გარემოს დაცვის საერთაშორისო დღეს კომპანია „კოკა-კოლა ბოთლერს ჯორჯიასა“ და ქალაქ ბათუმის „სანდასუფთავების“ ორგანიზებით ბათუმში მასშტაბური დასუფთავების აქცია გაიმართა.

აქციის მთავარი გზავნილი იყო – „ბათუმი – სუფთა და მწვანე გარემოსთვის“, ხოლო მისი მიზანი რამდენიმე მიმართულებას მოიცავდა: ზღვისპირა ქალაქის სანაპირო ზოლის, პარკებისა და საზოგადოებრივი სივრცეების დასუფთავებას, გარემოში არამართული პლასტმასისა და სხვადასხვა მუნიციპალური ნარჩენების შემცირებას და კლიმატის ცვლილების საკითხზე საზოგადოების ცნობიერების ამაღლებას.

გარემოს დაცვის საკითხი და მწვანე გარემო „კოკა-კოლა ბოთლერს ჯორჯიასთვის“ ერთ-ერთ უმნიშვნელოვანეს პრიორიტეტს წარმოადგენს, რადგან კომპანია მთავარ პასუხისმგებლობად მიიჩნევს ბუნებრივი რესურსების დაცვას, ნარჩენების შემცირებასა და გადამუშავების კულტურის დანერგვას. მსგავსი გარემოსდაცვითი ინიციატივით „კოკა-კოლა“ ხელს უწყობს როგორც პლასტმასის ნარჩენების შემცირებას, ისე საზოგადოების ცნობიერების ამაღლებას კლიმატის ცვლილებისა და ეკოლოგიური პასუხისმგებლობის მიმართულებით.

აქციამ ახალგაზრდები, სტუდენტები, კერძო სექტორის წარმომადგენლები და ადგილობრივი სამსახურები საერთო გარემოსდაცვითი მიზნის გარშემო გააერთიანა. ღონისძიებაში მონაწილეობდნენ „კოკა-კოლა ბოთლერს ჯორჯიას“ ბათუმის წარმომადგენლობა, ქალაქ ბათუმის „სანდასუფთავება“, ბათუმის შოთა რუსთაველის სახელმწიფო უნივერსიტეტის სტუდენტები და მოხალისეები.

დასუფთავების აქცია ბათუმში, მდინარე ჭოროხის მარჯვენა შესართავთან (ახალი ბულვარი) გაიმართა. შეგროვებული ნარჩენები დახარისხდა. პლასტმასის ნარჩენი ცალკე გამოიყო და გადამამუშავებელ კომპანიას რეციკლირებისთვის გადაეცა, ხოლო შერეული საყოფაცხოვრებო ნარჩენების გატანა ბათუმის დასუფთავების სამსახურმა უზრუნველყო.

ნარჩენების სეპარირებული შეგროვება ხელს შეუწყობს საზოგადოების გარემოსდაცვითი პასუხისმგებლობის გაძლიერებას და ნარჩენების გადამუშავების კულტურის დამკვიდრებას. ეს კი გრძელვადიან პერსპექტივაში გარემოს დაბინძურების შემცირებას, რესურსების ეფექტიან გამოყენებასა და ეკოლოგიურად პასუხისმგებელი საზოგადოების ფორმირებას შეუწყობს ხელს.

გარემოს დაცვის საერთაშორისო დღე – 2026

გარემოს დაცვის საერთაშორისო დღე გაეროს გარემოსდაცვითი პროგრამის (UNEP) ხელმძღვანელობით 1973 წელს დაფუძნდა და ის 5 ივნისს აღინიშნება. გარემოს დაცვის საერთაშორისო დღე მსოფლიოში ერთ-ერთი ყველაზე მნიშვნელოვანი გარემოსდაცვითი პლატფორმაა. 2026 წლის მთავარი თემა კლიმატის ქმედებაა, რითაც კლიმატის ცვლილებით გამოწვეულ გლობალურ პრობლემებზე – მზარდ ტემპერატურაზე, ეკოსისტემების დეგრადაციასა და ექსტრემალურ ამინდზე კეთდება აქცენტი.

ეს თემა ხაზს უსვამს ბუნების დაცვისა და კლიმატის ქმედების მნიშვნელოვან კავშირს და მოუწოდებს მთავრობებს, ინდუსტრიებსა და საზოგადოებას, ბუნებაზე დაფუძნებული გადაწყვეტილებები მიიღონ და განახლებად ენერგიასა და მწვანე ეკონომიკაზე გადასვლა დააჩქარონ.

კომპანია „კოკა-კოლა ბოთლერს ჯორჯიას“ მიერ ორგანიზებული ბათუმის დასუფთავების აქცია სწორედ ამ გლობალურ გზავნილს პასუხობს და გარემოს დაცვის საკითხებში საზოგადოების უფრო აქტიურ მონაწილეობასა და ცნობიერების ამაღლებას უწყობს ხელს.