ქალაქ კასპისა და სოფლების - იგოეთისა და მრგვალი ჭალის მოსახლეობის 24-საათიანი წყალმომარაგებისთვის სამუშაოები აქტიურად გრძელდება
საქართველოს ინფრასტრუქტურის სამინისტროს გაერთიანებული წყალმომარაგების კომპანია ქალაქ კასპსა და კასპის მუნიციპალიტეტის სოფლებში - იგოეთსა და მრგვალ ჭალაში წყალმომარაგების ახალ ინფრასტრუქტურას აშენებს.
ამ ეტაპზე, ქალაქ კასპში 1 800 ოჯახი ახალი ინფრასტრუქტურითა და 24 - საათიანი წყალმომარაგებით პირველად სარგებლობს. პროექტის დასრულებამდე, ქალაქის დანარჩენი მოსახლეობა სტაბილურ წყალმომარაგებაზე ეტაპობრივად გადავა.
მიმდინარე წლის სექტემბრიდან უწყვეტი წყალმომარაგებით კასპის მუნიციპალიტეტის სოფლების - იგოეთისა და მრგვალი ჭალის მოსახლეობაც ისარგებლებს.
პროექტის ფარგლებში, სამუშაოები განხორციელდა ქალაქ გორშიც, კერძოდ ვერხვებისა და ელექტროფიკაციის დასახლებებში, სადაც მოეწყო ახალი ცენტრალური მაგისტრალური მილი და წყალმომარაგების სისტემა. შედეგად, დასახლებების მაცხოვრებლები სტაბილური წყალმომარაგებით არიან უზრუნველყოფილნი.
პროექტი, სახელმწიფო ბიუჯეტიდან, 31 მილიონ ლარზე მეტით ფინანსდება.
სამუშოების დასრულების შემდეგ, ქალაქ კასპში და აღნიშნულ სოფლებში მცხოვრები 7 000 მდე ოჯახი 24 - საათიანი წყალმომარაგებით პირველად ისარგებლებს.
სხვა სიახლეები
ილია ვეკუას სახელობის თბილისის N42 საჯარო სკოლის ახალი შენობის პროექტირებისთვის კონკურსი გამოცხადდა
03.07.2026.18:25
ინფრასტრუქტურის სამინისტროს მუნიციპალური განვითარების ფონდმა თბილისის №42 საჯარო სკოლის ახალი შენობის მშენებლობისთვის საჭირო საპროექტო დოკუმენტაციის მოსამზადებლად კონკურსი გამოაცხადა.
პროექტის ფარგლებში, დემონტირებული შენობის ნაცვლად უნდა აშენდეს ახალი, 800 მოსწავლეზე გათვლილი სკოლა, შენარჩუნდეს არსებული გეგმარებითი პარამეტრები, თუმცა არქიტექტურული გადაწყვეტები სრულად უნდა განახლდეს თანამედროვე საგანმანათლებლო, ტექნიკური და უსაფრთხოების სტანდარტების შესაბამისად.
საპროექტო მასალა მოიცავს არქიტექტურულ, კონსტრუქციულ და საინჟინრო პროექტებს, წინასაპროექტო კვლევებს,გარემოსდაცვით და სოციალურ დოკუმენტაციას.
პროექტირებისას განსაკუთრებული ყურადღება უნდა დაეთმოს ენერგოეფექტურობას, სეისმომედეგობას და უსაფრთხო სასწავლო გარემოს შექმნას.
პროექტის განხილვაში ჩაერთვება განათლების, მეცნიერებისა და ახალგაზრდობის სამინისტრო.
ინფორმაციას ინფრასტრუქტურის სამინისტრო ავრცელებს.
ახალი ინფრასტრუქტურა მნიშვნელოვნად გააუმჯობესებს სასწავლო პირობებს და მოსწავლეებს შეუქმნის თანამედროვე, უსაფრთხო და ხარისხიან საგანმანათლებლო გარემოს.
ქალაქ კასპისა და სოფლების - იგოეთისა და მრგვალი ჭალის მოსახლეობის 24-საათიანი წყალმომარაგებისთვის სამუშაოები აქტიურად გრძელდება
03.07.2026.18:11
სტუ-ის მეცნიერთა დელეგაცია ჰამბურგის გამოყენებით მეცნიერებათა უნივერსიტეტში ვორკშოპში მიიღო მონაწილეობა და სამუშაო შეხვედრები გამართა
03.07.2026.17:42
Tbilisi Open Air 2026-თან დაკავშირებით ლისის ტბის მიმდებარედ საგზაო მოძრაობა ნაწილობრივ შეიზღუდება
03.07.2026.16:58
სტუ-ის რექტორი გამოჩენილი ქართველი არქიტექტორის ვახტანგ დავითაიას გარდაცვალების გამო სამძიმარს გამოთქვამს
03.07.2026.15:50
