მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

მუნიციპალიტეტებში იქმნება რეალურად საჭირო და მნიშვნელოვანი პროექტები, რომელთა შედეგებს ადამიანები საკუთარ ყოველდღიურ ცხოვრებაში ხედავენ - ზურაბ აბაშიძე

news image
mbc image

თბილისის მუნიციპალიტეტის საკრებულოს თავმჯდომარე ზურაბ აბაშიძე საქართველოს ადგილობრივ თვითმმართველობათა ეროვნული ასოციაციის, გაეროს ბავშვთა ფონდის და სსიპ ახალგაზრდობის სააგენტოსთან თანამშრომლობით გამართულ საუკეთესო პრაქტიკის პროგრამის (BPP) კონკურსის რიგით მერვე ეროვნულ კონფერენციას დაესწრო, რომლის ფარგლებშიც მოხდა წარმატებული მუნიციპალური პროექტების გამოვლენა და დაჯილდოება.

კონფერენცია ა.თ.ე.ა-ს აღმასრულებელმა დირექტორმა ნინო რუხაძემ სრულიად საქართველოს კათოლიკოს-პატრიარქის, უწმინდესის და უნეტარესის, ილია მეორის, ხსოვნის პატივსაცემად წუთიერი დუმილით გახსნა. ნინო რუხაძემ სიტყვით გამოსვლისას ყურადღება გაამახვილა პროგრამის რვაწლიან შედეგებზე და აღნიშნა, რომ საუკეთესო პრაქტიკის გაზიარების კულტურა მუნიციპალიტეტებში სერვისების გაუმჯობესების ერთ-ერთ მთავარ საფუძვლად იქცა. აგრეთვე მან დამსწრე საზოგადოებას ასოციაციის მიმდინარე საქმიანობა და სამომავლო გეგმები გააცნო, რომლებიც თვითმმართველობების კიდევ უფრო გაძლიერებასა და საერთაშორისო სტანდარტებთან დაახლოებას ემსახურება.
ღონისძიებაზე დამსწრე საზოგადოებას სიტყვით თბილისის საკრებულოს თავმჯდომარემ, ზურაბ აბაშიძემ, მიმართა:

„მადლობა მინდა გადავუხადო ექსპერტებსა და კომიტეტის წევრებს, რომლებიც ამ სტანდარტს ინარჩუნებენ. ყველაზე მთავარი კი ის არის, რომ მუნიციპალიტეტებში იქმნება რეალურად საჭირო და მნიშვნელოვანი პროექტები, რომელთა შედეგებს ადამიანები საკუთარ ყოველდღიურ ცხოვრებაში ხედავენ. სწორედ ეს ზრდის ნდობას ადგილობრივი თვითმმართველობის მიმართ. ხშირად, როდესაც მუნიციპალური სერვისები კარგად მუშაობს, ისინი თითქმის უხილავია, ასევე შეუმჩნეველი გვრჩებიან ის ადამიანები, რომლებიც ამ სერვისებს ქმნიან. ეს პროგრამა კი გვაძლევს საშუალებას, სწორედ ასეთ ადამიანებს გადავუხადოთ მადლობა და წარმატება ვუსურვოთ ჩვენი სამშობლოს სამსახურში“, - განაცხადა ზურაბ აბაშიძემ.

2025 წლის კონკურსზე წარმატებულ პრაქტიკად 14 პროექტი დასახელდა. თბილისის საკრებულოს თავმჯდომარემ და ა.თ.ე.ა-ს პირველმა ვიცე-პრეზიდენტმა ზურაბ აბაშიძემ ჯილდოები ქ. რუსთავის მუნიციპალიტეტის მერს - ნინო ლაცაბიძეს და ქუთაისის მუნიციპალიტეტის მერს - დავით ერემეიშვილს - გადასცა. ღონისძიების ფარგლებში სპეციალური ჯილდოები გადაეცათ ქ. რუსთავის, ხაშურის, სენაკის, ტყიბულის, ქ. ფოთის, ბაღდათის, დმანისის, ზესტაფონის, ყაზბეგისა და ქ. ქუთაისის მუნიციპალიტეტების პირველ პირებს. ღონისძიებაზე ასევე დაჯილდოვდნენ თვითმმართველი ერთეულების მერიების თანამშრომლები, რომლებმაც უშუალოდ მიიღეს მონაწილეობა საკონკურსო განაცხადის შედგენაში.

კონფერენციის დასკვნითი ნაწილი პანელურ დისკუსიებს დაეთმო, სადაც ქართველმა და უცხოელმა ექსპერტებმა მუნიციპალიტეტების წარმომადგენლებთან ერთად ინტერმუნიციპალურ თანამშრომლობასა და ბავშვთა დაცვის პროგრამებზე იმსჯელეს.

