გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ინიციატივითა და ორგანიზებით, საჯარო სკოლებში საინფორმაციო-შემეცნებითი შეხვედრები გაიმართა
გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ინიციატივითა და ორგანიზებით, საჯარო სკოლებში საინფორმაციო-შემეცნებითი შეხვედრები გაიმართა.
შეხვედრების მიზანი მოსწავლეებში ატმოსფერული ჰაერის ხარისხის მნიშვნელობის შესახებ ცნობიერების ამაღლება, ჰაერის დაბინძურების ძირითადი წყაროების გაცნობა და მისი შემცირებისკენ მიმართული პრაქტიკული მიდგომების წარმოჩენა იყო.
ღონისძიებების ფარგლებში განხილულ იქნა ჰაერის დაბინძურების გავლენა ადამიანის ჯანმრთელობასა და გარემოზე, არსებული გამოწვევები, ჰაერის ხარისხის გაუმჯობესების მიზნით განხორციელებული და დაგეგმილი ღონისძიებები, აგრეთვე ყოველდღიურ ცხოვრებაში მცირე ცვლილებების როლი ატმოსფერული ჰაერის დაბინძურების შემცირებაში.
საინფორმაციო-შემეცნებითი შეხვედრები მოიცავდა პრეზენტაციებს, დისკუსიებსა და ინტერაქტიულ აქტივობებს, რაც მოსწავლეთა აქტიურ ჩართულობას და საკითხის მიმართ ინტერესის ზრდას უწყობდა ხელს.
ატმოსფერული ჰაერის ხარისხის მართვის 2023–2025 წლების გეგმა ეფუძნება ქვეყნის ტერიტორიის ზონებად დაყოფას, რაც ჰაერის ხარისხის მართვის ღონისძიებების რეგიონულ თავისებურებებსა და სპეციფიკურ საჭიროებებს ითვალისწინებს. ზონები ერთმანეთისგან განსხვავდება ურბანული განვითარების დონით, სატრანსპორტო დატვირთვითა და ინდუსტრიული აქტივობის ინტენსივობით. მოცემულ ეტაპზე განსაკუთრებული ყურადღება ეთმობა ცენტრალურ ზონას, რომელიც მოიცავს რუსთავისა და ბოლნისის მუნიციპალიტეტებს, სადაც ჰაერის დაბინძურების მაჩვენებლები და მოსახლეობის სიმჭიდროვე დამატებით რეაგირებას საჭიროებს.
დღის ტოპ 10 სიახლე
სხვა სიახლეები
ფინანსთა მინისტრი ლაშა ხუციშვილი საქართველოში საფრანგეთის ელჩს შეხვდა
08.06.2026.18:45
ფინანსთა მინისტრი ლაშა ხუციშვილი საქართველოში საფრანგეთის რესპუბლიკის საგანგებო და სრულუფლებიან ელჩს, ოლივიე კურტოს შეხვდა.
საუბარი შეეხო საქართველოსა და საფრანგეთს შორის არსებული თანამშრომლობის პროექტებს, მათ შორის, საფრანგეთის განვითარების სააგენტოსთან (AFD) პარტნიორობით, საინვესტიციო პროექტების მიმართულებით, მიმდინარე და დაგეგმილ პარტნიორობას.
მხარეებმა დაადასტურეს ორმხრივი მზადყოფნა თანამშრომლობის შემდგომი გაგრძელებისთვის.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე, საქართველოში საფრანგეთის საელჩოს ეკონომიკური სამსახურის უფროსი ჰუგო დებრუა და საფრანგეთის განვითარების სააგენტოს (AFD) სამხრეთ კავკასიის რეგიონული ოფისის დირექტორი ფანი დელპი.
22-23 სექტემბერს ჩვენ ვუმასპინძლებთ მსოფლიო ენერგეტიკის მარეგულირებელთა ფორუმს - სემეკის თავმჯდომარე
08.06.2026.15:30
საქართველოს საარჩევნო ადმინისტრაციის დელეგაცია სომხეთის საპარლამენტო არჩევნებს დააკვირდა
08.06.2026.14:46
ზაფხულში მივიღებთ ახალ საინვესტიციო განაცხადებს წყალმომარაგების სექტორში - სემეკის თავმჯდომარე
08.06.2026.14:30
როდესაც მყისიერ საგადახდო სისტემას ლოკალურად დავნერგავთ - სამომავლო გეგმაა სხვა ქვეყნების ინფრასტრუქტურებთან ინტეგრაცია - ნატალია ჭყოიძე
08.06.2026.12:16
გამოფენა "სვანეთი - დროისა და სივრცის ფარდობითი თამაში", რომელიც ვიტორიო სელას ეძღვნება
08.06.2026.12:06
ქვეყანაში გვაქვს ეკონომიკური ზრდა, ცხოვრების დონის გაუმჯობესება, აქედან გამომდინარე წლიდან წლამდე ელექტროენერგიაზე მოთხოვნა იზრდება - დავით ნარმანია
08.06.2026.10:30
