მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

GCCA-მა საერთაშორისო კომპანიების კონცენტრაციაზე, რომელსაც ადგილობრივ ბაზარზე გავლენა ჰქონდა, თანხმობა გასცა

news image
mbc image

საქართველოს კონკურენციისა და მომხმარებლის დაცვის სააგენტომ (GCCA) დაასრულა საქმის განხილვა და თანხმობა გასცა წამყვანი ამერიკული გლობალური საინვესტიციო კომპანიის „ბეინ კაპიტალ ინვესტორსის“ მიერ, გერმანული ავტოგიგანტის, „ფოლკსვაგენის“ (Volkswagen AG), შვილობილ კომპანიაში - ევროპულ სააქციო საზოგადოება „ევერლენს სე“-ში - აქციების არაპირდაპირ შეძენაზე. სააგენტოს შეფასებით, აღნიშნული კონცენტრაცია ბაზარზე არსებით გავლენას არ ახდენს და კონკურენტულ გარემოსთან თავსებადია.

სააგენტოს მიერ შესწავლილი ინფორმაციისა და შესაბამისი ანალიზის საფუძველზე, დადგინდა, რომ ტრანზაქცია წარმოადგენს კონგლომერატულ კონცენტრაციას, რაც გულისხმობს, რომ შპს „ბეინ კაპიტალ ინვესტორსსა“ და „ევერლენს სე“-ს შორის ჰორიზონტალური გადაფარვა არ წარმოიშობა და არ იცვლება კონცენტრაციის დონე.

სააგენტოს თანახმად, განსახორციელებელი კონცენტრაცია არ ზრდის მხარეთა შესაძლებლობას, ერთი ბაზრიდან მეორეზე ძლიერი საბაზრო პოზიციის გადატანით ჩაერთონ ისეთ წვდომის შეზღვუდვის მიზნის მქონე პრაქტიკებში, რამაც შესაძლოა კონკურენტების ბაზრიდან განდევნა გამოიწვიოს. შესაბამისად, კონცენტრაციის შედეგად - კონკურენტებისთვის, მომხმარებლებისა და მიმწოდებლებისთვის ბაზარზე წვდომის შეზღუდვა მოსალოდნელი არ არის და გარიგება კონკურენციის შეზღუდვას არ გამოიწვევს.

შპს „ბეინ კაპიტალ ინვესტორსი“ მართავს ასობით მილიარდი დოლარის ღირებულების აქტივებს სხვადასხვა მიმართულებით, როგორიცაა კერძო კაპიტალი, ვენჩურული ინვესტიციები, კრედიტები და უძრავი ქონება. კომპანია ინვესტიციებს ახორციელებს ინდუსტრიულ სექტორებშიც.

„ევერლენს სე“ (Everllence SE) წარმოადგენს Volkswagen Group-ის შვილობილ - მსხვილ გერმანულ საინჟინრო კომპანიას, რომელიც საქმიანობს სამრეწველო და ენერგეტიკული სექტორების მიმართულებით, კერძოდ, ქმნის საზღვაო და სტაციონარულ ძრავებს, კომპრესორებს, ტურბინებსა და მძიმე ინდუსტრიისთვის დეკარბონიზაციის ტექნოლოგიებს.

კონკურენციის შესახებ საქართველოს კანონის თანახმად, ქვეყნის გარეთ განხორციელებული კონცენტრაცია იმ შემთხვევაში ექვემდებარება სააგენტოსთან წინასწარ შეტყობინებას, როდესაც მას ქვეყნის შიდა ბაზარზე გავლენა გააჩნია.

ინფორმაციისთვის: GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია, თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.
2026 წელს საქართველოს კონკურენციისა და მომხმარებლის დაცვის სააგენტომ (GCCA) თანხმობა გასცა 12 კონცენტრაციაზე.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image 24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება - საქართველოს გაზის ტრანსპორტირების კომპანია

