პლასტმასის გამოყენების შემცირების გზებზე სკოლის მოსწავლეებთან საინფორმაციო შეხვედრა გაიმართა
გარემოსდაცვითი ინფორმაციისა და განათლების ცენტრმა თბილისის 71-ე საჯარო სკოლაში გარემოსდაცვით საკითხებზე საინფორმაციო-შემეცნებითი შეხვედრა გამართა, რომელიც პლასტმასის ზემოქმედებასა და მისი გამოყენების შემცირების გზებს დაეთმო. ღონისძიება მიზნად ისახავდა მოსწავლეებში ეკოლოგიური ცნობიერების ამაღლებას და ყოველდღიურ ცხოვრებაში გარემოზე ზრუნვის პრაქტიკული ჩვევების წახალისებას.
შეხვედრა ინტერაქტიულ ფორმატში წარიმართა; დისკუსიის დროს განსაკუთრებული ყურადღება დაეთმო პლასტმასის გარემოში მოხვედრის გზებს, მის ხანგრძლივ დაშლას ბუნებაში და იმ ზიანს, რასაც ის ეკოსისტემებს აყენებს.
მოსწავლეებმა იმსჯელეს იმ ყოველდღიურ ჩვევებზე, რომლებიც პლასტმასის მოხმარების შემცირებას შეუწყობს ხელს. საუბარი შეეხო ალტერნატიულ, ეკოლოგიურად უსაფრთხო მასალებსა და მცირე, მაგრამ მნიშვნელოვან ნაბიჯებს, რომელთა განხორციელებაც თითოეულ ადამიანს შეუძლია გარემოს დაცვის პროცესში.
აღსანიშნავია, რომ მიმდინარე წლის განმავლობაში მთელი ქვეყნის მასშტაბით მსგავსი საინფორმაციო-შემეცნებითი შეხვედრები უკვე 100-მდე სკოლაში ჩატარდა და ეს პროცესი მომავალშიც აქტიურად გაგრძელდება. ინიციატივა მიზნად ისახავს გარემოსდაცვითი ცნობიერების ამაღლებას და ახალგაზრდების აქტიურ ჩართვას ეკოლოგიური პრობლემების მოგვარების პროცესში.
დღის ტოპ 10 სიახლე
სხვა სიახლეები
ბათუმში მასშტაბურ გასტრონომიულ ფესტივალ „გემოფესტზე“ ირაკლი კობახიძე და მარიამ ქვრივიშვილი იმყოფებოდნენ
06.09.2026.21:51
საქართველოს პრემიერ-მინისტრი ირაკლი კობახიძე, ეკონომიკისა და მდგრადი განვითარების მინისტრ მარიამ ქვრივიშვილთან და აჭარის ავტონომიური რესპუბლიკის მთავრობის თავმჯდომარე ზურაბ პატარაძესთან ერთად, ბათუმში, "გემოფესტზე" იმყოფებოდა.
მთავრობის მეთაურმა გასტრონომიული ფესტივალის ფარგლებში მოწყობილი პავილიონები დაათვალიერა, რომელიც სამეწარმეო სივრცეებთან ერთად, აგროზონას, ღვინის, კულინარიულ და საბავშვო სივრცეებს აერთიანებს.
ფესტივალში 20-მდე კომპანია მონაწილეობს, მათ შორის არიან აფხაზეთიდან დევნილი მეწარმეები.
"გემოფესტი" ტურიზმის ეროვნული ადმინისტრაციის ორგანიზებით 2022 წლიდან იმართება და სტუმრებს შესაძლებლობას აძლევს, გაეცნონ საქართველოს სხვადასხვა რეგიონის კულინარიულ ტრადიციებს, დააგემოვნონ როგორც ტრადიციული, ისე იშვიათი და ნაკლებად ცნობილი კერძები, ასევე მონაწილეობა მიიღონ გასართობ ღონისძიებებში.
სხვადასხვა მუნიციპალიტეტში 11 საბავშვო ბაღის მშენებლობისა და რეაბილიტაციისთვის ტენდერები გამოცხადდა
05.09.2026.14:25
ქონების გადასახადის რეფორმა ნაწილი კომპანიების შემთხვევაში გვაქვს ჯერ კიდევ მიმდინარე ეტაპზე - გიორგი კაკაურიძე
04.09.2026.15:01
მივიღეთ გადაწყვეტილება, რომ ქონების გადასახადის რეფორმა ორ ნაწილად გავყოთ - გიორგი კაკაურიძე
04.09.2026.15:00
ფიზიკური პირების ქონების გადასახადის რეფორმის ნაწილში ერთი კვირის განმავლობაში საბოლოო რედაქცია გვექნება და საზოგადოებას წარედგინება - გიორგი კაკაურიძე
04.09.2026.14:55
