ძალიან მნიშვნელოვანია, რომ შინაური ცხოველების მოვლა-პატრონობისა და ყოლის წესების შესახებ კანონმდებლობა დაიხვეწა - კონსტანტინე ზარნაძე
თბილისის საკრებულოს სხდომაზე საკრებულოს გარემოს დაცვის კომისიის თავმჯდომარემ, კონსტანტინე ზარნაძემ, თბილისის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის დამტკიცების შესახებ ისაუბრა და აღნიშნა, რომ შინაური ცხოველების მოვლა-პატრონობის წესები და ასევე მიუსაფარი ცხოველების შესახებ კანონმდებლობა დაიხვეწა.
„ძალიან მნიშვნელოვანია, რომ მიუსაფარი და შინაური ცხოველების მოვლა-პატრონობისა და ყოლის წესების შესახებ კანონმდებლობა დაიხვეწა. ვიცით, რომ დედაქალაქის მასშტაბით ეს გამოწვევა დგას. დღეს ჩვენ საკრებულოს აქტები კანონმდებლობასთან შესაბამისობაში მოგვყავს.
მინდა მადლობა გადავუხადო ცხოველთა მონიტორინგის სამსახურის თანამშრომლებს, რომელთა ძალისხმევითაც დღეს დედაქალაქში მიუსაფარი ცხოველების კასტრაცია-სტერილიზაციის რიცხვი 78%-ს აღწევს. დარწმუნებული ვარ, რომ ეს პროცენტული მაჩვენებელი კიდევ გაიზრდება. ასევე, მნიშვნელოვანი სამუშაო ჩატარდა საოპერაციო შენობების აშენებასთან დაკავშირებით. გლდანში უკვე დასრულდა ცხოველებისთვის საოპერაციო შენობების აშენების პროცესი. უახლოეს მომავალში დაგეგმილია 800 ძაღლზე გათვლილი ვოლიერების მშენებლობა“, - განაცხადა კონსტანტინე ზარნაძემ.
სხვა სიახლეები
საქართველოს შინაგან საქმეთა მინისტრის მოადგილედ პოლიციის პოლკოვნიკი, გიორგი ბახუაშვილი დაინიშნა
10.06.2026.16:44
საქართველოს შინაგან საქმეთა მინისტრს სულხან თამაზაშვილს ახალი მოადგილე ჰყავს. მინისტრის მოადგილედ პოლიციის პოლკოვნიკი გიორგი ბახუაშვილი დაინიშნა.
გიორგი ბახუაშვილი ამ დრომდე შინაგან საქმეთა სამინისტროს გენერალური ინსპექციის დეპარტამენტის დირექტორის პოზიციას იკავებდა, მას შინაგან საქმეთა სამინისტროში მუშაობის მრავალწლიანი გამოცდილება აქვს.
სოფელ ყიზილ-აჯლოში ბუნებრივი გაზის შეწყვეტასთან დაკავშირებით სემეკი განცხადებას ავრცელებს
10.06.2026.15:37
კანიე უესტის კონცერტთან დაკავშირებით, მუნიციპალური ტრანსპორტი მგზავრებს გახანგრძლივებული დროით მოემსახურება
10.06.2026.14:41
შემუშავდა თბილისის სატრანსპორტო მაკრო მოდელი, რომელიც ურბანული დაგეგმარების მიდგომას ცვლის
10.06.2026.14:39
ავტომაგისტრალების ფასიანად გადაქცევა არ განიხილება - საავტომობილო გზების დეპარტამენტი
10.06.2026.14:03
ფინანსთა მინისტრი ლაშა ხუციშვილი საინვესტიციო ბანკ „Cygnum Capital"-ის გენერალურ და მმართველ დირექტორებს შეხვდა
09.06.2026.19:00