ღონისძიებას ცენტრალური და აღმასრულებელი ხელისუფლების, ასევე არასამთავრობო სექტორისა და საერთაშორისო ორგანიზაციების წარმომადგენლები, საქართველოს მუნიციპალიტეტების პირველი პირები და საჯარო მოხელეები ესწრებოდნენ.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

საზოგადოება
image 24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება - საქართველოს გაზის ტრანსპორტირების კომპანია

22.11.2026.12:50

საქართველოს გაზის ტრანსპორტირების კომპანია განცხადებას ავრცლეებს, რომელსაც Business Insider Georgia უცვლელად გთავაზობთ: ,,24-25 ნოემბერს დასავლეთ საქართველოს მიმართულებით ბუნებრივი გაზის უსაფრთხო და უწყვეტი ტრანსპორტირების უზრუნველსაყოფად, მაგისტრალურ გაზსადენზე მასშტაბური ტექნიკური სამუშაოები განხორციელდება.
საგურამო-ქუთაისის მაგისტრალური გაზსადენის 33.8 - 54.0 კმ-ებს შორის მონაკვეთზე დაგეგმილია ახლადაშენებული 20 კილომეტრიანი მილსადენის მოქმედ მაგისტრალურ მილსადენში მიერთების ( შეჭრის) სამუშაოები, რის გამოც 2026 წლის 24 ნოემბრის 04:00 საათიდან 25 ნოემბრის 10:00 საათამდე, ბუნებრივი აირის მიწოდება შეუწყდებათ აღმოსავლეთ საქართველოს შემდეგი მუნიციპალიტეტებისა და მათ შემადგენლობაში შემავალი სოფლების მომხმარებლებს: კასპის, გორის, ქარელის, ხაშურისა და ბორჯომის მუნიციპალიტეტებს, ასევე დაბა ბაკურიანის მომხმარებლებს.
ამასთან, ბუნებრივი გაზის მიწოდება შეუწყდებათ დასავლეთ საქართველოს მიმართულებით მდებარე ყველა მუნიციპალიტეტის ქალაქებისა და სოფლების მომხმარებლებს, კერძოდ: საჩხერის, ჭიათურის, ხარაგაულის, ზესტაფონის, ამბროლაურის, ქუთაისის, წყალტუბოს, ბაღდათის, სამტრედიის, აბაშის, სენაკის, ხობის, ზუგდიდის, წალენჯიხის, ფოთის, ლანჩხუთის, ჩოხატაურისა და ოზურგეთის მუნიციპალიტეტებს, აგრეთვე აჭარის რეგიონს.
გარდა ამისა, საზოგადოების წინასწარი ინფორმირების მიზნით აღვნიშნავთ, რომ 2026 წლის ბოლომდე დაგეგმილია აღმოსავლეთ-დასავლეთის მაგისტრალური გაზსადენის ქობულეთის განშტოების ახლადაშენებული 25-კილომეტრიანი მონაკვეთის მოქმედ ქსელთან მიერთების მასშტაბური სამუშაოები, რაც აუცილებელ ტექნიკურ ღონისძიებებს საჭიროებს. აღნიშნული სამუშაოები აჭარის რეგიონში უწყვეტ გაზმომარაგებას უზრუნველყოფს.
სამუშაოების დასრულება ხელს შეუწყობს დასავლეთ საქართველოს მიმართულებით ბუნებრივი გაზის უსაფრთხო და სტაბილურ მიწოდებას, გაზსადენის ინფრასტრუქტურის კიდევ უფრო გაუმჯობესებას, რის შედეგადაც მაგისტრალურ მილსადენზე ავარიული გათიშვების რისკები ფაქტობრივად განულდება. მილსადენები, საქართველოს ნავთობისა და გაზის კორპორაციამ თანამედროვე ტექნოლოგიებისა და სტანდარტების დაცვით ააშენა. პროექტები გაზის სატრანსპორტო ინფრასტრუქტურის განახლებისა და მოდერნიზაციის მნიშვნელოვანი ნაწილია. მათი მიზანი ქსელის საიმედოობისა და უსაფრთხოების გაზრდა და მეტი დასახლების გაზიფიცირების ხელშეწყობაა.
მსგავსი მასშტაბისა და ტექნიკური სირთულის პროექტების განხორციელება მხოლოდ სამშენებლო სამუშაოების შესრულებას არ გულისხმობს. პროცესს წინ უძღვის კომპლექსური ტექნიკური მომზადება, საინჟინრო გადაწყვეტების დამუშავება და შესაბამისი საპროექტო და ტექნიკური დოკუმენტაციის მომზადება, ასევე სხვადასხვა საორგანიზაციო და უსაფრთხოების საკითხის უზრუნველყოფა. შესაბამისად, სამუშაოების თარიღი განისაზღვრა აუცილებელი ტექნიკური და მოსამზადებელი პროცესების გათვალისწინებით. ამასთან, გადაწყვეტილების მიღებისას მნიშვნელოვანი ფაქტორი იყო 24 ნოემბრის მეტეოროლოგიური პირობებიც, რათა გაზმომარაგების დროებითი შეზღუდვის პერიოდში მოსახლეობისთვის შესაძლო დისკომფორტი მაქსიმალურად შემცირდეს.
სამუშაოების დასრულების შემდეგ, 25 ნოემბრის 10:00 საათიდან, ბუნებრივი გაზის მიწოდება ეტაპობრივად აღუდგებათ გათიშული გაზგამანაწილებელი სადგურების მომხმარებლებს.
ბოდიშს გიხდით შექმნილი დროებითი დისკომფორტისთვის", - აღნიშნულია განცხადებაში. 

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა