დაბა ფასანაურის, ბარისახოსა და როშკას განაშენიანების გეგმების კონცეფციების საჯარო განხილვა გაიმართა
დაბა ფასანაურის, ბარისახოსა და როშკას განაშენიანების გეგმების კონცეფციების საჯარო განხილვა გაიმართა.
პროექტზე მომუშავე სპეციალისტებმა ქალაქთმშენებლობითი დოკუმენტაცია მოქალაქეებს პრეზენტაციის სახით გააცნეს. წარდგენის დასრულების შემდეგ კი აუდიტორიის კითხვებს უპასუხეს.
ქალაქთმშენებლობითი დოკუმენტაცია შეიმუშავა ერთობლივმა საწარმომ - Groupe Huit (Lead; France) და Artstudio Project (JV partner; Georgia). მასსა და სივრცითი და ქალაქთმშენებლობითი განვითარების სააგენტოს შორის საკონსულტაციო მომსახურების შესახებ ხელშეკრულება 2025 წლის 24 თებერვალს გაფორმდა.
საჯარო განხილვას სივრცითი და ქალაქთმშენებლობითი განვითარების სააგენტოს უფროსის I მოადგილე თინათინ ყოლბაია, დუშეთის მუნიციპალიტეტის მერი კახაბერ ჩიტაური და ადგილობრივი თვითმმართველობის ორგანოების სხვა წარმომადგენლები ესწრებოდნენ.
განხილვის დასრულებიდან 15 სამუშაო დღის ვადაში, ყველა დაინტერესებულ პირს აქვს შესაძლებლობა, წერილობითი შენიშვნები და რეკომენდაციები წარადგინონ შემდეგ მისამართებზე:
• სსიპ სივრცითი და ქალაქთმშენებლობითი განვითარების სააგენტო
(მის: თბილისი, დავით აღმაშენებლის გამზირი №154)
• დუშეთის მუნიციპალიტეტის მერია
(მის: ქ. დუშეთი, რუსთაველის ქ. N27)
• ელ.ფოსტა: sajaro.gankhilvebi@suda.gov.ge
დღის ტოპ 10 სიახლე
სხვა სიახლეები
ჯივიპიმ რუსთაველის გამზირის წყალმომარაგებისა და წყალარინების ინფრასტრუქტურის მასშტაბური განახლება დაიწყო
28.07.2026.17:11
კომპანია ჯორჯიან უოთერ ენდ ფაუერმა რუსთაველის გამზირის სრული რეაბილიტაციის ფარგლებში მასშტაბური სამუშოები დაიწყო, პროექტი მიზნად ისახავს რუსთაველის გამზირის წყალმომარაგებისა და წყალარინების ინფრასტრუქტურის სრულ განახლებას.
სამუშაოების ფარგლებში 5 კილომეტრზე მეტი სიგრძის წყალმომარაგებისა და წყალარინების ქსელი სრულად განახლდება. განახლებულ ქსელზე მოეწყობა 87 საკვანძო ჭა და 15 თანამედროვე სახანძრო ჰიდრანტი. პროექტი ხორციელდება Aqualia-ს მაღალი საერთაშორისო სტანდარტების შესაბამისად, რაც უზრუნველყოფს ინფრასტრუქტურის ხანგრძლივ მდგრადობას.
“რუსთაველის გამზირის რეაბილიტაცია ჯორჯიან უოთერ ენდ ფაუერის ერთ-ერთი მასშტაბური საინვესტიციო პროექტია, აღსანიშნავია რომ სამუშაოები ოთხ ძირითად ეტაპად, პარალელურ რეჟიმში ხორციელდება. პროცესის მიმდინარეობისას არსებული ქსელი ექსპლუატაციაში რჩება, რაც უზრუნველყოფს წყალმომარაგების უწყვეტობას. ახალი სისტემის სრულად მოწყობის შემდეგ კი ექსპლუატაციაში შევა თანამედროვე სტანდარტების შესაბამისი ინფრასტრუქტურა” - გიგა ნადირაძე, gwp-ის ტექნიკური და საოპერაციო მიმართულების დირექტორი.
აღნიშნულ პროექტში ჯორჯიან უოთერ ენდ ფაუერი 12.5 მილიონი ლარის ოდენობის ინვესტიციას ახორციელებს, რაც დედაქალაქის ცენტრალური გამზირის საიმედო წყალმომარაგებასა და მომსახურების ხარისხის მნიშვნელოვნად გაუმჯობესებას უზრუნველყოფს.
27 ივლისის 18:00 სთ-დან 28 ივლისის 22:00 სთ-მდე სამტრედიის სატრანსპორტო კვანძზე მოძრაობის დროებითი გადაერთვა დაწესდება
27.07.2026.17:20
მთავრობის ადმინისტრაციის უფროსი ინფრასტრუქტურის მშენებელთა ასოციაციის წევრი კომპანიების წარმომადგენლებს შეხვდა
27.07.2026.16:07
სახელმწიფო უსაფრთხოების სამსახურმა დიდი ოდენობით თაღლითობის საქმეზე ერთი პირი დააკავა
27.07.2026.14:55
საჩხერის მუნიციპალიტეტში რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია - სუს
27.07.2026.14:04
