მთის კურორტებზე ზამთრის სეზონი 20 დეკემბერს გაიხსნება
ეკონომიკისა და მდგრადი განვითარების სამინისტროს „მთის ტრასების სააგენტო“ (MTA) 2026-2027 წლის ზამთრის სეზონს ოფიციალურად 20 დეკემბერს გახსნის. სეზონი გუდაურში, ბაკურიანში, გოდერძისა და მესტიაში ერთდროულად დაიწყება.
ზამთრის სეზონს გუდაური ახალი ინფრასტრუქტურით შეხვდება. მშენებლობის სამუშაოები კურორტზე აქტიურ რეჟიმში მიმდინარეობს. სნოუპარკის არეალში, ორი ახალი ბიგელის ტიპის საბაგირო შენდება, რომელთა საერთო სიგრძე 1 400 მეტრია. ასევე მოეწყობა 200-მეტრიანი გადახურული მოძრავი ხალიჩა. ამორტიზებული საბაგიროების - „ხადასა“ და „სნოუპარკის“ - დემონტაჟი უკვე დასრულებულია. სამუშაოებს ავსტრიულ-შვეიცარიული კომპანია „დოპელმაიერ-გარავენტა ჯგუფი“ ახორციელებს.
პარალელურად მიმდინარეობს ორი ახალი სასრიალო ტრასის - „კობი 3-ისა“ და „ტატრა 3-ის“ - მოწყობა. მათი საერთო სიგრძე 6 კილომეტრია. პროექტის დასრულების შემდეგ გუდაურის სასრიალო ტრასების ჯამური სიგრძე 86 კილომეტრამდე გაიზრდება.
„სოლიკოსა“ და „კიკილოს“ ტრასებზე დაწყებულია ხელოვნური გათოვლიანების სისტემის მოწყობის სამუშაოები, რომლებიც ჯამში 7 500 მეტრის სიგრძის მონაკვეთს მოიცავს. დაგეგმილია „ახალი გუდაურას“ ტრასის განათებაც, რაც ღამის სრიალის შესაძლებლობას შექმნის. სამუშაოები დეკემბერში დასრულდება.
დღის ტოპ 10 სიახლე
სხვა სიახლეები
მთის კურორტებზე ზამთრის სეზონი 20 დეკემბერს გაიხსნება
09.10.2026.14:43
ეკონომიკისა და მდგრადი განვითარების სამინისტროს „მთის ტრასების სააგენტო“ (MTA) 2026-2027 წლის ზამთრის სეზონს ოფიციალურად 20 დეკემბერს გახსნის. სეზონი გუდაურში, ბაკურიანში, გოდერძისა და მესტიაში ერთდროულად დაიწყება.
ზამთრის სეზონს გუდაური ახალი ინფრასტრუქტურით შეხვდება. მშენებლობის სამუშაოები კურორტზე აქტიურ რეჟიმში მიმდინარეობს. სნოუპარკის არეალში, ორი ახალი ბიგელის ტიპის საბაგირო შენდება, რომელთა საერთო სიგრძე 1 400 მეტრია. ასევე მოეწყობა 200-მეტრიანი გადახურული მოძრავი ხალიჩა. ამორტიზებული საბაგიროების - „ხადასა“ და „სნოუპარკის“ - დემონტაჟი უკვე დასრულებულია. სამუშაოებს ავსტრიულ-შვეიცარიული კომპანია „დოპელმაიერ-გარავენტა ჯგუფი“ ახორციელებს.
პარალელურად მიმდინარეობს ორი ახალი სასრიალო ტრასის - „კობი 3-ისა“ და „ტატრა 3-ის“ - მოწყობა. მათი საერთო სიგრძე 6 კილომეტრია. პროექტის დასრულების შემდეგ გუდაურის სასრიალო ტრასების ჯამური სიგრძე 86 კილომეტრამდე გაიზრდება.
„სოლიკოსა“ და „კიკილოს“ ტრასებზე დაწყებულია ხელოვნური გათოვლიანების სისტემის მოწყობის სამუშაოები, რომლებიც ჯამში 7 500 მეტრის სიგრძის მონაკვეთს მოიცავს. დაგეგმილია „ახალი გუდაურას“ ტრასის განათებაც, რაც ღამის სრიალის შესაძლებლობას შექმნის. სამუშაოები დეკემბერში დასრულდება.
ComCom-ის თავმჯდომარე გოგა გულორდავა „ჰუავეის“ რეგიონულ თავმჯდომარეს, ჯანგ სიუგუის შეხვდა
09.10.2026.12:56
წლევანდელი რთველი გამოირჩევა რაოდენობრივი და ხარისხობრივი მაჩვენებლებით - დავით სონღულაშვილი
09.10.2026.11:22
მოტივაცია გავაჩინეთ, რომ მევენახემ რაც შეიძლება მაღალი ხარისხის ყურძენი მოიყვანოს - დავით სონღულაშვილი
09.10.2026.11:20
სებ-ის საბჭო უახლოეს სხდომაზე განიხილავს ნანა ყეინიშვილის დროებით აცილების საკითხს ეროვნული ბანკის საბჭოს სხდომებიდან - განცხადება
09.10.2026.10:49
გრიგოლეთი-შეკვეთილი-ქობულეთი-ჩაქვი-მახინჯაურის გზაზე პერიოდული შეკეთების სამუშაოები მიმდინარეობს
09.10.2026.10:45
კონკურენციის სააგენტომ მნიშვნელოვანი გადაწყვეტილება მიიღო ჩატბოტების გამოყენებასთან დაკავშირებით - ვახტანგ შურღაია
09.10.2026.10:30
