GCCA-მა „ხეირი ნახე“ სააგენტოს გადაწყვეტილების განსაზღვრულ ვადაში შეუსრულებლობის გამო დააჯარიმა

საზოგადოება

დაავადებათა კონტროლისა ეროვნული ცენტრის გენერალური დირექტორი ირაკლი ფურცელაძე აშშ-ის თავდაცვის საფრთხის შემცირების სააგენტოს ახალ რეგიონულ დირექტორს, ენტონი სპირსს შეხვდა

13.08.2026.11:49

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ირაკლი ფურცელაძე აშშ თავდაცვის საფრთხის შემცირების სააგენტოს (DTRA) ახალ რეგიონულ დირექტორს ენტონი სპირსს შეხვდა, რომელიც 15 აგვისტოდან შეუდგება უფლებამოსილების განხორციელებას და აღნიშნულ პოზიციაზე დევიდ ქენედეის ჩაანაცვლებს.

შეხვედრაზე მხარეებმა ორმხრივი თანამშრომლობის ძირითადი მიმართულებები და მიმდინარე ერთობლივი პროექტები განიხილეს.

ირაკლი ფურცელაძემ სტუმარს ახალ პოზიციაზე დანიშვნა მიულოცა და სააგენტოს მრავალწლიანი მხარდაჭერისთვის მადლობა გადაუხადა. მან ხაზი გაუსვა აშშ თავდაცვის საფრთხის შემცირების სააგენტოს მნიშვნელოვან როლს საქართველოში, საზოგადოებრივი ჯანმრთელობის უსაფრთხოების განმტკიცებისა და ლაბორატორიული შესაძლებლობების განვითარების საკითხებში.

თავის მხრივ, აშშ თავდაცვის საფრთხის შემცირების სააგენტოს (DTRA)-წარმომადგენლებმა აღნიშნეს, რომ საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრი რეგიონში საიმედო და წამყვანი პარტნიორია.

შეხვედრას დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილეები – პაატა იმნაძე, ირმა ხონელიძე და ცენტრის თანამშრომლები ესწრებოდნენ.