22.11.2026.12:50

საქართველოს გაზის ტრანსპორტირების კომპანია განცხადებას ავრცლეებს, რომელსაც Business Insider Georgia უცვლელად გთავაზობთ: ,,24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება.
საგურამო-ქუთაისის მაგისტრალური გაზსადენის 33.8 - 54.0 კმ-ებს შორის მონაკვეთზე დაგეგმილია ახლადაშენებული 20 კილომეტრიანი მილსადენის მოქმედ მაგისტრალურ მილსადენში მიერთების ( შეჭრის) სამუშაოები, რის გამოც 2026 წლის 24 ნოემბრის 04:00 საათიდან 25 ნოემბრის 10:00 საათამდე, ბუნებრივი აირის მიწოდება შეუწყდებათ აღმოსავლეთ საქართველოს შემდეგი მუნიციპალიტეტებისა და მათ შემადგენლობაში შემავალი სოფლების მომხმარებლებს: კასპის, გორის, ქარელის, ხაშურისა და ბორჯომის მუნიციპალიტეტებს, ასევე დაბა ბაკურიანის მომხმარებლებს.
ამასთან, ბუნებრივი გაზის მიწოდება შეუწყდებათ დასავლეთ საქართველოს მიმართულებით მდებარე ყველა მუნიციპალიტეტის ქალაქებისა და სოფლების მომხმარებლებს, კერძოდ: საჩხერის, ჭიათურის, ხარაგაულის, ზესტაფონის, ამბროლაურის, ქუთაისის, წყალტუბოს, ბაღდათის, სამტრედიის, აბაშის, სენაკის, ხობის, ზუგდიდის, წალენჯიხის, ფოთის, ლანჩხუთის, ჩოხატაურისა და ოზურგეთის მუნიციპალიტეტებს, აგრეთვე აჭარის რეგიონს.
გარდა ამისა, საზოგადოების წინასწარი ინფორმირების მიზნით აღვნიშნავთ, რომ 2026 წლის ბოლომდე დაგეგმილია აღმოსავლეთ-დასავლეთის მაგისტრალური გაზსადენის ქობულეთის განშტოების ახლადაშენებული 25-კილომეტრიანი მონაკვეთის მოქმედ ქსელთან მიერთების მასშტაბური სამუშაოები, რაც აუცილებელ ტექნიკურ ღონისძიებებს საჭიროებს. აღნიშნული სამუშაოები აჭარის რეგიონში უწყვეტ გაზმომარაგებას უზრუნველყოფს.
სამუშაოების დასრულება ხელს შეუწყობს დასავლეთ საქართველოს მიმართულებით ბუნებრივი გაზის უსაფრთხო და სტაბილურ მიწოდებას, გაზსადენის ინფრასტრუქტურის კიდევ უფრო გაუმჯობესებას, რის შედეგადაც მაგისტრალურ მილსადენზე ავარიული გათიშვების რისკები ფაქტობრივად განულდება. მილსადენები, საქართველოს ნავთობისა და გაზის კორპორაციამ თანამედროვე ტექნოლოგიებისა და სტანდარტების დაცვით ააშენა. პროექტები გაზის სატრანსპორტო ინფრასტრუქტურის განახლებისა და მოდერნიზაციის მნიშვნელოვანი ნაწილია. მათი მიზანი ქსელის საიმედოობისა და უსაფრთხოების გაზრდა და მეტი დასახლების გაზიფიცირების ხელშეწყობაა.
მსგავსი მასშტაბისა და ტექნიკური სირთულის პროექტების განხორციელება მხოლოდ სამშენებლო სამუშაოების შესრულებას არ გულისხმობს. პროცესს წინ უძღვის კომპლექსური ტექნიკური მომზადება, საინჟინრო გადაწყვეტების დამუშავება და შესაბამისი საპროექტო და ტექნიკური დოკუმენტაციის მომზადება, ასევე სხვადასხვა საორგანიზაციო და უსაფრთხოების საკითხის უზრუნველყოფა. შესაბამისად, სამუშაოების თარიღი განისაზღვრა აუცილებელი ტექნიკური და მოსამზადებელი პროცესების გათვალისწინებით. ამასთან, გადაწყვეტილების მიღებისას მნიშვნელოვანი ფაქტორი იყო 24 ნოემბრის მეტეოროლოგიური პირობებიც, რათა გაზმომარაგების დროებითი შეზღუდვის პერიოდში მოსახლეობისთვის შესაძლო დისკომფორტი მაქსიმალურად შემცირდეს.
სამუშაოების დასრულების შემდეგ, 25 ნოემბრის 10:00 საათიდან, ბუნებრივი გაზის მიწოდება ეტაპობრივად აღუდგებათ გათიშული გაზგამანაწილებელი სადგურების მომხმარებლებს.
ბოდიშს გიხდით შექმნილი დროებითი დისკომფორტისთვის", - აღნიშნულია განცხადებაში. 

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა