გეოპოლიტიკური მერყეობები მთლიანად არ იწვევს ჩვენი პორტფელის შემცირებას, არამედ დაბალანსებულად ხდება ეს მერყეობა - ამის შესახებ საქართველოს საპენსიო ფონდის საინვესტიციო სამსახურის მთავარმა საინვესტიციო ოფიცრის მოვალეობის შემსრულებელმა ანა ნაჭყებიამ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„როდესაც ესეთი მერყეობა არის ჩვენ ყოველდღიურად ვაკვირდებით ჩვენი პორტფელის დინამიკას. როგორ იცვლება ფასები, რა გავლენა აქვს ჩვენს პორტფელზე და როდესაც ესეთი ტიპის გეოპოლიტიკური მოვლენები ხდება, რომელიც პირდაპირ აისახება ჩვენს მომგებიანობაზე ამას ვაკვირდებით განსაკუთრებით და ჩვენთვის მთავარი მიდგომა მსგავსი ტიპის რისკების ჰეჯირებისთვის ანუ რომ დავიცვათ ჩვენი პორტფელი ეს არის დივერსიფიკაცია და ის აქტივების განთავსების სტრატეგია, გრძელვადიანი ხედვა, რომელსაც ჩვენ ყოველწლიურად ვანახლებთ. ეს გულისხმობს იმას რომ არ გავაკეთოთ ზედმეტი კონცენტრაცია ან რომელიმე ქვეყანაზე ან რომელიმე სექტორზე და ჩვენი აქტივები იყოს რაც შეიძლება დივერსიფიცირებულად განთავსებული. არის რეგიონები, როდესაც მაგალითად თუნდაც ნავთობის ფასები გაიზარდა, რომლებიც ამ ნავთობის ფასების ზრდით ხეირობენ. მაგალითად, ლათინური ამერიკის ქვეყნები, რომლებიც არიან ნავთობის ექსპორტიორები, როდესაც ფასები გაიზარდა და სხვა აქციის ბაზრებზე ფასების შემცირება ვნახეთ, ლათინური ამერიკის კომპანიები გაიზარდა და აი ამან უზრუნველყო ის რომ ეს მერყეობა შეემცირებინა. შესაბამისად, ჩვენი ყველაზე მნიშვნელოვანი სტრატეგიული ხედვა ამ მიმართულებით არის დივერსიფიკაცია და ჩვენი ეს აქციების პორტფელი არის დივერსიფიცირებული. თითქმის 9000 კომპანია შედის ჩვენს პორტფელში სხვადასხვა პროპორციით. აქ შედის როგორც ამერიკის ტექნოლოგიური კომპანიები, ისე ამერიკის სხვა წამყვანი ინდუსტირების წარმომადგენლები, ეს იქნება საბანკო სექტორი თუ სხვა საყოფაცხოვრებო ბრედები, რომლებიც ჩვენ გაგვიგია. რაც შეეხება დანარჩენ ნაწილს გვაქვს მაგალითად ევროპული კომპანიები, სადაც ტექნოლოგიური კომპანიების წილი ისეთი დიდი არ არის. შესაბამისად, უფრო სოლიდური კომპანიები არის და მერყეობაც ნაკლებია. გვაქვს აზიური კომპანიები, განვითარებადი ბაზრები, რომლებსაც სხვადასხვა ფუნდამენტური ფაქტორი უწყობს ამ ბაზრების ზრდას ხელს და შესაბამისად, მსგავსი გეოპოლიტიკური მერყეობები მთლიანად არ იწვევს ჩვენი პორტფელის შემცირებას, არამედ დაბალანსებულად ხდება ეს მერყეობა“, - აცხადებს ანა ნაჭყებია.