მიმდინარე კონფლიქტის გავლენის გადმოცემა ჯერჯერობით შეზღუდულია საბანკო სექტორზე, ეროვნულ ვალუტასა და ეკონომიკურ ზრდაზე - Fitch Ratings
Fitch Ratings-მა გადახედა ბაზისბანკის პერსპექტივას სტაბილურიდან პოზიტიურისკენ და დაადასტურა გრძელვადიანი ემიტენტის დეფოლტის რეიტინგი (IDR) „B+“-ზე.
რეიტინგის ცვლილება უკავშირდება ბაზისბანკის მიერ ლიბერთი ბანკის 96%-იანი წილის შეძენას, რომლის სრულ ინტეგრაციასაც ჯგუფი 2026 წლის ბოლოსთვის გეგმავს. აღნიშნული ტრანზაქცია ძირითადად დაფინანსებულია აქციონერების მიერ მოზიდული სახსრებით.
პერსპექტივის პოზიტიურად გადახედვა ასახავს Fitch-ის შეფასებას, რომ აღნიშნულმა შესყიდვამ საშუალოვადიან პერიოდში შესაძლოა დადებითი გავლენა მოახდინოს ბაზისის კონსოლიდირებულ ჯგუფზე, რაც განპირობებულია ბიზნესის მასშტაბის მნიშვნელოვნი ზრდით, კონკურენტული პოზიციის გაძლიერებით და დივერსიფიკაციის გაუმჯობესებით.
Fitch-ის შეფასებით შიდა ეკონომიკური პირობების სიძლიერე კვლავაც დადებითად აისახება ბანკების მაჩვენებლებზე. მიგრანტების მნიშვნელოვანი როლი, ინფორმაციული და საკომუნიკაციო ტექნოლოგიების და ტურიზმის სექტორების ძლიერი განვითარება, ასევე საქართველოს გაზრდილი როლი სატრანზიტო ვაჭრობაში, 2022–2024 წლებში რეალური მშპ-ის საშუალო ზრდას 9.5%-მდე ზრდიდა.
"2025 წელს ეკონომიკური ზრდა 7.5% იყო, ხოლო Fitch-ის პროგნოზით, 2026–2027 წლებში საშუალო ზრდა 5%-ის ფარგლებში იქნება. ირანთან კონფლიქტის გავლენა ჯერჯერობით შეზღუდულია საბანკო სექტორზე, ეროვნულ ვალუტასა და ეკონომიკურ ზრდაზე.
ლობდერთი ბანკის (სექტორის აქტივების 5.6% 2025 წლის ბოლოსთვის) შეძენა ბაზისის მიერ (4.5%) მნიშვნელოვნად - ორჯერ მეტად ზრდის კონსოლიდირებული ჯგუფის ზომას და მას საბანკო სექტორში მესამე უმსხვილეს ჯგუფად აქცევს. აღნიშნული შესყიდვა ასევე გააძლიერებს ბანკის კონკურენტულ პოზიციას და დივერსიფიკაციას " , - აღნიშნულია ანგარიშში.
დღის ტოპ 10 სიახლე
სხვა სიახლეები
საზღვაო ტრანსპორტის სააგენტოში საკადრო ოპტიმიზაცია განხორციელდა, აქ დანაზოგმა შეადგინა 250 000 ლარი, გაციფრულდა სახელმწიფო სერვისები, რის შედეგადაც გემების მიღების პროცედურები 24 საათიდან შემცირდა 1 საათამდე - ირაკლი კობახიძე
26.06.2026.13:15
საზღვაო ტრანსპორტის სააგენტოში საკადრო ოპტიმიზაცია განხორციელდა, აქ დანაზოგმა შეადგინა 250 000 ლარი, - ამის შესახებ საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.
როგორც მთავრობის მეთაურმა აღნიშნა, სტრუქტურული ოპტიმიზაციის და ტარიფების ცვლილების შედეგად, შემოსავალი გაიზარდა 47%-ით - 9.4 მილიონი ლარიდან 13.8 მილიონ ლარამდე.
„გაციფრულდა სახელმწიფო სერვისები, რის შედეგადაც გემების მიღების პროცედურები 24 საათიდან შემცირდა 1 საათამდე. დაიწყო მსხვილტონაჟიანი ტანკერების მიღებაც. საზღვაო ნავსადგურებსა და ტერმინალებში გადამუშავებული ტვირთების რაოდენობა გაიზარდა 7%-ით გასული საანგარიშო წლის განმავლობაში. საზღვაო ნავსადგურებში გატარებული კონტეინერების რაოდენობა გაიზარდა 17%-ით. 30%-ით გაიზარდა საბორნე გადაზიდვები საქართველოს ნავსადგურებში და 540 000 ტონას გადააჭარბა. გუშინ ჩვენ დავაანონსეთ ძალიან მნიშვნელოვანი პროექტის დაწყება - ფოთში შენდება ახალი ნავმისადგომი ამერიკული საფინანსო ინსტიტუტის მხარდაჭერით", - განაცხადა ირაკლი კობახიძემ.
„პიანო ფესტის“ დასკვნითი კონცერტის გამო 27-29 ივნისს ორბელიანის მოედნის მიმდებარედ გადაადგილება დროებით შეიზღუდება
26.06.2026.12:12
ჩვენ აქტიურად ვმუშაობთ, რომ საჯარო სერვისების მიღება ხელმისაწვდომი გახდეს მობილური ტელეფონით - ბექა ძამაშვილი
26.06.2026.10:25
ჩვენი მიზანია, ისეთი მარეგულირებელი ჩარჩოს შექმნა,
რომელიც ინოვაციური პროდუქტებისა
და მომსახურებების უსაფრთხო განვითარებას
უზრუნველყოფს - ნათია თურნავა
25.06.2026.19:27
პარლამენტმა „ლატარიების, აზარტული და მომგებიანი თამაშობების მოწყობის შესახებ" კანონში ცვლილებებს მხარი დაუჭირა
25.06.2026.18:41
ციურიხში გამართულ საერთაშორისო ფორუმზე ნათია თურნავამ სებ-ის მიერ განხორციელებული ინოვაციური ფინანსური ეკოსისტემის რეფორმებზე ისაუბრა
25.06.2026.17:45
