მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ეკატერინე მიქაბაძემ BSTDB-ის ბიზნეს ფორუმში მიიღო მონაწილეობა

news image
mbc image

საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ შავი ზღვის ვაჭრობისა და განვითარების ბანკის (BSTDB) ბიზნეს ფორუმში მიიღო მონაწილეობა.

ფორუმი საქართველოსა და ფართო რეგიონის საინვესტიციო გარემოს, კერძო სექტორის საჭიროებებსა და ბიზნესის განვითარების პერსპექტივას, ასევე რეგიონული თანამშრომლობის გაღრმავებას მიეძღვნა. ფორუმის ფარგლებში განიხილეს საქართველოში BSTDB-ის დაფინანსებით განხორციელებული მნიშვნელოვანი პროექტები.

ბიზნესფორუმის მონაწილეებს მიესალმა ეროვნული ბანკის პირველი ვიცე-პრეზიდენტი ეკატერინე მიქაბაძე. მისი განცხადებით, საქართველოს ეკონომიკამ გლობალური რყევებისა და გეოპოლიტიკური გაურკვევლობის მიუხედავად, ძლიერი დინამიკა შეინარჩუნა. 2021-2025 წლებში რეალური მშპ-ის საშუალო წლიურმა ზრდამ 9.3 პროცენტი შეადგინა, ხოლო 2026 წლის პირველ რვა თვეში ეკონომიკური ზრდის საშუალო მაჩვენებელმა 7.6 პროცენტი შეადგინა.

ეკატერინე მიქაბაძის შეფასებით, საქართველოს მდგრადი ეკონომიკური ზრდა, მიმზიდველი საინვესტიციო კლიმატი, განვითარებული საფინანსო სექტორი და სტრატეგიული მდებარეობა ევროპისა და აზიის გზაჯვარედინზე ქვეყნისთვის ახალი საინვესტიციო შესაძლებლობების შექმნას უწყობს ხელს. სებ-ის პირველმა ვიცე-პრეზიდენტმა ასევე ყურადღება გაამახვილა. საქართველოსა და BSTDB-ს შორის მრავალწლიან პარტნიორობაზე.

„ჩვენი ერთ-ერთი მთავარი პრიორიტეტია ფინანსური სექტორის მდგრადობის გაძლიერება და მისი განვითარების ხელშეწყობა, რაც, თავის მხრივ, ქმნის ფინანსებზე ხელმისაწვდომობის გაფართოებისა და კაპიტალის მოზიდვის შესაძლებლობებს. ამ შესაძლებლობების გამოყენება მოითხოვს მჭიდრო თანამშრომლობას ადგილობრივ ფინანსურ ინსტიტუტებს, საერთაშორისო პარტნიორებსა და კერძო სექტორს შორის. ისეთ საერთაშორისო ფინანსურ ინსტიტუტებს, როგორიცაა BSTDB, მნიშვნელოვანი როლის შესრულება შეუძლიათ ინფრასტრუქტურის განვითარებისა და რეგიონული დაკავშირებადობის გაძლიერებისკენ მიმართული ინვესტიციების მხარდაჭერაში, ასევე სხვა სექტორების დაფინანსებაში, რომლებსაც არსებითი მნიშვნელობა აქვთ საქართველოსა და მთლიანად რეგიონის გრძელვადიანი კონკურენტუნარიანობისა და მდგრადი ეკონომიკური ზრდისთვის“, - აღნიშნა ეკატერინე მიქაბაძემ.

ფორუმის ფარგლებში ხელი მოეწერა შეთანხმებას BSTDB-სა და სამ ქართულ კომერციულ ბანკს შორის, რომელიც მცირე და საშუალო ბიზნესის მხარდაჭერას და ფინანსებზე ხელმისაწვდომობის გაძლიერებას ემსახურება.

ფორუმში საერთაშორისო ფინანსური ინსტიტუტების, კომერციული ბანკების, ბიზნეს სექტორისა და წამყვანი კომპანიების წარმომადგენლები მონაწილეობდნენ.

BSTDB მხარს უჭერს ეკონომიკურ განვითარებასა და რეგიონულ თანამშრომლობას სხვადასხვა პროექტისა და სავაჭრო დაფინანსებისთვის სესხების, საკრედიტო ხაზების, კაპიტალში მონაწილეობისა და გარანტიების უზრუნველყოფით საჯარო და კერძო სექტორებში მის წევრ ქვეყნებში. საქართველო შავი ზღვის ვაჭრობისა და განვითარების ბანკის ერთ-ერთი დამფუძნებელი ქვეყანაა. დაარსებიდან დღემდე ბანკმა, საქართველოში 46 პროექტი დააფინანსა და ამ მიზნით 631 მილიონი ევრო გამოყო.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image ბიძინა ივანიშვილის ოჯახი, ფონიჭალაში დაზარალებულ 28 ოჯახს საცხოვრებელ ბინებს შეუძენს

20.11.2026.20:13

ბიძინა და ეკატერინა ივანიშვილები ფონიჭალაში მომხდარი ტრაგიკული შემთხვევის გამო ღრმა მწუხარებას გამოთქვამენ.

როგორც სამძიმრის წერილშია აღნიშნული, ბიძინა ივანიშვილი და მისი მეუღლე ფონიჭალაში აფეთქების შედეგად დაზარალებულ 28 ოჯახს საცხოვრებელ ბინებს გადასცემენ.

„ღრმა მწუხარებას გამოვხატავთ ფონიჭალაში მომხდარი ტრაგედიის გამო, რასაც 6 ადამიანის სიცოცხლე ემსხვერპლა. ვუსამძიმრებთ გარდაცვლილთა ოჯახებსა და სრულიად საქართველოს ამ უდიდეს ტკივილს.

მომხდარი უბედური შემთხვევის შედეგად, 28 ოჯახი დარჩა საცხოვრებელი სახლის გარეშე, რის გამოც მე და ჩემმა მეუღლემ მივიღეთ გადაწყვეტილება, რომ აღნიშნულ ოჯახებს შევუძენთ და გადავცემთ საცხოვრებელ ბინებს. ეს არის ის მცირედი დახმარება, რაც გვსურს გამოვხატოთ უდიდესი ტრაგედიის შედეგად დაზარალებულთა მიმართ. კიდევ ერთხელ ვუსამძიმრებთ სრულიად საქართველოს“- აღნიშნულია სამძიმრის წერილში.

19 ნოემბერს, ქვემო ფონიჭალაში, საცხოვრებელ კორპუსში მომხდარ აფეთქებას, 6 ადამიანის სიცოცხლე ემსხვერპლა. კორპუსის მეხუთე სართულზე მცხოვრები შშმ პირი ჰყვება, რომ ღამით ცდილობდა ბუნებრივი აირის ჩართვას, თუმცა ვერ შეძლო და სავარაუდოდ, მილი ღია დატოვა.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა