ინფრასტრუქტურის მინისტრი საქართველოში ისრაელის სახელმწიფოს საგანგებო და სრულუფლებიან ელჩს შეხვდა
საქართველოს ინფრასტრუქტურის მინისტრმა, რევაზ სოხაძემ, გაცნობითი ხასიათის შეხვედრა გამართა საქართველოში ისრაელის სახელმწიფოს საგანგებო და სრულუფლებიან ელჩთან, ვალიდ აბუ ჰაიასთან.
შეხვედრაზე მხარეებმა ორ ქვეყანას შორის არსებული მეგობრული ურთიერთობები, ეკონომიკური თანამშრომლობის მიმდინარე მიმართულებები და პარტნიორობის შემდგომი გაღრმავების პერსპექტივები განიხილეს.
ყურადღება გამახვილდა ეკონომიკური თანამშრომლობის გაძლიერების შესაძლებლობებზე და სხვადასხვა მიმართულებით გამოცდილების გაზიარების მნიშვნელობაზე. აღინიშნა, რომ ორივე მხარე დაინტერესებულია ეკონომიკური ურთიერთობების შემდგომი განვითარებით და მზად არის, ამ მიმართულებით აქტიურად ითანამშრომლოს.
ინფრასტრუქტურის მინისტრმა ელჩს საქართველოში წარმატებული დიპლომატიური საქმიანობა უსურვა.
შეხვედრას ინფრასტრუქტურის მინისტრის მოადგილე მზია გიორგობიანი და მინისტრის აპარატის უფროსი სოფიო მამალაძე დაესწრნენ.
სხვა სიახლეები
სინოპტიკოსების პროგნოზით, საქართველოში უახლოეს დღეებში უმეტესად უნალექო და თბილი ამინდია მოსალოდნელი
21.08.2026.09:46
საქართველოში უახლოეს დღეებში უმეტესად უნალექო და თბილი ამინდია მოსალოდნელი. გარემოს ეროვნული სააგენტოს ინფორმაციით, დასავლეთ საქართველოში ჰაერის ტემპერატურა დღისით 28-დან 33 გრადუსამდე მოიმატებს, აღმოსავლეთ საქართველოში კი 32 გრადუსამდე დათბება. სინოპტიკოსების პროგნოზით, უნალექო ამინდი ქვეყნის როგორც დასავლეთ, ისე აღმოსავლეთ ნაწილში 24-25 აგვისტომდე შენარჩუნდება.
რაც შეეხება დედაქალაქს, თბილისში ძირითადად მზიანი და უნალექო ამინდია მოსალოდნელი. ჰაერის მაქსიმალური ტემპერატურა დღის საათებში 30-32 გრადუსის ფარგლებში იქნება.
„დღეისთვის. მთლიანად საქართველოს ტერიტორიაზე უნალექო ამინდია მოსალოდნელი. უნალექო ამინდი ძირითადად გაგრძელდება დასავლეთ საქართველოში 24 რიცხვამდე, ხოლო, აღმოსავლეთში 25 რიცხვამდე“, - განაცხადა სინოპტიკოსმა ნაირა მანველიშვილმა.
აღმოსავლეთ და დასავლეთ საქართველოში ჩასატარებელ საგზაო სამუშაოებზე, ტენდერები გამოცხადდა
20.08.2026.20:24
დავით სონღულაშვილი საკვები პროდუქტების მწარმოებელი გერმანული კომპანიის „Develey“ და „მარნეულის სასურსათო ქარხნის“ მფლობელებს შეხვდა
20.08.2026.15:50
მცხეთაში სატვირთო მოძრაობის დროებით გადართვით გამოწვეული დისკომფორტის შემცირებაზე მუშაობა მიმდინარეობს
20.08.2026.14:33
სტუ-ის რექტორი გენერალ-მაიორს, აკადემიკოს ელგუჯა მეძმარიაშვილს 80 წლის იუბილეს ულოცავს
20.08.2026.14:17
საგადასახადო მონიტორინგის დეპარტამენტის თანამშრომლებმა უაქციზო ალკოჰოლური ნაწარმის შენახვა-გადაზიდვის ფაქტები გამოავლინეს
20.08.2026.11:22
