ევროპული აღიარება ქართული ინოვაციისთვის - „მობილური იუსტიციის სახლი“ EPSA-ს Good Practice Certificate-ის მფლობელია
პროექტს „მობილური იუსტიციის სახლი“ ევროპის საჯარო სექტორის დაჯილდოების (European Public Sector Award – EPSA) ფარგლებში, კარგი პრაქტიკის სერტიფიკატი (Good Practice Certificate) მიენიჭა.
აღიარება ევროპის მასშტაბით ინოვაციური, ეფექტიანი და მოქალაქეზე ორიენტირებული საჯარო სერვისების გამოვლენისა და დაჯილდოების ერთ-ერთ ყველაზე ავტორიტეტულ პლატფორმაზე გამოქვეყნდა, რაც კიდევ ერთხელ ადასტურებს, რომ საქართველო საჯარო მომსახურების განვითარების მიმართულებით საერთაშორისო სტანდარტებს წარმატებით პასუხობს.
EPSA ევროპის საჯარო ადმინისტრირების ინსტიტუტის European Institute of Public Administration (EIPA) ინიციატივაა და იგი ევროპული საჯარო სექტორის სფეროში ერთ-ერთ ყველაზე პრესტიჟულ და გავლენიან კონკურსად მიიჩნევა. კონკურსი აერთიანებს სახელმწიფო უწყებებსა და ინოვაციურ პროექტებს მთელი ევროპიდან, რომლებიც თანამედროვე, მოქნილ და მოქალაქეზე მორგებული სერვისების დანერგვის მიმართულებით გამორჩეულ პრაქტიკებს ქმნიან.
Good Practice Certificate-ის ჯილდო იუსტიციის სახლს EPSA 2025-26-ის ოფიციალურ დაჯილდოებაზე გადაეცემა, რომელიც 2026 წლის 23-25 სექტემბერს ნიდერლანდების ქალაქ მაასტრიხტში გაიმართება.
„მობილური იუსტიციის სახლის“ საერთაშორისო აღიარება კიდევ ერთხელ უსვამს ხაზს საქართველოს წარმატებას სახელმწიფო სერვისების ხელმისაწვდომობის, ინოვაციური მმართველობისა და მოქალაქეზე ორიენტირებული რეფორმების მიმართულებით.
სხვა სიახლეები
ფინანსთა მინისტრი ლაშა ხუციშვილი საქართველოში საფრანგეთის ელჩს შეხვდა
08.06.2026.18:45
ფინანსთა მინისტრი ლაშა ხუციშვილი საქართველოში საფრანგეთის რესპუბლიკის საგანგებო და სრულუფლებიან ელჩს, ოლივიე კურტოს შეხვდა.
საუბარი შეეხო საქართველოსა და საფრანგეთს შორის არსებული თანამშრომლობის პროექტებს, მათ შორის, საფრანგეთის განვითარების სააგენტოსთან (AFD) პარტნიორობით, საინვესტიციო პროექტების მიმართულებით, მიმდინარე და დაგეგმილ პარტნიორობას.
მხარეებმა დაადასტურეს ორმხრივი მზადყოფნა თანამშრომლობის შემდგომი გაგრძელებისთვის.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე, საქართველოში საფრანგეთის საელჩოს ეკონომიკური სამსახურის უფროსი ჰუგო დებრუა და საფრანგეთის განვითარების სააგენტოს (AFD) სამხრეთ კავკასიის რეგიონული ოფისის დირექტორი ფანი დელპი.
22-23 სექტემბერს ჩვენ ვუმასპინძლებთ მსოფლიო ენერგეტიკის მარეგულირებელთა ფორუმს - სემეკის თავმჯდომარე
08.06.2026.15:30
საქართველოს საარჩევნო ადმინისტრაციის დელეგაცია სომხეთის საპარლამენტო არჩევნებს დააკვირდა
08.06.2026.14:46
ზაფხულში მივიღებთ ახალ საინვესტიციო განაცხადებს წყალმომარაგების სექტორში - სემეკის თავმჯდომარე
08.06.2026.14:30
როდესაც მყისიერ საგადახდო სისტემას ლოკალურად დავნერგავთ - სამომავლო გეგმაა სხვა ქვეყნების ინფრასტრუქტურებთან ინტეგრაცია - ნატალია ჭყოიძე
08.06.2026.12:16
გამოფენა "სვანეთი - დროისა და სივრცის ფარდობითი თამაში", რომელიც ვიტორიო სელას ეძღვნება
08.06.2026.12:06
ქვეყანაში გვაქვს ეკონომიკური ზრდა, ცხოვრების დონის გაუმჯობესება, აქედან გამომდინარე წლიდან წლამდე ელექტროენერგიაზე მოთხოვნა იზრდება - დავით ნარმანია
08.06.2026.10:30
