ქართული სტარტაპების მიერ შექმნილმა ინოვაციურმა ტექნოლოგიურმა პროდუქტებმა, სინგაპურის ინოვაციების და ტექნოლოგიების კვირეულზე, გამოფენის მონაწილეებისა და სტუმრების დიდი დაინტერესება გამოიწვია - ავთანდილ კასრაძე
„ქართული სტარტაპების მიერ შექმნილმა ინოვაციურმა ტექნოლოგიურმა პროდუქტებმა, სინგაპურის ინოვაციების და ტექნოლოგიების კვირეულზე, გამოფენის მონაწილეებისა და სტუმრების დიდი დაინტერესება გამოიწვია“, - ამის შესახებ ეკონომიკისა და მდგრადი განვითარების საქართველოს ინოვაციების და ტექნოლოგიების სააგენტოს (GITA) თავმჯდომარემ ავთანდილ კასრაძემ განაცხადა.
როგორც მან აღნიშნა, ეს პროდუქტები გლობალურად კონკურენტუნარიანია, ხოლო მთავრობის მხარდაჭერა ქართულ სტარტაპებს სამხრეთ-აღმოსავლეთ აზიის ბაზარზე გაფართოებისა და განვითარების დამატებით შესაძლებლობებს მისცემს, რაც ქვეყნის ეკონომიკური ზრდისთვის მნიშვნელოვანია.
„ძალიან სასიხარულოა, რომ საქართველო პირველად არის წარმოდგენილი ქვეყნის პავილიონით ამ გამოფენაზე და კიდევ უფრო საინტერესო და საამაყოა ის ფაქტი, რომ ქართული ინოვაციური, მაღალტექნოლოგიური სტარტაპები ღირსეულად მონაწილეობენ ღონისძიებაში“, - განაცხადა ავთანდილ კასრაძემ.
ავთანდილ კასრაძე ეკონომიკისა და მდგრადი განვითარების მინისტრის მოადგილე ირაკლი ნადარეიშვილთან ერთად სინგაპურში, აზიის უმსხვილეს ტექნოლოგიურ ფორუმში SWITCH 2026 (სინგაპურის ინოვაციების და ტექნოლოგიების კვირეულის) მონაწილეობს, რომელიც ქვეყნის ვიცე-პრემიერმა, გან კიმ იონგმა გახსნა.
კვირეულის ფარგლებში გამართულ გამოფენაზე საქართველო წელს საკუთარი პავილიონით „StartUP in Georgia“ პირველად არის წარმოდგენილი.
დღის ტოპ 10 სიახლე
სხვა სიახლეები
სიღნაღის მუნიციპალიტეტის საბაზისო-თემატური გეგმის შემუშავებაზე მუშაობა იწყება
28.10.2026.12:34
ეკონომიკისა და მდგრადი განვითარების სამინისტროს სივრცითი და ქალაქთმშენებლობითი განვითარების სააგენტოს ინიციატივით, სიღნაღის მუნიციპალიტეტისთვის საბაზისო-თემატური გეგმის შემუშავებასთან დაკავშირებით სამუშაო შეხვედრა გაიმართა, სადაც პროექტის ძირითადი მიმართულებები განიხილეს. მუნიციპალიტეტის წარმომადგენლები გაეცნენ საპროექტო კომპანიის მიერ მომზადებულ პრეზენტაციასა და სამუშაო გეგმას. ასევე, იმსჯელეს პროექტის განხორციელებასთან დაკავშირებულ საორგანიზაციო საკითხებზე.
შეხვედრას სივრცითი და ქალაქთმშენებლობითი განვითარების სააგენტოს უფროსი ზურაბ წიკლაური, მისი მოადგილე სოფიკო მაისურაძე, კახეთის მხარეში სახელმწიფო რწმუნებულის პირველი მოადგილე გიორგი თუშიშვილი, სიღნაღის მუნიციპალიტეტის მერი მალხაზ ბეგიაშვილი, საკრებულოს თავმჯდომარე დავით ჯანიკაშვილი და საპროექტო კომპანია „ურბანიკას” დირექტორი ირაკლი მურღულია ესწრებოდნენ.
შეხვედრის დასრულების შემდეგ სააგენტოსა და ადგილობრივი ხელისუფლების წარმომადგენლებმა ტერიტორიის არსებული მდგომარეობის გაცნობისა და შემდგომი სამუშაოების ეფექტიანად განხორციელების მიზნით საპროექტო არეალიც დაათვალიერეს.
მუნიციპალური განვითარების ფონდის წარმომადგენლები ჩინეთში საგანმანათლებლო სივრცეების დაგეგმვის გამოცდილებას გაეცნენ
28.10.2026.12:12
გერმანელმა ღვინის მაგისტრმა, იანეკ შუმანმა ქართული ღვინო გერმანიის სამ ქალაქში წარადგინა
28.10.2026.12:06
მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს
28.10.2026.10:35
