ირაკლი ნადარეიშვილმა ITB China-ს ფარგლებში ორმხრივი შეხვედრები გამართა

საზოგადოება

ახალციხეში ახალი საჯარო სკოლის მშენებლობა გრძელდება

27.05.2026.13:36

ინფრასტრუქტურის მინისტრი რევაზ სოხაძე, მუნიციპალური განვითარების ფონდის აღმასრულებელი დირექტორი გიორგი შონია, ახალციხის მუნიციპალიტეტის მერი ვარლამ წიკლაური, სახელმწიფო რწმუნებული ზაალ გელაშვილი და ადგილობრივი ხელისუფლების წარმომადგენლები ახალციხეში მიმდინარე ინფრასტრუქტურული პროექტების პროგრესს და დაგეგმილი პროექტების დეტალებს ადგილზე გაეცნენ, - ინფორმაციას ახალციხის მუნიციპალიტეტის მერია ავრცელებს.

უწყების ცნობით, ქალაქ ახალციხეში, რუსთაველის ქუჩა №124-ში ახალი საჯარო სკოლის მშენებლობა მიმდინარეობს. პროექტს საქართველოს ინფრასტრუქტურის სამინისტროს მუნიციპალური განვითარების ფონდი სახელმწიფო ბიუჯეტის დაფინანსებით ახორციელებს.

„პროექტის ფარგლებში შენდება თანამედროვე საგანმანათლებლო ინფრასტრუქტურა, რომელიც 650 მოსწავლეზე იქნება გათვლილი და მოსწავლეებს უსაფრთხო, თანამედროვე და ხარისხიანი სასწავლო გარემოთი უზრუნველყოფს.

სკოლის მშენებლობა მიმდინარე წელს დასრულდება და მისი საერთო ღირებულება 14 მილიონ ლარზე მეტია.

ახალი სასკოლო სივრცე თანამედროვე საგანმანათლებლო სტანდარტების შესაბამისად მოეწყობა და სასწავლო პროცესისთვის საჭირო ინფრასტრუქტურას გააერთიანებს“, - აღნიშნულია გავრცელებულ ინფორმაციაში.