საქართველოს მთავრობისა და ა(ა)იპ „ინფრასტრუქტურის მშენებელთა ასოციაციის“ (ICCA) თანაორგანიზებით, 27 ივლისს 2026 გაიმართება საჯარო-კერძო დიალოგის ფორმატში გაფართოებული სამუშაო შეხვედრა. მთავარი თემაა ინფრასტრუქტურულ სექტორში მიმდინარე საკანონმდებლო და სისტემური ცვლილებები, ახალი რეგულაციები და მათი პრაქტიკული იმპლემენტაცია.

შეხვედრაზე განხილული იქნება შემდეგი საკვანძო საკითხები:

• 2026 წელს განხორციელებული საკანონმდებლო და სისტემური ცვლილებები ზოგად ჭრილში;
• ფასთან ინდექსაციის ახალი საკანონმდებლო ჩარჩო და რეგულაციების ზოგადი მიმოხილვა;
• სამშენებლო რესურსების სარეკომენდაციო საბაზრო ღირებულებები;
• სამშენებლო სამუშაოების შესყიდვასთან დაკავშირებული შრომის ანაზღაურების, მანქანა-მოწყობილობებისა და საავტომობილო გადაზიდვების სარეკომენდაციო
საბაზრო ღირებულებები;
• 2026 წლის 1 ივნისის 241-ე დადგენილებით გათვალისწინებული დანარიცხების
განსაზღვრის წესი.

ღონისძიებას გახსნიან და სიტყვით გამოვლენ:

• ლევან ჟორჟოლიანი - საქართველოს მთავრობის ადმინისტრაციის უფროსი;
• რევაზ სოხაძე - საქართველოს ინფრასტრუქტურის მინისტრი;
• გურამ დუმბაძე - მთავრობის ეფექტიანობის დეპარტამენტის უფროსი;
• ირაკლი გიორგობიანი - ინფრასტრუქტურის მშენებელთა ასოციაციის
აღმასრულებელი დირექტორი;
• სალომე წურწუმია - საქართველოს ინფრასტრუქტურის სამინისტროს
საავტომობილო გზების დეპარტამენტის თავმჯდომარის მოადგილე;
• გიორგი მურვანიძე - ლევან სამხარაულის სახელობის სასამართლო
ექსპერტიზის ეროვნული ბიუროს უფროსი.