რიკოთის უღელტეხილზე მოძრაობა აღდგენილია და ორმხრივ რეჟიმში მიმდინარეობს

საზოგადოება

ნათია თურნავა კომპანია Tether-ის წარმომადგენლებს შეხვდა

25.05.2026.18:48

საქართველოს ეროვნული ბანკის პრეზიდენტი ნათია თურნავა ბლოკჩეინ ტექნოლოგიებზე დაფუძნებული მსოფლიოს უდიდესი პლატფორმა Tether-ის დამფუძნებელს ჯანკარლო დევაზინის, აღმასრულებელ დირექტორს პაოლო არდოინოს და ვიცე-პრეზიდენტს მარკო დელ ლაგოს შეხვდა.

შეხვედრას ასევე ესწრებოდნენ სებ-ის ვიცე-პრეზიდენტი ნინო ჯელაძე და აღმასრულებელი დირექტორი ბექა დოჭვირი.

შეხვედრისას ხაზი გაესვა, რომ ეროვნული ბანკი აქტიურად მუშაობს ისეთი მარეგულირებელი გარემოს შექმნაზე, რომელიც ხელს უწყობს ფინანსური ტექნოლოგიების განვითარებასა და ინვესტიციების მოზიდვას.

ნათია თურნავამ Tether-ის წარმომადგენლებს გააცნო სებ-ის მიერ ვირტუალური აქტივის სექტორისთვის შექმნილი თანამედროვე მარეგულირებელი ჩარჩო, რომელიც საერთაშორისო საუკეთესო პრაქტიკას ეფუძნება და უზრუნველყოფს სექტორის გამჭვირვალე და სტაბილურ განვითარებას, რაც რეგიონში პირველი მსგავსი მარეგულირებელი ჩარჩოა. მისი მიზანია საქართველოში სტაბილური ვირტუალური აქტივების უსაფრთხო, გამჭვირვალე და სანდო გარემოში გამოშვების ხელშეწყობა.

კომპანია Tether-მა, რომელიც გლობალური ტექნოლოგიური ლიდერია და 200 მლრდ დოლარამდე აქტივებს ფლობს, დღეს საქართველოში საკუთარი საქმიანობისა და პროექტების შესახებ პრეზენტაცია გამართა.

ეროვნული ბანკი 2026-2028 წლების საზედამხედველო სტრატეგიის სამუშაო ვერსიას აქვეყნებს 25.05.2026.17:37

სენაკი-ფოთი-სარფის გზის 72-ე და 89-ე კმ-ებზე მსუბუქი ავტოტრანსპორტის მოძრაობა 26 მაისიდან აღდგება 25.05.2026.17:09