კონფლიქტის ფონზე, გლობალური მონეტარული პოლიტიკა უფრო ხისტი გახდა - TBC Capital
TBC Capital-ი განახლებულ პუბლიკაციას ,,მაკრო, ნედლეულისა და სავალუტო ბაზრების მიმოხილვა“-ს აქვეყნებს.
,კონფლიქტის ფონზე, გლობალური მონეტარული პოლიტიკა უფრო ხისტი გახდა. გლობალური ცენტრალური ბანკები სულ უფრო მეტად ფოკუსირდებიან ენერგომატარებლების გაძვირებით გამოწვეულ საფასო წნეხზე. საერთო ჯამში, წამყვან ეკონომიკებში განაკვეთების შემცირების ალბათობა საგრძნობლად დაეცა.
გლობალური მაკრომონაცემები არაერთგვაროვან, თუმცა სულ უფრო მყიფე სურათს ასახავს. აშშ-ის ეკონომიკა, მყარი მოხმარებისა და მომსახურების სექტორის წყალობით, მედეგობას ინარჩუნებს; დიდმა ბრიტანეთმა წელი სტაბილურად დაიწყო, თუმცა იქ სამომხმარებლო განწყობები უარესდება. მათგან განსხვავებით, ევროზონა ენერგეტიკული შოკისა და სტაგფლაციის რისკების წინაშე დგას, ჩინეთის ეკონომიკური აღდგენა ტალღოვანია, იაპონია კი სარგებელს კვლავ ძლიერი შიდა მოთხოვნისა და ხელფასების მატებისგან იღებს.
სასაქონლო და სავალუტო ბაზრებზე კვლავ უდიდეს გავლენას ახდენს ახლო აღმოსავლეთის კონფლიქტი. ნავთობის ბაზარზე ჭარბი მიწოდება რეალურმა დეფიციტმა შეცვალა; ოქრო ინარჩუნებს პოზიციებს, როგორც გეოპოლიტიკური მზღვეველი, ხოლო ინდუსტრიული ლითონები მიწოდების ჯაჭვის შეფერხებებსა და შესუსტებულ მოთხოვნას შორის ბალანსირებს. სავალუტო ბაზარზე კი დოლარის გამყარების პერსპექტივა EUR/USD და GBP/USD წყვილებზე წნეხს აძლიერებს”, - წერს TBC Capital-ი.
დღის ტოპ 10 სიახლე
სხვა სიახლეები
მერიის დაფინანსებით მოსახლეობას საშუალება ექნება ფილტვის კიბოს სკრინინგი უფასოდ ჩაიტაროს -
ბექა მიქაუტაძე
29.05.2026.16:17
თბილისის საკრებულოში ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ, დღეს გამართულ საკრებულოს სხდომაზე განცხადება გააკეთა. მისი თქმით, ახალი პროგრამის ფარგლებში, რომელსაც თბილისის მერია სრულად აფინანსებს, მოსახლეობას საშუალება ექნება სხვადასხვა კლინიკაში ფილტვის კიბოს სკრინინგი ჩაიტაროს.
„მინდა მოვუწოდო მოსახლეობას - მწეველებს და არამწეველებს - ყველამ ჩაიტაროს უფასო ფილტვის კიბოს სკრინინგი, რომლებსაც ქალაქ თბილისის მერია აფინანსებს. პროგრამის ფარგლებში ამ მომსახურებას უამრავი კლინიკა გვთავაზობს. არაერთი კლინიკა მეც დამიკავშირდა და მოხარული ვარ, რომ ისინი აქტიურად არიან ჩართულები. მინდა მოგიწოდოთ ყველას, რომ ისარგებლოთ იმ სიკეთით, რომელსაც ქალაქ თბილისის მერია გთავაზობთ“, - განაცხადა ბექა მიქაუტაძემ.
როგორც ბექა მიქაუტაძემ საკრებულოს სხდომაზე აღნიშნა, პროექტის ფარგლებში იძულებით გადაადგილებული პირის სტატუსის მქონე პირებს, რომლებსაც რეგისტრირებულ მისამართად დაფიქსირებული აქვთ ქალაქი თბილისი, ასევე ექნებათ წვდომა ისეთ მნიშვნელოვან სერვისზე, როგორიც არის ფილტვის კიბოს სკრინინგი.
