ჯორჯიან უოთერ ენდ ფაუერი წყალმომარაგების გასაუმჯობესებლად სარეაბილიტაციო პროექტებს აქტიურად აგრძელებს
ჯორჯიან უოთერ ენდ ფაუერი დიღმის მასივის მე-3 კვარტალში მასშტაბურ სარეაბილიტაციო სამუშაოებს ახორციელებს. პროექტის ფარგლებში სრულად განახლდება როგორც წყალმომარაგების, ასევე წყალარინების ინფრასტრუქტურა, რაც ადგილობრივ მოსახლეობას მნიშვნელოვნად გაუუმჯობესებს მომსახურების ხარისხს.
სამუშაოების მიმდინარეობას დღეს ადგილზე ჯივიპის ტექნიკურ დირექტორთან, გიგა ნადირაძესთან ერთად დავით გელოვანი, დიდუბის რაიონის გამგებელი და შოთა ქევხიშვილი, თბილისის საკრებულოს დიღმის მასივის მაჟორიტარი დეპუტატი გაეცნენ.
სარეაბილიტაციო სამუშაოები მოიცავს წყალმომარაგების ქსელის 390 მეტრი სიგრძის მონაკვეთის სრულ შეცვლას. პროექტის ფარგლებში ახალ ქსელზე დამონტაჟდება 3 ერთეული სახანძრო ჰიდრანტი და მოეწყობა 22 ერთეული საკვანძო ჭა, რაც სისტემის გამართულ მუშაობასა და სტაბილურ წყალმომარაგებას უზრუნველყოფს.
ამასთან, სრულად განახლდება წყალარინების ქსელის 420 მეტრი სიგრძის მონაკვეთი და 14 ერთეული წყალარინების ჭა მოეწყობა. განახლებული ინფრასტრუქტურა მნიშვნელოვნად შეამცირებს ქსელის დაზიანების რისკს და უზრუნველყოფს სისტემის გამართულ ფუნქციონირებას.
სარეაბილიტაციო სამუშაოები ჯივიპიმ 2026 წლის 27 იანვარს დაიწყო და მარტის ბოლოს დაასრულებს. პროექტის ჯამური ინვესტიცია 650,000 ლარს შეადგენს.
სარეაბილიტაციო სამუშაოების დასრულების შედეგად დიღმის მასივის მე-3 კვარტლის აბონენტებს წყალმომარაგება მნიშვნელოვნად გაუმჯობესდება.
დღის ტოპ 10 სიახლე
სხვა სიახლეები
ჯორჯიან უოთერ ენდ ფაუერი განცხადებას ავრცელებს
05.08.2026.22:29
გაცნობებთ, რომ ქვეყნის მასშტაბით ელექტროენერგიის მიწოდების შეწყვეტის გამო, ჯორჯიან უოთერ ენდ ფაუერის სატუმბო სადგურების მუშაობა ავტომატურად შეჩერდა.
აღნიშნულის შედეგად, თბილისისა და რუსთავის მოსახლეობის ნაწილს წყალმომარაგება დროებით შეეზღუდა.
კომპანიის ტექნიკური ჯგუფები საგანგებო რეჟიმში მუშაობენ. წყალმომარაგება ეტაპობრივად აღდგება ჯივიპის სატუმბო სადგურებზე ელექტროენერგიის მიწოდებისთანავე.
უახლოეს დროში ელექტროენერგიის მიწოდება მთელი ქვეყნის მასშტაბით აღდგება - საქართველოს სახელმწიფო ელექტროსისტემა
05.08.2026.21:49
სახელმწიფო უსაფრთხოების დეპარტამენტმა საქართველოს სახელმწიფო ინტერესების საზიანოდ საბოტაჟის მუხლით გამოძიება დაიწყო
05.08.2026.21:28
საქართველოს შავი ზღვის სანაპირო ზონის სივრცის დაგეგმარების გეგმის პროექტის ფარგლებში მრავალსექტორული შეხვედრები შედგა
05.08.2026.18:00
