მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ComCom-მა საერთაშორისო პარტნიორებთან ორმხრივი სამუშაო შეხვედრები გამართა

news image
mbc image

კომუნიკაციების კომისიის თავმჯდომარემ, გოგა გულორდავამ და კომისიის წევრმა, ეკატერინე იმედაძემ, მონტენეგროში გამართულ ITU-EKIP-ის ევროპის რეგიონული მარეგულირებელი ფორუმის ფარგლებში, თანამშრომლობის გაღრმავების მიზნით, პარტნიორებთან შეხვედრები გამართეს.

ფორუმის ღონისძიების გახსნის სესიის დროს კომუნიკაციების კომისიისა და მონტენეგროს ელექტრონული კომუნიკაციებისა და საფოსტო მომსახურების სააგენტოს (EKIP) შორის ურთიერთგაგების მემორანდუმი გაფორმდა, რომელსაც ComCom-ის თავმჯდომარემ, გოგა გულორდავამ და EKIP-ს დირექტორის მოვალეობის შემსრულებელმა, ელვის ბაბაჩიჩიმ მოაწერეს ხელი.
ფორუმის ფარგლებში, გოგა გულორდავამ და ეკატერინე იმედაძემ ორმხრივი შეხვედრები გამართეს ჩრდილოეთ მაკედონიის ელექტრონული კომუნიკაციების სააგენტოს (AEC) კომისიის წევრებთან, მალტის კომუნიკაციების ორგანოს (MCA) აღმასრულებელ დირექტორსა და ITU-ს ევროპის ოფისის დირექტორთან.

ჩრდილოეთ მაკედონიის ელექტრონული კომუნიკაციების სააგენტოს (AEC) კომისიის წევრებთან შეხვედრისას მხარეებმა ComCom-სა და AEC-ს შორის თანამშრომლობა და მისი შემდგომი გაღრმავების შესაძლებლობები განიხილეს. შეხვედრაზე სატელეკომუნიკაციო ბაზრების რეგულირების, კონკურენციის ხელშეწყობის, სიხშირული რესურსის მართვისა და ახალი ტექნოლოგიების დანერგვის მიმართულებით არსებული გამოცდილების გაზიარებისა და სამომავლო პროექტების ფარგლებში თანამშრომლობის გაღრმავების საკითხებზე ისაუბრეს.

მალტის კომუნიკაციების ორგანოს (MCA) აღმასრულებელ დირექტორთან შეხვედრისას, მხარეებმა ბოლო წლებში განხორციელებული თანამშრომლობა შეაჯამეს და სამომავლო პრიორიტეტებზე იმსჯელეს. ComCom-სა და MCA-ს შორის ურთიერთთანამშრომლობის მემორანდუმი 2023 წელს გაფორმდა. მას შემდეგ უწყებებს შორის არა ერთი სამუშაო შეხვედრა გაიმართა სატელეკომუნიკაციო სექტორის რეგულირების სხვადასხვა საკითხზე. შეხვედრის ფარგლებში მხარეებმა მიმდინარე პრიორიტეტების განახლებისა და სექტორის რეგულირების სფეროში გამოცდილების გაზიარების მიზნით შემდგომი სამუშაო შეხვედრების დაგეგმვაზეც ისაუბრეს.

ITU-ს ევროპის ოფისის დირექტორთან შეხვედრისას განსაკუთრებული ყურადღება ბავშვთა ონლაინ დაცვის, ხელოვნური ინტელექტის მიმართულებით შესაძლებლობების განვითარებისა და საერთაშორისო თანამშრომლობის გაძლიერების საკითხებს დაეთმო. ComCom-ის წარმომადგენლებმა ხაზი გაუსვეს ITU-ს გამოცდილების მნიშვნელობას ბავშვთა ონლაინ დაცვის მიმართულებით და გამოთქვეს მზადყოფნა, ითანამშრომლონ ITU-სთან ხელოვნური ინტელექტის სტრატეგიისა და შესაბამისი უნარების განვითარების მიმართულებით.

შეხვედრაზე, ასევე, განიხილეს ITU-სა და აღმოსავლეთ პარტნიორობის ელექტრონული კომუნიკაციების მარეგულირებლების ქსელს (EaPeReg) შორის თანამშრომლობის გაძლიერება და რეგიონისთვის მნიშვნელოვანი საკითხების ერთობლივად განსაზღვრის შესაძლებლობები.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image ღრმა მწუხარებას გამოვთქვამთ თბილისში, ფონიჭალაში მომხდარი ტრაგიკული შემთხვევის გამო. გულწრფელ სამძიმარს ვუცხადებთ დაღუპულთა ოჯახებსა და ახლობლებს - აშშ-ის საელჩო

20.11.2026.16:34

აშშ-ის საელჩო საქართველოში თბილისში, ფონიჭალაში მომხდარ ტრაგედიას სოციალურ ქსელში ეხმაურება. 

როგორც ამერიკის საელჩოს მიერ გავრცელებულ ინფორმაციაშია აღნიშნული, დიპლომატიური წარმომადგენლობა ღრმა მწუხარებას გამოთქვამს თბილისში, ფონიჭალაში მომხდარი ტრაგიკული შემთხვევის გამო.

„ღრმა მწუხარებას გამოვთქვამთ თბილისში, ფონიჭალაში მომხდარი ტრაგიკული შემთხვევის გამო. გულწრფელ სამძიმარს ვუცხადებთ დაღუპულთა ოჯახებსა და ახლობლებს. განსაკუთრებულ მადლიერებას გამოვხატავთ მაშველების მიმართ, რომელთა დაუღალავმა შრომამ, თანაგრძნობამ და ტრაგედიის ფონზე გადარჩენილი სიცოცხლით გამოწვეულმა გულწრფელმა სიხარულმა არავინ დატოვა გულგრილი“, - აღნიშნულია საელჩოს ინფორმაციაში.

ფონიჭალაში, კორპუსში მომხარ აფეთქებას 6 ადამიანის სიცოცხლე ემსხვერპლა.

მაშველებმა ნანგრევებიდან უვნებლად ამოიყანეს 3 წლის გოგონა.

ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში გლოვის დღედ გამოცხადდა.

მთავრობის განკარგულებით, გლოვის დღესთან დაკავშირებით, საქართველოს მთელ ტერიტორიაზე სახელმწიფო დროშები დაეშვება.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა