობთ: ,,24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება.
საგურამო-ქუთაისის მაგისტრალური გაზსადენის 33.8 - 54.0 კმ-ებს შორის მონაკვეთზე დაგეგმილია ახლადაშენებული 20 კილომეტრიანი მილსადენის მოქმედ მაგისტრალურ მილსადენში მიერთების ( შეჭრის) სამუშაოები, რის გამოც 2026 წლის 24 ნოემბრის 04:00 საათიდან 25 ნოემბრის 10:00 საათამდე, ბუნებრივი აირის მიწოდება შეუწყდებათ აღმოსავლეთ საქართველოს შემდეგი მუნიციპალიტეტებისა და მათ შემადგენლობაში შემავალი სოფლების მომხმარებლებს: კასპის, გორის, ქარელის, ხაშურისა და ბორჯომის მუნიციპალიტეტებს, ასევე დაბა ბაკურიანის მომხმარებლებს.
ამასთან, ბუნებრივი გაზის მიწოდება შეუწყდებათ დასავლეთ საქართველოს მიმართულებით მდებარე ყველა მუნიციპალიტეტის ქალაქებისა და სოფლების მომხმარებლებს, კერძოდ: საჩხერის, ჭიათურის, ხარაგაულის, ზესტაფონის, ამბროლაურის, ქუთაისის, წყალტუბოს, ბაღდათის, სამტრედიის, აბაშის, სენაკის, ხობის, ზუგდიდის, წალენჯიხის, ფოთის, ლანჩხუთის, ჩოხატაურისა და ოზურგეთის მუნიციპალიტეტებს, აგრეთვე აჭარის რეგიონს.
გარდა ამისა, საზოგადოების წინასწარი ინფორმირების მიზნით აღვნიშნავთ, რომ 2026 წლის ბოლომდე დაგეგმილია აღმოსავლეთ-დასავლეთის მაგისტრალური გაზსადენის ქობულეთის განშტოების ახლადაშენებული 25-კილომეტრიანი მონაკვეთის მოქმედ ქსელთან მიერთების მასშტაბური სამუშაოები, რაც აუცილებელ ტექნიკურ ღონისძიებებს საჭიროებს. აღნიშნული სამუშაოები აჭარის რეგიონში უწყვეტ გაზმომარაგებას უზრუნველყოფს.
სამუშაოების დასრულება ხელს შეუწყობს დასავლეთ საქართველოს მიმართულებით ბუნებრივი გაზის უსაფრთხო და სტაბილურ მიწოდებას, გაზსადენის ინფრასტრუქტურის კიდევ უფრო გაუმჯობესებას, რის შედეგადაც მაგისტრალურ მილსადენზე ავარიული გათიშვების რისკები ფაქტობრივად განულდება. მილსადენები, საქართველოს ნავთობისა და გაზის კორპორაციამ თანამედროვე ტექნოლოგიებისა და სტანდარტების დაცვით ააშენა. პროექტები გაზის სატრანსპორტო ინფრასტრუქტურის განახლებისა და მოდერნიზაციის მნიშვნელოვანი ნაწილია. მათი მიზანი ქსელის საიმედოობისა და უსაფრთხოების გაზრდა და მეტი დასახლების გაზიფიცირების ხელშეწყობაა.
მსგავსი მასშტაბისა და ტექნიკური სირთულის პროექტების განხორციელება მხოლოდ სამშენებლო სამუშაოების შესრულებას არ გულისხმობს. პროცესს წინ უძღვის კომპლექსური ტექნიკური მომზადება, საინჟინრო გადაწყვეტების დამუშავება და შესაბამისი საპროექტო და ტექნიკური დოკუმენტაციის მომზადება, ასევე სხვადასხვა საორგანიზაციო და უსაფრთხოების საკითხის უზრუნველყოფა. შესაბამისად, სამუშაოების თარიღი განისაზღვრა აუცილებელი ტექნიკური და მოსამზადებელი პროცესების გათვალისწინებით. ამასთან, გადაწყვეტილების მიღებისას მნიშვნელოვანი ფაქტორი იყო 24 ნოემბრის მეტეოროლოგიური პირობებიც, რათა გაზმომარაგების დროებითი შეზღუდვის პერიოდში მოსახლეობისთვის შესაძლო დისკომფორტი მაქსიმალურად შემცირდეს.
სამუშაოების დასრულების შემდეგ, 25 ნოემბრის 10:00 საათიდან, ბუნებრივი გაზის მიწოდება ეტაპობრივად აღუდგებათ გათიშული გაზგამანაწილებელი სადგურების მომხმარებლებს.
ბოდიშს გიხდით შექმნილი დროებითი დისკომფორტისთვის", - აღნიშნულია განცხადებაში. 

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა