OECD-ის წევრი ქვეყნების 2025 წლის მონაცემებთან შედარებით საქართველოს საპენსიო ფონდი რეალური ამონაგების მიხედვით მოწინავე პოზიციებს იკავებს - ამის შესახებ საქართველოს საპენსიო ფონდის საინვესტიციო სამსახურის მთავარმა საინვესტიციო ოფიცრის მოვალეობის შემსრულებელმა ანა ნაჭყებიამ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„OECD-იმ გამოაქვეყნა საპენსიო ფონდების სტატისტიკა 2025 წლის მომგებიანობის შესახებ. ეს სტატისტიკა მოიცავს, როგორც OECD-ის წევრ ქვეყნებს, ისე სხვა ქვეყნებსაც მათ შორის საქართველოსაც. აქ შედიან წამყვანი განვითარებული ქვეყნები როგორც ევროპიდან, ისე განვითარებული ქვეყნები ამერიკის, აზიის, აღმოსავლეთის. მათ შორის, საქართველოს სტატისტიკაც არის მოცემული და აჯამებს 2025 წელს, როგორც ნომინალურ, ისე რეალურ ამონაგებს ჩვენი ტიპის საპრესიო ფონდების. ჩვენ როგორც იცით სამი პორტფელი გვაქვს. ეს არის - დინამიკური, დაბალანსებული და კონსერვატიული, რომლებმაც 2025 წელს განსხვავებული მომგებიანობა აჩვენეს, როგორც რეალური, ისე ნომინალური და როდესაც შევადარეთ და OECD-იმ გამოაქვეყნა ეს მონაცემები, მეოთხე ადგილზე არის ჩვენი დინამიკური პორტფელი რეალური ამონაგებით. დინამიკური პორტფელის რეალურმა ამონაგებმა 2025 წელს შეადგინა 10,8% და ეს ერთ-ერთი საუკეთესო მაჩვენებელია. მოწინავე პოზიციებზე არიან მაგალითად პოლონეთი, ისრაელი, სადაც უფრო მეტი იყო აქციების წილი. ჩვენ როგორც იცით, დინამიკურ პორტფელში დაახლოებით 55% აქტივების არის ინვესტირებული საერთაშორისო აქციებში, დანარჩენი არის ადგილობრივ ბაზარზე და აქციების ბაზრისთვის კი 2025 წელი ძალიან პოზიტიური იყო და შესაბამისად ეს აისახა ამ ქვეყნების მომგებიანობაზე. ათეულში შედის ჩვენი დანარჩენი ორი პორტფელიც. დაბალანსებული და კონსერვატიული პორტფელი. მათი მომგებიანობა შედარებით დაბალი არის. მაგალითად, კონსერვატიული პორტფელის რეალური ამონაგები ინფლაციის გათვალისწინებით დაახლოებით 7% იყო. ამ მაჩვენებლითაც TOP 10-ში შევდივართ და ეს მართლაც საკმაოდ კარგი მიღწევა არის ჩვენი ბონდის და ჩვენი მონაწილეებისთვის“, - აცხადებს ანა ნაჭყებია.