Maersk-ის განცხადებით, ენერგოკრიზისი გაგრძელდება მაშინაც კი, თუ მიმდინარე კონფლიქტის ფარგლებში სამშვიდობო შეთანხმება შედგება
სატრანსპორტო ჯგუფმა Maersk-მა განაცხადა, რომ მიმდინარე კონფლიქტმა საწვავის ხარჯები თვეში დაახლოებით 500 მილიონი დოლარით გაზარდა და ენერგოკრიზისი გაგრძელდება მაშინაც კი, თუ სამშვიდობო შეთანხმება შედგება. ამ ფონზე კომპანიის აქციების ღირებულება დაახლოებით 7%-ით შემცირდა.
მიუხედავად იმისა, რომ ტვირთების მოცულობა შედარებით სტაბილურ დონეზე ნარჩუნდება, მზარდი ენერგეტიკული ხარჯები მოგების მარჟებს მნიშვნელოვნად ამცირებს. კომპანიის აღმასრულებელმა დირექტორმა აღნიშნა, რომ რაც უფრო დიდხანს გაგრძელდება კონფლიქტი, მით უფრო იზრდება რისკი, რომ ინფლაციამ შეამციროს მომხმარებელთა მოთხოვნა, რაც ბოლო პერიოდში საზღვაო გადაზიდვების ბაზარს ამოძრავებდა.
Maersk-ის თქმით, ამ დრომდე კომპანიამ შეძლო გაზრდილი ხარჯების სრულად გადატანა მომხმარებლებზე როგორც კონტრაქტების გადახედვით, ისე სპოტ-ფასების ზრდით.
დღის ტოპ 10 სიახლე
სხვა სიახლეები
ლაშა ხუციშვილი საინვესტიციო ბანკ Nomura-ს მმართველ და აღმასრულებელ დირექტორებს შეხვდა
05.06.2026.17:19
გაერთიანებულ სამეფოში, ქ. ლონდონში მიმდინარე სამუშაო ვიზიტის ფარგლებში, ფინანსთა მინისტრი ლაშა ხუციშვილი შეხვდა საინვესტიციო ბანკ Nomura-ს მმართველ დირექტორებს - დაისუკე მიაზაკისა და მორვენ ჯოუნს, ასევე აღმასრულებელ დირექტორებს - ანვაი ბორვანკარსდა საორი ტანაკას.
ყურადღება გამახვილდა ფასიანი ქაღალდების ბაზრის შემდგომი განვითარებისა და საერთაშორისო ინვესტორების დაინტერესების მიზნით, საქართველოს მთავრობის მიერ გადადგმულ ნაბიჯებზე, ხაზი გაესვა ამ მიმართულებით აზიური კაპიტალის ბაზრის ათვისების შესაძლებლობებს.
ფინანსთა მინისტრმა საინვესტიციო ბანკ Nomura-ს მმართველ და აღმასრულებელ დირექტორებს გააცნო ქვეყნის მაკროეკონომიკური და ფისკალური პარამეტრები და საშუალოვადიანი პროგნოზები.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე და საქართველოს საგანგებო და სრულუფლებიანი ელჩი დიდი ბრიტანეთისა და ჩრდილოეთ ირლანდიის გაერთიანებულ სამეფოში ილია დარჩიაშვილი.
ინფორმაციას ფინანსთა სამინისტრო ავრცელებს.
ლაშა ხუციშვილი საინვესტიციო ბანკ ICBC Standard Bank-ის გენერალურ დირექტორს, გაო ჩონგს შეხვდა
05.06.2026.16:56
განახლებული საგადახდო სისტემით მომდევნო რეფორმებისთვის მყარი ტექნოლოგიური საფუძველი შეიქმნა - ნატალია ჭყოიძე
05.06.2026.14:57
დავით ნარმანიამ მოდერატორობა გაუწია თბილისის მდგრადი განვითარების XVI რეგიონული ფორუმის პანელურ სესიას ენერგეტიკის შესახებ
05.06.2026.14:43
გარემოს დაცვის საერთაშორისო დღე კომპანია „კოკა-კოლა ბოთლერს ჯორჯიამ“ ბათუმში დასუფთავების აქციით აღნიშნა
05.06.2026.14:18
გაზრდილი მგზავრთნაკადის გამო, საქართველოს რკინიგზა 16 ივნისიდან თბილისი-ბათუმი-თბილისის მიმართულებით რეისებს ამატებს
05.06.2026.13:54
