ინოვაციური სტარტაპის სტატუსი კიდევ უფრო დიდი სტიმულია თითოეული სტარტაპისთვის, სწრაფი ტემპით შექმნას გლობალური დონის, მაღალტექნოლოგიური და კონკურენტუნარიანი პროდუქტი, რაც პირდაპირ აისახება ჩვენი ქვეყნის ეკონომიკის განვითარებასა და ახალი სამუშაო ადგილების შექმნაზე - ავთანდილ კასრაძე
საქართველოს მთავრობის გადაწყვეტილებით, კიდევ სამ ქართულ სტარტაპს ინოვაციური სტარტაპის სტატუსი მიენიჭა. სტატუსი ითვალისწინებს საგადასახადო მხარდამჭერ მექანიზმს, რომლის მიხედვითაც, სტატუსის მინიჭებიდან სამი წლის განმავლობაში მოქმედებს 0%-იანი საშემოსავლო გადასახადის განაკვეთი.
საქართველოს ინოვაციების და ტექნოლოგიების სააგენტოს თავმჯდომარე აღნიშნავს, რომ საქართველოს მთავრობის პოლიტიკის განუყოფელი ნაწილია ქართული სტარტაპების მხარდაჭერა და სწორედ ამის გამოხატულება იყო ინოვაციური სტარტაპის სტატუსის შემოღება.
„ინოვაციური სტარტაპის სტატუსი აძლევს ქართულ სტარტაპებს შესაძლებლობას, ფოკუსირება მოახდინონ მათი საქმიანობის ზრდასა და პროდუქტების შექმნაზე. აღნიშნული ინიციატივა კიდევ უფრო დიდი სტიმულია თითოეული სტარტაპისთვის, სწრაფი ტემპით შექმნას გლობალური დონის, მაღალტექნოლოგიური და კონკურენტუნარიანი პროდუქტი, რაც პირდაპირ აისახება ჩვენი ქვეყნის ეკონომიკის განვითარებასა და ახალი სამუშაო ადგილების შექმნაზე. მნიშვნელოვანია, რომ ეს ტექნოლოგიური სიკეთე საქართველოს თითოეულ მოქალაქემდე რაც შეიძლება სწრაფად იყოს მიტანილი.“ - განაცხადა ავთანდილ კასრაძემ.
ინიციატივის მთავარი მიზანია, შეამსუბუქოს ფინანსური ტვირთი ადრეული ეტაპის სტარტაპებისათვის, იმ პერიოდში, როდესაც კომპანიები ჯერ კიდევ არ გამოიმუშავებენ საკმარის საოპერაციო შემოსავალს, თუმცა აქტიურად ახორციელებენ ინვესტიციებს ადამიანურ კაპიტალსა და ტექნოლოგიურ განვითარებაში.
როგორც საკანონმდებლო ინიციატივის ავტორები აღნიშნავენ, წარმოდგენილი ჩარჩო მნიშვნელოვან გავლენას მოახდენს საქართველოში რეგისტრირებული გლობალური სტარტაპების რაოდენობის ზრდაზე, სტარტაპებში დასაქმებულთა ზრდაზე და ქვეყანაში შემოსული უცხოური ინვესტიციების მოცულობაზე. პარალელურად, იგი გააძლიერებს კვლევისა და განვითარების მიმართულებით აქტივობებს, რაც წარმოადგენს მნიშვნელოვან წინაპირობას ცოდნაზე დაფუძნებული ეკონომიკის ფორმირებისთვის.
შედეგად, 2030 წლისთვის მოსალოდნელია, რომ აქტიური სტარტაპების რაოდენობა 2,000-ს გაუტოლდება. ინოვაციურ სტარტაპებში დასაქმებულთა რაოდენობა 26,000-მდე გაიზრდება, ხოლო სტარტაპების მიერ მოზიდული ინვესტიციების ჯამური მოცულობა 11 მილიარდ ლარს მიაღწევს. ამასთანავე, სტარტაპების მიერ გენერირებული შემოსავალი 1.5 მილიარდ ლარს გადააჭარბებს, რაც მნიშვნელოვან წვლილს შეიტანს ქვეყნის ეკონომიკურ ზრდასა და ტექნოლოგიური სექტორის გაძლიერებაში.
