მიმართულებები, რომლებიც 2025 წელს ზარალიანი იყო, დღეს უკვე შემოსავლის გენერირების ფაზაშია - „საქართველოს ფოსტის" გენერალური დირექტორი
„საქართველოს ფოსტაში" 2025 წელს წამგებიანი მიმართულებები უკვე შემოსავლის გენერირების ეტაპზე გადავიდა, - ამის შესახებ გიორგი ერაძემ განაცხადა. მისი განმარტებით, მიმდინარე წელს კრედიტორული დავალიანება 5 მილიონი ლარით შემცირდა და მისი სრულად დაფარვა წლის ბოლომდე იგეგმება. გარდა ამისა, 2026 წელს საქართველოს ფოსტა ბოლო ხუთი წლის განმავლობაში პირველად ემზადება მოგებაზე გასასვლელად.
„ბოლო 7 თვის განმავლობაში განხორციელებული ცვლილებები მიზნად ისახავდა საოპერაციო ეფექტურობის გაზრდას, ფინანსური სტაბილურობის აღდგენას და კომპანიის მდგრად განვითარებაზე გადასვლას. შუამავლური მოდელიდან ეტაპობრივად ბრუნდება ბიზნესპროცესები „საქართველოს ფოსტაში." 2025 წელს წამგებიანი მიმართულებები ამ ეტაპზე უკვე შემოსავლის გენერირების ფაზაშია. იგეგმება საერთაშორისო ლოგისტიკის განვითარება, ახალი ჰაბების და ხელმისაწვდომობის ხაზების გაფართოება. საქართველოს ფოსტის საჰაერო ტერმინალი აღდგენილია, გაფორმებულია ხელშეკრულებები ავიაკომპანიებთან, რამაც დაზოგა სატერმინალო მომსახურების გადასახადი და ასევე შეამცირა სატრანზიტო ვადები", - აღნიშნა „საქართველოს ფოსტის" გენერალურმა დირექტორმა.
მისივე განმარტებით, „საქართველოს ფოსტის" ხარჯების ოპტიმიზაციის მიხედვით დაზოგილმა თანხამ, წლის ჭრილში, 23.4 მილიონი ლარი შეადგინოს.
აღსანიშნავია, რომ „საქართველოს ფოსტა," რომელმაც შარშანდელი წელი 7 მილიონი ლარის ზარალით დახურა, პირველად გავა მოგებაზე და გახდება მომგებიანი სახელმწიფო კომპანია.
დღის ტოპ 10 სიახლე
სხვა სიახლეები
ლაშა ხუციშვილი საინვესტიციო ბანკ Nomura-ს მმართველ და აღმასრულებელ დირექტორებს შეხვდა
05.06.2026.17:19
გაერთიანებულ სამეფოში, ქ. ლონდონში მიმდინარე სამუშაო ვიზიტის ფარგლებში, ფინანსთა მინისტრი ლაშა ხუციშვილი შეხვდა საინვესტიციო ბანკ Nomura-ს მმართველ დირექტორებს - დაისუკე მიაზაკისა და მორვენ ჯოუნს, ასევე აღმასრულებელ დირექტორებს - ანვაი ბორვანკარსდა საორი ტანაკას.
ყურადღება გამახვილდა ფასიანი ქაღალდების ბაზრის შემდგომი განვითარებისა და საერთაშორისო ინვესტორების დაინტერესების მიზნით, საქართველოს მთავრობის მიერ გადადგმულ ნაბიჯებზე, ხაზი გაესვა ამ მიმართულებით აზიური კაპიტალის ბაზრის ათვისების შესაძლებლობებს.
ფინანსთა მინისტრმა საინვესტიციო ბანკ Nomura-ს მმართველ და აღმასრულებელ დირექტორებს გააცნო ქვეყნის მაკროეკონომიკური და ფისკალური პარამეტრები და საშუალოვადიანი პროგნოზები.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე და საქართველოს საგანგებო და სრულუფლებიანი ელჩი დიდი ბრიტანეთისა და ჩრდილოეთ ირლანდიის გაერთიანებულ სამეფოში ილია დარჩიაშვილი.
ინფორმაციას ფინანსთა სამინისტრო ავრცელებს.
ლაშა ხუციშვილი საინვესტიციო ბანკ ICBC Standard Bank-ის გენერალურ დირექტორს, გაო ჩონგს შეხვდა
05.06.2026.16:56
განახლებული საგადახდო სისტემით მომდევნო რეფორმებისთვის მყარი ტექნოლოგიური საფუძველი შეიქმნა - ნატალია ჭყოიძე
05.06.2026.14:57
დავით ნარმანიამ მოდერატორობა გაუწია თბილისის მდგრადი განვითარების XVI რეგიონული ფორუმის პანელურ სესიას ენერგეტიკის შესახებ
05.06.2026.14:43
გარემოს დაცვის საერთაშორისო დღე კომპანია „კოკა-კოლა ბოთლერს ჯორჯიამ“ ბათუმში დასუფთავების აქციით აღნიშნა
05.06.2026.14:18
გაზრდილი მგზავრთნაკადის გამო, საქართველოს რკინიგზა 16 ივნისიდან თბილისი-ბათუმი-თბილისის მიმართულებით რეისებს ამატებს
05.06.2026.13:54
