დარგობრივი საბჭოების ფორმატი გვაძლევს შესაძლებლობას, რეფორმები, რომლებსაც ვახორციელებთ, თავიდან ბოლომდე კოორდინირებული იყოს ბიზნესთან - დავით სონღულაშვილი
გარემოს დაცვისა და სოფლის მეურნეობის მინისტრმა დავით სონღულაშვილმა კერძო სექტორთან თანამშრომლობის მნიშვნელობაზე ისაუბრა „იმედის დილაში“, რუბრიკა Business Insider Georgia-ში და აღნიშნა, რომ სამინისტრომ დარგობრივი საბჭოების ფორმატი შექმნა, რაც ბიზნესთან აქტიურ და კოორდინირებულ თანამშრომლობას უზრუნველყოფს.
„ჩვენ აქტიურად ვთანამშრომლობთ ბიზნესთან. შევქმენით დარგობრივი საბჭოების ფორმატი, რომლის ფარგლებშიც კვარტალში ერთხელ ვიკრიბებით კერძო სექტორისა და შესაბამისი დარგების წარმომადგენლებთან. ამ შეხვედრებზე აქტიურად განვიხილავთ იმ მოცემულობას, რომელიც თითოეულ დარგში არსებობს.
ეს გვაძლევს შესაძლებლობას, ვიყოთ მუდმივ კომუნიკაციაში კერძო სექტორთან და რეფორმები, რომლებსაც ვახორციელებთ, ასევე შედეგები, რომელთა მიღებაც გვინდა, თავიდან ბოლომდე იყოს კოორდინირებული ბიზნესთან. მხოლოდ ასე არის შესაძლებელი, რეფორმა იყოს მდგრადი, შედეგიანი და ხელშესახები.
სწორედ ამიტომ, ეს ფორმატი საკმაოდ საინტერესო და ეფექტიანია. ბიზნესს და თავად დარგის წარმომადგენლებს ეძლევათ შესაძლებლობა, სამინისტროს მომსახურებების სრულ სპექტრზე იმსჯელონ. თუ რაიმე გადაწყვეტილება ან უკვე განხორციელებული რეფორმა საჭიროებს კორექტირებას, ამისთვისაც მზად ვართ და სწორედ ამ ფორმატში ვმუშაობთ“, - განაცხადა დავით სონღულაშვილმა.
დღის ტოპ 10 სიახლე
სხვა სიახლეები
მერიის დაფინანსებით მოსახლეობას საშუალება ექნება ფილტვის კიბოს სკრინინგი უფასოდ ჩაიტაროს -
ბექა მიქაუტაძე
29.05.2026.16:17
თბილისის საკრებულოში ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ, დღეს გამართულ საკრებულოს სხდომაზე განცხადება გააკეთა. მისი თქმით, ახალი პროგრამის ფარგლებში, რომელსაც თბილისის მერია სრულად აფინანსებს, მოსახლეობას საშუალება ექნება სხვადასხვა კლინიკაში ფილტვის კიბოს სკრინინგი ჩაიტაროს.
„მინდა მოვუწოდო მოსახლეობას - მწეველებს და არამწეველებს - ყველამ ჩაიტაროს უფასო ფილტვის კიბოს სკრინინგი, რომლებსაც ქალაქ თბილისის მერია აფინანსებს. პროგრამის ფარგლებში ამ მომსახურებას უამრავი კლინიკა გვთავაზობს. არაერთი კლინიკა მეც დამიკავშირდა და მოხარული ვარ, რომ ისინი აქტიურად არიან ჩართულები. მინდა მოგიწოდოთ ყველას, რომ ისარგებლოთ იმ სიკეთით, რომელსაც ქალაქ თბილისის მერია გთავაზობთ“, - განაცხადა ბექა მიქაუტაძემ.
როგორც ბექა მიქაუტაძემ საკრებულოს სხდომაზე აღნიშნა, პროექტის ფარგლებში იძულებით გადაადგილებული პირის სტატუსის მქონე პირებს, რომლებსაც რეგისტრირებულ მისამართად დაფიქსირებული აქვთ ქალაქი თბილისი, ასევე ექნებათ წვდომა ისეთ მნიშვნელოვან სერვისზე, როგორიც არის ფილტვის კიბოს სკრინინგი.