ინოვაციური სტარტაპის სტატუსის, ისევე როგორც ინოვაციური მცირე და საშუალო კომპანიისა და კვლევებისა და განვითარების მომსახურების გამწევი კომპანიის სტატუსის განსაზღვრებები საქართველოში 2025 წლის სექტემბრიდან მოქმედებს. დღეის მდგომარეობით, ინოვაციური სტარტაპის სტატუსს 11 ქართული სტარტაპი ფლობს.
დღის ტოპ 10 სიახლე
სხვა სიახლეები
პროგრამის „ჩემი პირველი ნერგის“ ფარგლებში პირველკლასელებმა მეორე დღეს 2 933 ნერგი დარგეს
23.10.2026.17:42
საქართველოს მთავრობის ინიციატივით მიმდინარე პროგრამის „ჩემი პირველი ნერგის“ ფარგლებში, მეორე დღეს პირველკლასელებმა 2 933 ნერგი დარგეს.
გამწვანების ღონისძიებები ქედაში, შუახევში, ამბროლაურში, ონში, ცაგერში, კასპში, ბორჯომში, ახალციხეში, თიანეთსა და დუშეთში გაიმართა. პროგრამა ხის დარგვის საერთაშორისო დღეს დაიწყო და საქართველოს მასშტაბით 9 ნოემბრის ჩათვლით გაგრძელდება. მასში 41 000-ზემეტი პირველკლასელი ჩაერთვება.
„ჩემი პირველი ნერგი“ საქართველოს მთავრობის ინიციატივაა, რომლის მიზანია ადრეული ასაკიდან გარემოსდაცვითი ცნობიერების ამაღლება და ბავშვებში ბუნებაზე ზრუნვის პასუხისმგებლობის ჩამოყალიბება.პროგრამის ფარგლებში თბილისსა და საქართველოს ათივე რეგიონში პირველკლასელები საკუთარ პირველ ნერგს დარგავენ.
ნერგების სახეობები რეგიონების კლიმატური პირობების გათვალისწინებით შეირჩა. მათ შორისაა ქართული მუხა, კავკასიური ცაცხვი, მინდვრის ნეკერჩხალი, კავკასიურიდა ელდარის ფიჭვი და სხვა სახეობები.თითოეული პირველკლასელისთვის გათვალისწინებულია ერთი ნერგი. ბავშვები უშუალოდ მონაწილეობენ დარგვის პროცესში, შემდგომ კი შესაძლებლობა ექნებათ, დააკვირდნენ საკუთარი ნერგის ზრდას და იზრუნონ მასზე.პროგრამის ფარგლებში შეიქმნა სპეციალური ელექტრონული პლატფორმა - cheminergi.eiec.gov.ge, სადაც ბავშვებს, მშობლებისა და მასწავლებლების დახმარებით, შეუძლიათ დარგული ნერგის შესახებ ინფორმაციის შეყვანა და ფოტოს ატვირთვა.
პლატფორმის საშუალებითშეიქმნება პროგრამის ფარგლებში დარგული ნერგების ერთიანი მონაცემთა ბაზა.პროგრამის განხორციელებაში ჩართულია საქართველოს გარემოს დაცვისა და სოფლის მეურნეობის სამინისტრო და მის სისტემაში შემავალი გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, ქალაქ თბილისის მუნიციპალიტეტის მერია და სახელმწიფო რწმუნებულების ადმინისტრაციები მთელი ქვეყნის მასშტაბით.
ინფორმაციას გარემოსდაცვითი ინფორმაციისა და განათლების ცენტრი ავრცელებს.
ეკატერინე მიქაბაძემ OECD-ის ფინანსური განათლების საერთაშორისო კონფერენციაზე საქართველოს გამოცდილება გააზიარა
23.10.2026.11:45
ოზურგეთი-ნატანები-ურეკის გზაზე მდინარე მერიაზე არსებული ხიდის რეაბილიტაცია სრულდება
23.10.2026.11:32
ნარჩენების მართვის თანამედროვე სისტემა გარემოს დაცვასა და მოსახლეობისთვის უსაფრთხო გარემოს შექმნას ემსახურება - დავით სონღულაშვილი
23.10.2026.11:30
